(බිමල් ශ්‍යාමන් ජයසිංහ )
බණ්ඩාරගම බොල්ගොඩ ප්‍රදේශයේ බොල්ගොඩ ගඟ ආශ්‍රිත හෝටලයකට විනෝද වීම සඳහා පැමිණි පිරිසකට අධික ලෙස ලුණු මිශ්‍ර කර ආහාර සපයා අනතුරුව පිටස්තරයන් ලවා පහරදී තුවාල සිදු කළ කළමනාකරු ඇතුළු සිව් දෙනකු අත්අඩංගුවට ගත් බව බණ්ඩාරගම පොලිසිය කියයි.
අත්අඩංගුවට බත් සෙසු සැකකරුවන් අතර හෝටල් සේවකයෙක්ද වන බව පොලිසිය කියයි.පහර කෑ පුද්ගලයෙකු පානදුර මූලික රෝහල වෙතද ඇතුළත් කෙරිණි.
ව්‍යාපාර කටයුතුවල යෙදෙන අතුරුගිරිය ප්‍රදේශයේ පදිංචි පිරිසක් බණ්ඩාරගම ප්‍රදේශයේ හිතවතෙකුගේ නිවසට පැමිණ ඔවුන් පිරිස විනෝද වීම සඳහා අදාළ හෝටලය තෝරාගෙන තිබූ බව පොලිස් විමර්ශනවලදී අනාවරණය වී තිබිණි.
හෝටලයේ නාන තටාකයට යාබද ස්ථානයක් ඒ සඳහා කලින්ම වෙන්කරවාගෙන තිබූූ අතර සවස් යාමේ පැමිණ තිබූ ඔවුන් රාත්‍රී අට පමණවන තෙක් එහි රැඳී සිට ඇතැයි පොලිසිය කියයි.
ඒ අතරතුරදි කළමනාකරු දන්නා අඳුනන පිරිසක් හෝටලය වෙත පැමිණ ඇති අතර ඔවුන්ටත් එම ස්ථානයම අවශ්‍ය වී ඇති අතර කළමනාකරු ඒ හේතුවෙන් අතුරුගිරියෙන් පැමිණි පිරිසට හෝටලයෙන් පිටව යන ලෙස දැනුම් දීී ඇත.
