( බිමල් ශ්‍යාමන් ජයසිංහ )
රුපියල් ලක්ෂ 80 කට ආසන්න වටිනාකමෙන් යුත් අයිස් මත්ද්‍රව්‍ය තොගයක් හා ජාවාරමෙන් උපයා ගත් මුදල් තොගයක් සමඟ පුද්ගලයකු අත්අඩංගුවට ගත් බව ගල්කිස්ස මූලස්ථාන පොලිසිය කියයි.
එම සැකකරු සමඟ අයිස් මත්ද්‍රව්‍ය ග්‍රෑම් 800 ක් රුපියල් 496,000 ක මුදලක් පොලිස් භාරයට ගෙන ඇත.
ගල්කිස්ස මූලස්ථාන පොලිසියට ලද තොරතුරකට අනුව රත්මලාන මැලිබන් හන්දියේදී අයිස් මත්ද්‍රව්‍ය සමග අත්අඩංගුවට ගත් සැකකරුගෙන් සිදු කළ ප්‍රශ්න කිරීමේදී අනාවරණ වූ තොරතුරුු අනුව පිළියන්දල පල්ලිය පාර ප්‍රදේශයේදී, නවතා තිබූ ලොරි රථයක සඟවා තිබූ තවත් අයිස් මත්ද්‍රව්‍ය සහ මුදල් සොයාගැනීමට හැකිවූ බව පොලිසිය කියයි.
