(අංජුල මහික වීරරත්න)
එක්සත් ජාතික පක්‍ෂ නායක රනිල් වික්‍රමසිංහ මහතා හෝ එක්සත් ජාතික පක්ෂයේ කිසිවකු හෝ මහා බැංකු බැඳුම්කර ජනාධිපති කොමිෂන් සභා වාර්තාවෙන් වැරදිකරු යැයි තීරණය කර තිබේනම් එය වහා මාධ්‍යට ඉදිරිපත් කරන්නැයි එක්සත් ජාතික පක්‍ෂ පාර්ලිමේන්තු මන්ත්‍රී වජිර අබේවර්ධන මහතා පැවැසීය.
ජනාධිපති කොමිෂන් වාර්තාවේ නැති කරුණක් ගැන වැරදි ප්‍රචාර දී දේශපාලන ප්‍රතිරූපවලට ප්‍රහාර එල්ල කරන්නට උත්සාහ කරන්නේ ඇයි දැයි මන්ත්‍රීවරයා ප්‍රශ්න කළේය.
ඕපාදුප කතා නොකරන තමා වැනි දේශපාලකයන්ගේ කට පාවිච්චි කරගන්නට ලෑස්ති නොකරන්නැයි ද තමා හරියට යමක් කිව්වොත් එදාට සයනයිඩ් කරලක් කටේ ගහගන්නට සිදුවන බවද වජිර අබේවර්ධන මහතා සඳහන් කළේය.
කොළඹ අරලියගහමැදුරේ පැවති මාධ්‍ය හමුවකදී වජිර අබේවර්ධනමහතා මේ බව කීය.
