(අංජුල මහික වීරරත්න)
කොතලාවල ආරක්ෂක විශ්ව විද්‍යාල පනත් කෙටුම්පත පිළිබඳව මෙරට විශ්වවිද්‍යාල ආචාර්යවරුන් සමඟ ආණ්ඩුව වහාම සාකච්ඡා කළ යුතුව ඇතැයි විපක්ෂයේ ප්‍රධාන සංවිධායක පාර්ලිමේන්තු මන්ත්‍රී ලක්ෂ්මන් කිරිඇල්ල මහතා පවසයි.
ආණ්ඩුව මෙම පනත ගැන කිසිවකුත් සමඟ සාකච්ඡා නොකරන්නේ යම් හොරයක් තිබෙන නිසා බව ද ආණ්ඩුවේ අරමුණ රට පුරා පෞද්ගලික විශ්ව විද්‍යාල ජාලයක් ඇරඹීම යැයිද ලක්ෂ්මන් කිරිඇල්ල මහතා කීය.
කොළඹ විපක්ෂනායක කාර්යාලයේ පැවති මාධ්‍ය හමුවේ දී ලක්ෂ්මන් කිරිඇල්ල මහතා කීවෙි මුළු රටේම අධ්‍යාපන ක්ෂෙත්‍රය මිලිටරිකරණයකට ලක් කරන්නට ආණ්ඩුව සූදානම් වන බවයි.
