භාරත ලක්ෂ්මන් ප්‍රේමචන්ද්‍ර හිටපු මන්ත්‍රී හා මහින්ද රාජපක්ෂ හිටපු ජනපතිගේ වෘත්තීය සමිති උපදේශකගේ හිසට කොළොන්නාවේදී වෙඩි වැදුණු ආකාරය දැක්වෙන පින්තූරයක් ඔහුගේ දියණිය එජාප මන්ත්‍රිනී හිරුනිකා ප්‍රේමචන්ද්‍ර සිය ෆේස්බුක් පිටුවේ පළකර තිබිණි.
ඔහු ඇතුළු සිව් දෙනකු මරා දැමුණු දින ගත් මෙම පින්තූරය පළකරනුයේ මහජන අනුකම්පාව දිනාගැනීමට නොව තම පියා මියගිය ආකාරය ගැන මහජනයාට අවබෝධයක් ලබාදීමට යැයි ඇය එහි සඳහන් කර ඇත.
2011දී ඔහු ඝාතනය කිරීම සම්බන්ධයෙන් හිටපු මන්ත්‍රී දුමින්ද සිල්වා ඇතුළු පස් දෙනෙක් කොළඹ විශේෂ අධිකරණයක බහුතර තීන්දුවකින් පෝරකයට නියම කරනු ලැබූහ.
