ලංගමය පොදු ජනතාවගේ ප්‍රවාහන සේවාවක් බවත් තම ආයතනය සැමවිටම ක්‍රියා කරන්නේ මගී ජනතාවගේ පහසුව තකා බැවින් නොයෙක් සංගම් මගින් ඉල්ලන මාර්ග තදබද ගාස්තුව මගීන්ගෙන් අයකරගන්නා යෝජනාවට ලංගමය කිසිසේත් එකඟ නොවන බව එහි නියෝජ්‍ය කළමනාකාර රාජා ගුණතිලක මහතා පවසයි.
ජූලි මස 1 වැනිදා සිදුකිරීමට යෝජිත වාර්ෂික බස් ගාස්තු සංශෝධනයේදී මාර්ග තදබද ගාස්තුවක් මගීන්ගෙන් අයකිරීමට ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න යෝජනා කර තිබිණි.
