ශ්‍රී ලංකා විදේශ සේවා නියුක්ති කාර්යංශයේ ලියාපදිංචි නොවී විදෙස් ගත වන ශ්‍රමිකයන් සම්බන්ධයෙන් වග නොකියන බවත්, කිසියම් ප්‍රශ්නකාරී අවස්ථාකදී ඔවුන් නැවත මෙරටට ගෙන්වීමට රජය ක්‍රියා නොකරන බවත් විදේශ රැකියා ඇමැතිනි තලතා අතුකෝරල මහත්මිය අද (6) පැවැසූවාය.
විදේශ සේවා නියුක්ති කාර්යාංශයේ ලියාපදිංචි නොවී නීති විරෝධීව විදෙස් ගත වන ශ්‍රමිකයන් නැවත මෙරටට පැමිණීමට අවශ්‍ය නම් ඒ සඳහා අදාළ වියදම් ඔවුන් විසින්ම දැරිය යුතු බව ද අමාත්‍යවරිය කීවාය.
විදේශ රැකියා ඇමතිනිය මේ බව ප්‍රකාශ කළේ විගමනික පවුල් සුබසාධක වැඩසටහන පිළිබඳ දැනුම්වත් කිරීම සඳහා ශ්‍රී ලංකා විදේශ සේවා නියුක්ති කාර්යාංශයේ පැවැති මාධ්‍ය හමුවකදී අදහස් දක්වමිනි.
