රජයේ වෛද්‍ය නිලධාරීන්ගේ සංගමය සෞඛ්‍ය අමාත්‍යවරයා ඉවත් කළ යුතු බව කියන්නේ දේශපාලන අරමුණකින් මිස කිසිඳු සාධාරණ හේතුවක් ඇතිව නොවේ යැයි සෞඛ්‍ය සේවා වෘත්තීය සමිති ඒකාබද්ධ කමිටුව පවසයි.
සෞඛ්‍ය සේවාවේ සියලූ දෙනා වෙනුවෙන් එක සේ පෙනී සිටින, සියලූ දෙනාගේම ප‍්‍රශ්න විසඳන වත්මන් සෞඛ්‍ය ඇමතිවරයා නිසා සෞඛ්‍ය සේවාවේ සියලූ දෙනාටම සාධාරණය ඉටුවී ඇතැයි වෛද්‍ය පර්යේෂණ තාක්‍ෂණ නිලධාරීන්ගේ සංගමයේ සභාපති රවී කුමුදේශ් මහතා කියයි.
මීට පෙර සෞඛ්‍ය ක්ෂේත‍්‍රය තුළ රජයේ වෛද්‍ය නිලධාරීන්ගේ සංගමයේ ඒකාධිකාරයක් ක‍්‍රියාත්මක වූ බවත් දැන් එම තත්ත්වය වෙනස්වීම නිසා ඔවුන් අමාත්‍යවරයා ඉවත්කිරීමට උත්සහ කරන බවත් කුමුදේශ් මහතා සඳහන් කරයි.
