ජනතා විමුක්ති පෙරමුණේ පාර්ලිමේන්තු මන්ත්‍රී විජිත හේරත් අපරික්ෂාකාරී ලෙස රිය පදවා අනතුරක් වළක්වා නොගැනීමට වරදකරු කරමින් කොළඹ අතිරේක මහේස්ත්‍රාත් චන්දන කලංසූරිය මහතා රුපියල් 1500.00 ක රජයේ ගාස්තු ගෙවන ලෙස ඔහුට නියෝග කළේය.
බීමත්ව රිය පැදවූ බවට ඉදිරිපත් කළ තෙවැනි චෝදනාව බැලූ බැල්මට ඔප්පු කළ නොහැකි බව කී මහේස්ත්‍රාත් ඔහු එම චෝදනාවෙන් නිදහස් කළේය.
මන්ත්‍රී වරයා පරීක්ෂණයට ලක් කළ අතිරේක අධිකරණ වෛද්‍ය නිලධාරී කේ.කේ. ජූසාර් ඔහුගේ වාර්තාවේ සඳහන් කර ඇත්තේ ඔහුගේ කටින් මත්පැන් ගඳ වහනය වන බවයි. එහෙත් ඔහු මත් පැන් බී සිටියේ දැයි ඔහුගේ වාර්තාවේ සඳහන් නොවේ. සුමනරත්නට එරෙහිව බොරැල්ල ඕ.අයි.සී නඩු තීන්දුව අනූව සැකකරු ගේ කටින් මත්පැන් ගඳ වහනය වීම නිසාම ඔහු මත් පැන් බී සිටියේ යැයි චෝදනාවක් නැගීමට ප්‍රමාණවත් සාක්කි නැතැයි මහේස්ත්‍රාත් කීවේය.
හානියට පත් දුරකථන කණුව වෙනුවෙන් රුපියල් 17423.00 ක අලාභයක් ගෙවීමට ඔහු එකඟ විය.
ඡායාරූප - ඉෂාන් සංජීව
වීඩියෝ - ශාන්ත රත්නායක
