වැලිවේරිය රතු පස්වල කම්හලෙන් සිදුවූ අනර්ථයත්, කම්හල් හිමියන්ගේ පැත්ත ගෙන ගිය රජය සමයේ හමුදාවේ වෙඩි තැබීමෙන් තරුණයන් තිදෙනෙකු මරා දැමීම ගැනත්, මේ රජයද කිසිත් නොකරතියි රාවය හිටපු ප්‍රධාන කර්තෘ වික්ටර් අයිවන් මහතා කොළඹ පුස්තකාල ශාලාවේදී අද ප්‍රකාශ කළේය.
වික්ටර් අයිවන් මහතා අවධාරණය කළේ රතු පස්වල සිද්ධියට තුඩු දුන් හේතු හා ගැමියනට සිදුවූ අසාධාරණය ගැනත් ඊට වගකිය යුතු හැම දෙනාම නීතිය ඉදිරියට පැමිණවිය යුතු බවය. එහෙත් එවැනක් සිදුවන ලකුණු නැති බවත් මේ රජයද ගිය රජය මෙන් සමාගම රකින බවත් ඔහු කීවේය.
ජනමාධ්‍ය ඇතුළු මුළු සමාජයම කුණුවී ඕජස් ගලන තත්ත්වයකට පත්ව තිබියදී තරිඳු ජයවර්ධන වැනි තරුණ මාධ්‍යවේදීන් දැකීම අපමණ සතුටට හේතුවක් බවත්, ඔවුන් කිසිම බලවේගයකට නොනැමී සමාජයට කරන සේවය මිල කළ නොහැකි බවත් ඔහු කීවේය.
මහාචාර්ය සරත් විජේසූරිය ඇතුළු විද්වතුන් කිහිපදෙනෙක්ම මෙහිදී අදහස් දැක්වූහ.
තරිඳු සිට කුළුදුල් පොත මවට හා මිත්තණියට පිදුවේය.
