‘කොළඹ කුණු අපිට එපා’ මීතොටමුල්ල කොළොන්නාව ප්‍රදේශ වලින් ජා ඇල ඒකල මඩම හන්දියේ අක්කර 3 ක ප්‍රමාණයක ඉඩමකට රැගෙන එන බව කියන කට කතා නිසා ප්‍රදේශවාසිහු අද (12) විරෝධතාවයක නිරත වුහ.
කොළඹින් කුණු ගම්වලට ගෙනාවොත් මුළු පරිසරයම දුෂිත වන බවත් ජා ඇල, ඒකල කාර්මික උප නගර නිසා කම්හල් වලින් සිදුවන පරිසර හානිය මදිවාට තවත් කුණු ගෙනැවිත් දැමුවහොත් පරිසරය දුෂණය වන බව ඔවුහු කියති.
විරෝධතාවය හේතුවෙන් කොළඹ - කුරුණෑගල මාර්ගයේ වාහන ධාවනයටද බාධා ඇතිවිය.
පාර්ලිමේන්තු මන්ත්‍රී කාවින්ද ජයවර්ධන පැමිණ මෙම ප්‍රශ්නයට විසඳුම් ලබාදෙන බව පැවසීමෙන් පසු ඔවුහු විසිර ගියහ.
