‘පාර්ලිමේන්තුවේ සියලු දෙනාගේ සහයෝගයෙන් එකඟත්වයෙන් අපි මේ රටට ගැළපෙන ව්‍යවස්ථාවක් ඉදිරිපත් කරන්න බලාපොරොත්තු වෙනවා‘ යැයි කථානායක කරු ජයසූරිය මහතා පැවසීය.
නව ආණ්ඩුක්‍රම ව්‍යවස්ථාවක් පිළිබඳ මහජන අදහස් ලබා ගැනීමේ කමිටු වාර්තාව ශ්‍රී ජයවර්ධනපුර කෝට්ටේ පාර්ලිමේන්තු සංකීර්ණයේ පිහිටි කථානායක කාර්යාලයේදී මහජන අදහස් ලබා ගැනීමේ කමිටුවේ සභාපති නිතීඥ ලාල් විජේනායක මහතා විසින් අද (01) කථානායකවරයාට බාරදුන් අවස්ථාවේ ඔහු එසේ කීවේය.
‘අවුරුදු ගණනක් තිස්සේ මේ රටේ ජනතාවට ඕන වෙලා තිබුනා වර්තමානයට ගැළපෙන විදියට නව ව්‍යවස්ථාවක් හදා ගන්න එක, එහෙම නැත්තම් නව ව්‍යවස්ථාවක් හැදීම,ජනතාවගේ අයිතිවාසිකම් රැකෙන ව්‍යවස්ථාවක්, ඒ වගේම පාර්ලිමේන්තුවේ බලතල පැවරෙන ව්‍යවස්ථාවක් හදා ගන්න එක. ඒ නිසා මම විශේෂයෙන් පොරොන්දු වෙනවා මේ අවස්ථාවේදි පාර්ලිමේන්තුව වෙනුවෙන් අපි ඒ සෑම අදහසක්ම අවධානයට යොමු කරනවා කියලා‘ යැයි ද කථානායකවරයා කීය.
