යෝජිත නව ව්‍යවස්ථා කෙටුම්පතවත් එළි දක්වා නොතිබියදී බොරු සැකයක් ඇති කර ගෙන එමගින් රටට අහිතකර දේ සිදුවන බව කිම අනුමත කළ නොහැකි බව තිබ්බටුවාවේ ශ්‍රී සිද්ධාර්ථ සුමංගල මල්වතු පාර්ශවයේ මහානායක හිමියෝ පැවැසුහ.
යෝජිත නව ව්‍යවස්ථාවෙන් බෙදුම්වාදය ඇති කරන කිසිම යෝජනාවක් ගෙන නොඑන බව ජනපති හා අගමැති කිහිප විටකදි පවසා ඇති බවද මහානාහිමියෝ කීහ.
ජාතික නිදහස් පෙරමුණේ නායක විමල් වීරවංශ ඇතුළු පිරිසක් අද (13) අස්ගිරි මල්වතු මහ නා හිමිවරු බැහැ දැක යෝජිත නව ව්‍යවස්ථාව මගින් රටේ ඒකීය භාවයට තර්ජනයක් වන බව හා එමගින් රටට තවත් අහිතකර ප්‍රතිපල උදාවිය හැකි බැවින් ඒ පිළිබද මහානාහිමිවරු ඇතුළු සංඝරත්නය දැනුම්වත් කිරීමට පැමිණි අවස්ථාවේ උන්වහන්සේ එසේ අදහස් පළ කළහ.
යෝජිත ව්‍යවස්ථාව මහජනතාව හමුවේ තබා කරුණු විමසා සකසන බැවින් දැන්ම ඒ සම්බන්ධව අනියත බියක් ඇති කරගත යුතු නැති බවද මහානාහිමියෝ එහිදී පැවැසුහ.
