(ඉන්දික අරුණ කුමාර)
හිටපු ජනාධිපතිනි චන්ද්‍රිකා බණ්ඩාරනායක මහත්මියට විනය පරික්ෂණ සිදුකිරිමට පෙර ශ්‍රී ලංකා නිදහස් පක්ෂය දියකර හැරි මහින්ද රාජපක්ෂ මහතාට විනය පරික්ෂණ පැවැත්විය යුතු බව පාර්ලිමේන්තු මන්ත්‍රිනී රෝහිණි කුමාරි විජේරත්න කීවාය.
නාඋල - බිබිල ප්‍රදේශයේ පැවති එක්සත් ජාතික පක්ෂයේ සාමාජිකයන් පිරිසක් සංවිධාන කර තිබූ ජන හමුවකට එක් වෙමින් ඇය මෙසේ පැවසුවාය.
සජිත් ප්‍රේමදාස මහතාට සහාය පළකිරිම සඳහා ශ්‍රී ලංකා නිදහස් පක්ෂයේ සාමාජිකාවක වන හිටපු ජනාධිපතිනී චන්ද්‍රිකා බණ්ඩාරනායක මහත්මිය පසුගිය දා ගිවිසුමකට එළඹිනි.
එම සිද්ධිය සම්බන්ධයෙන් ප්‍රතිචාර දක්වා ඇති වත්මන් විපක්ෂනායක හා හිටපු ජනාධිපති මහින්ද රාජපක්ෂ මහතා නාඋල දී පැවති ජනහමුවක දී පැවසුවේ චන්ද්‍රිකා බණ්ඩාරනායක මහත්මිය ශ්‍රී ලංකා නිදහස් පක්ෂය හැර දමා වෙනත් පක්ෂ නිර්මාණය කළ බවයි.
මෙම ප්‍රකාශයට පිළිතුරු වශයෙන් රෝහිණී කුමාරි විජේරත්න මහත්මිය රැස්ව සිටි සිය පාක්ෂිකයින් අමතා කියා සිටියේ එක එක ලාංඡන අරගෙන ශ්‍රී ලංකා නිදහස් පක්ෂයෙන් ඉවත් වූයේ මහින්ද රාජපක්ෂ මහතා බවයි.
ඒ අනුව පළමුව විනය පරික්ෂණ තැබිය යුත්තේ මහින්ද රාජපක්ෂ මහතාට චන්ද්‍රිකා බණ්ඩාරනායක මහත්මියට ද යන්න මේ රටේ ජනතාවට ප්‍රශ්නයක් පවතින බව ද ඇය කියා සිටියේය.
මේ සම්බන්ධයෙන් ශ්‍රි ලංකා නිදහස් පක්ෂය පිළිතුරක් ලබාදිය යුතු බව ද ඇය අවධාරණය කළාය.
