මාලබේ පෞද්ගලික වෛද්‍ය විද්‍යාලයය අහෝසි කරන්නට බැරි බවත්, අහෝසි නොකරන බවත් උසස් අධ්‍යාපන ඇමැති ලක්ෂ්මන් කිරිඇල්ල මහතා පාර්ලිමේන්තුවේ දී ප්‍රකාශ කළේය.
ජනතා විමුක්ති පෙරමුණේ පාර්ලිමේන්තු මන්ත්‍රී අනුර කුමාර දිසානායක මහතා ඇසූ ප්‍රශ්නයකට පිළිතුරු ලෙස එලෙස කීවේය.
මාලබේ වෛද්‍ය විද්‍යාලයය සම්බන්ධයෙන් ශ්‍රේෂ්ඨාධිකරණයේ පවරා ඇති නඩුවේ තීන්දුව එන තුරු මාලබේ වෛද්‍ය විද්‍යාලයය ගැන තීරණයක් ගත නොහැකි බව ද ඔහු කීවේය.
පාර්ලිමේන්තුව නියෝජනය කළ නොහැකි පෙරටුගාමී සමාජවාදී පක්ෂය ඇතැම් සිසුන් අල්ලාගෙන උද්ඝෝෂණ කළත් එයින් පළක් නොවන බව කී ඇමැතිවරයා සරසවි පාඨමාලා සකසනුයේ ශිෂ්‍යයන් නොවන බව ද සඳහන් කළේය.
