YFM 11 වැනි සංවත්සරය පසුගියදා මහ ඉහළින් සැමරූ අතර, ඒ හා බැඳුණු වැඩසටහන් හා ඉදිරි ගමන්මග පිළිබඳව කතාබස් කරනට එහි වැඩසටහන් අධ්‍යක්ෂ සජිත් "තරුණයා" සමග අපි සම්බන්ධ කර ගත්තෙමු.

සමරන 11 වැනි වසර

තාරුණ්‍යයේ එකම නාළිකාව තමයි Y FM. අපි තාරුණ්‍යය වෙනුවෙන් බොහෝ වැඩසටහන් කරනවා. ඒ වගේම අපේ තේමාව තමයි Y මගේ හදවත යන්න. Y යන්නෙහි තේරුම YOUNG යන්නයි. හදවතින් තරුණ හැම කෙනෙකුටම Y FM එක්ක එකතු වෙන්න පුළුවන්. එමෙන්ම 11 වැනි සංවත්සරය වෙනුවෙන් වැඩසටහන් බොහොමයක් සංවිධානය කර තිබෙනවා. පළමුවැන්න තමයි දෙපානම මැදිරි සංකීරණයේ 10 සිට 12 වෙනකම් සංගීත ප්‍රසංගයක් පැවැත්වීම. එමෙන්ම එදින Y FM DREAM BIKE නමින් මෝටර් බයිසිකලයක් ලබාදීමට කටයුතු කරනවා. එයත් ඔබට ජයග්‍රහණය කරන්න පුළුවන්.

මලල ක්‍රීඩාවට අතහිත

එමෙන්ම ජාතික මට්ටමේ මලල ක්‍රීඩා තරගාවලියක් පවත්වනවා. අපේ නාළිකාව තමයි ක්‍රිකට් කානිවල් එකක් සංවිධානය කරලා නුවන් ප්‍රදීප් නම් වූ ක්‍රිකට් තරුව සොයාගත්තේ. මෙවර මලල ක්‍රීඩා කරන දිස්ත්‍රික්ක 25ක ක්‍රීඩක ක්‍රීඩිකාවන් එකතු කරලා දිස්ත්‍රික් මට්ටමේ තරග පවත්වලා ඔවුන් ජාතික මට්ටමට ගෙන එන්න කටයුතු කරනවා. ක්‍රීඩා අමාත්‍යාංශය, ක්‍රීඩා සංගමයත් එක්ක එකතුවෙලා කරන දැවැන්ත වැඩක්. මෙහිදී අපි බලාපොරොත්තු වෙන්නෙ අවසන් මහා තරගයේදී ජාතික මට්ටමෙන් ඉදිරිටයට එන ගමේ හැකියාවන් ඉදිරියට ගන්න 2018 COMMONWELTH , ආසියානු කුසලාන‍ තරග සඳහාත් 2020 ඔලිම්පික් තරග සඳහත් සූදානම් කරනවා. අපි ක්‍රීඩා තරග පවත්වලා අවසන්වෙලා ඔවුන්ව අතාරින්නෙ නෑ. ඔලිම්පික් දක්වා අරන් යනවා. ගමෙන් ලෝකයට යන්න තමයි තේමාව කරගෙන තිබෙන්නෙ. එයත් අපේ 11 වැනි සංවත්සරය වෙනුවෙන් සිදුකරන කර්තව්‍යයක්. එමෙන්ම පසුගිය 06 වැනි සංවත්සරය වෙනුවෙන් කුරුණෑගලදී දැවැන්ත ප්‍රසංගයක් පැවැත්වුවා. අපේ විශාලම එළිමහන් ප්‍රසංගය තමයි එය.

අලුත් වුණු එළිමහන් ප්‍රසංග

එම එළිමහන් වේදිකාවේ පවා වෙනස් දේවල් තමයි අපි ඉදිරිපත් කරන්නෙ. සාමාන්‍යයෙන් සංගීත ප්‍රසංගයක් තිබෙනකොට සංගීත කණ්ඩායම එනවා ගායක ගායිකාවො සින්දු කියනවා අනිත් අය බලන් ඉන්නවා යනවා. නමුත් Y Fm පවත්වන එළිමහන් ප්‍රසංගයකදිම අපි කරන්නෙ අපිව බලන්න එන හැමෝමත් එක්ක විනෝදවෙන්න පුළුවන් ඉසවු අපි සංවිධානය කරනවා. දවසම අපි ක්‍රීඩාගණයේ ඉඳිමින් සාමාන්‍ය ප්‍රසංගයකට වඩා එහා ගිය දෙයක් තමයි අපේ ප්‍රසංගවලින් අපේ රසිකයන්ට ලබාදෙන්නෙ. එමෙන්ම 11 වැනි සංවත්සරය වෙනුවෙන් අපොස සාමාන්‍ය පෙළ සම්මන්ත්‍රණ මාලා රැසක් සංවිධානය කළා. එහි අවසන් සම්මන්ත්‍රණයත් 11 වැනි සංවත්සරයට සමගාමීවයි සිදුවුණේ. සාමාන්‍ය පෙළ හදාරන නංගිලා මල්ලිලා වෙනුවෙන් ස්ථාන 28 ක නොමිලේ සම්මන්ත්‍රණ මාලාවක් සංවිධානය කළා. එම කටයුතු තමයි තාරුණ්‍යය වෙනුවෙන් අපි සිදුකළේ. විනෝදාස්වාදය, දැනුම, තාරුණ්‍යය වෙනුවෙන් අපි කරනවා.

නොදැන කරන වැරදි

එමෙන්ම අපි අලුත් වැඩ සටහනක් ආරම්භ කළා. තාරුණ්‍යය දැන හෝ නොදැන කරන වැරදි තිබෙනවා. ඒ වැරදි හරිගස්සන්න ශ්‍රී ලංකා නීතිඥ සංගමයත් එක්ක එකතු වෙලා හෘදසාක්ෂිය නමින් වැඩසටහනක් ආරම්භ කළා. තාරුණ්‍යය කරන වැරදි නිවැරදි කරන්න සතියේ දවස්වල පෙරවරු 7 ඉඳල 9 වෙනකම් එම වැඩ සටහන නීතිඥ සංගමයත් එක්ක එකතුවෙලා සිදුකරනවා. එය සජීවි වැඩසටහනක් ලෙසයි විකාශය කරන්නෙ. එමෙන්ම y unplugged live studio නමින් වැඩසටහනක් සූදානම් කර තිබෙනවා. හැම සිකුරාදාම රූ හතේ සිට නවය දක්වා අපිටම ආවේණික වැඩසටහන්. අපේ රසික සමාජය ලක්ෂ 7ක් පමණ වෙනවා. ඒ අයට අපේ මේ සංගීත වැඩසටහන නොමිලේ පෙන්වනවා. එමෙන්ම y fm හිත් මෙය සජීවීව විකාශය වෙනවා. එමෙන්ම ලංකාවේ සංගීත කණ්ඩායම් විශාල ප්‍රමාණයක් පැමිණ තිබෙනවා. මෙය එකෝස්ටික් සංගීතය සමගයි පැවැත්වෙන්නෙ. ගායක ගායිකාවන් එනවා සහ වෙනත් ආකාරයේ සංගීත වැඩසටහනක්. එය ෆේස්බුක් මගින් නරඹන්නත් පුළුවන් විදියටයි සකස් කර තිබෙන්නෙ. අපි ඒ ආකාරයේ වෙනස් වැඩසටහන් ඉදිරිපත් කරන්නෙ තාරුණ්‍යය හරි දැනුවත් සහ තාක්ෂණයෙන් ඉහළ නිසයි. ඒ අයට තාක්ෂණයෙන් ඉහළ දේවල් තමයි අපි ලබාදෙන්න ඕනෙ. Y fm ගුවන් විදුලියට වෙනත් නාළිකා සමග තරගයක් නෑ. අපට තරගය තිබෙන්නේ අප සමගයි. මොකද අපි තාරුණ්‍යය වෙනුවෙන් විතරයි නිර්මාණ කරන්නෙ.

එන්න අත්වැල් බැඳගන්න

අපි වාහනවල යද්දි අපිට කියනවා අපේ දුව පුතා ඔයාලගෙ නාළිකාව තමයි අහන්නෙ කියලා. එනිසා අපිත් අහනවා. වැඩසටහන් හොඳයි කියල අපිට ඇහිල තිබෙනවා. තරුණ තරුණියන් සහ දරුවො අපිත් එක්ක ඉන්නවා කියල දැනෙනකොට මුළු ගෙදරම අපිත් එක්ක ඉන්නව කියල අපිට දැනෙනවා. එනිසා හදවතින් තරුණ හැමදෙනාම මේ සංවත්සරයෙදි මතක් කරනවා. නිරන්තරයෙන්ම අපිත් එක්ක රැඳී ඉන්න කියලා.