බැසිල් රාජපක්ෂ ගෙන යන වැඩපිළිවෙළවල් නිසා දැන් පක්ෂය භේද බින්න වෙන්න පටන් අරගෙන. පොදු විපක්ෂය කියා ගන්නා කන්ඩායම් දැන් සි සි කඩ කැඩෙමින් යන බවත් තව දින කිහිපයකින් ඒ පක්ෂය සුනේ සුන් වන බවත් එක්සත් ජාතික පක්ෂ මහනුවර දිස්ත්‍රික් පාර්ලිමේන්තු මන්ත්‍රි ලකී ජයවර්ධන මහතා පැවැසිය.
දවුලගල හපුගහයටතැන්න වටදෙනිය මාර්ගය කිලෝ මීටර් 8 ක් කාපට් අතුරා සංවර්ධනය කිරිම වෙනුවෙන් පැවැති උත්සවයේදී ඔහු එසේ කීය.
‘ෂැඩෝ කැබිනෙට්ටුවට පත් කරපු නාමික ඇමැතිවරු දැන් ඉල්ලා අස්වෙනවා. රටේ අගමැතිවරු දෙදෙනෙක් නෑ. ඉන්නෙ රනිල් වික්‍රමසිංහ මහතා පමණයි. ජනපතිවරු දෙදෙනෙක් නෑ. ඉන්නේ මෛත්‍රිපාල සිරිසේන ජනපති පමණයි.‘ යැයි ද ඔහු පැවසීය.
