තර්ජනවලට තමා බිය නොවන බවත්, ගැත්තන්නට බය නොවන බවත් සෞඛ්‍ය ඇමැති දොස්තර රාජිත සේනාරත්න මහතා කියයි.
‘‘රජයේ වෛද්‍ය නිලධාරීන්ගේ සංගමය වැඩ වර්ජනයක් ආරම්භ කිරීමට සූදානම් වෙනවා. පශ්චාත් සීමාවාසික වෛද්‍ය පත්වීම් සහ සීමාවාසික වෛද්‍ය පත්වීම් ලබා දෙන්නේ ලකුණු ක්‍රමයක් මතයි. එම ලකුණු ක්‍රමය කාටවත් වෙනස් කරන්න බෑ. නව පත්වීම් ලබා දෙන රෝහල් තීරණය කළ යුත්තේ රජයේ වෛද්‍ය නිලධාරීන්ගේ සංගමය නොවෙයි. රෝහල්වල සියලු දත්ත තිබෙන එකම තැන සෞඛ්‍ය අමාත්‍යංශය. රජයේ වෛද්‍ය නිලධාරීන්ගේ සංගමයේ නොවෙයි. එක එක මාෆියා කණ්ඩායම්වල වැඩ වලට මම බය නෑ. වෘත්තීය සමිති කාර්යංශයක් සෞඛ්‍ය අමාත්‍යංශය තුළ විවෘත කර තිබෙනවා.
වැඩ වර්ජන සිදු කර අහිංසක රෝගීන් බිලී බාන්න කටයුතු නොකළ යුතුයි. දුප්පත් මිනිහට නැති සෞඛ්‍ය සේවාවක් අපට අවශ්‍ය නෑ. ‘‘
