නවක වදයට විරෝධය දැක්වීමේ අරමුණෙන් උපාධි ප්‍රදානෝත්සව ඇතුලු ශිෂ්‍ය ක්‍රියාකාරකම් කිසිවකට සහභාගී නොවී සිටීමටත් සිසුන්ගේ පෞද්ගලික අවශ්‍යතා කිසිවකට ප්‍රතිචාර නොදක්වා සිටීමටත් ශ්‍රී ලංකා සබරගමුව විශ්වවිද්‍යාලයීය සමාජීය විද්‍යා හා භාෂා පීඨ ආචාර්ය මණ්ඩලය තීරණයක් ගෙන ඇත.
සමූහ ඡායාරූප සඳහා සහභාගි නොවී සිටින්නට ද තීරණයන් ගත් බවත් යම්හෙයකින් දැනුම් දීමකින් තොර ව ආචාර්යවරුන්ගේ සහ ආචාර්යවරියන්ගේ ඡායාරූප යොදාගතහොත් නීතිමය පියවර ගැනීමට කටයුතු කරන බවත් එම පීඨයේ ආචාර්යවරයෙක් පැවැසීය.
පීඨය තුළ නවකවද සිද්ධීන් කිසිදු අයුරකින් සිදු නොවන බවට ඉඳුරා තහවුරු වන තෙක් මෙම ක්‍රියාමාර්ග අනුගමනය කරන බව ද හෙතෙම කීය.
