2025 අප්‍රේල් මස 27 වන ඉරිදා
චෝදනා නොමැතිව ශ්රී ලංකා මලල ක‍්‍රීඩා සංගමයේ කටයුතු අත්හිටුවීමට ක‍්‍රීඩා ඇමැතිවරයා ගත් තීරණය වැරැදි සහගත බවත් එහෙත් මෙරට මලල ක‍්‍රීඩා පරිපාලනය තවදුරටත් අවුල් විය හැකි බැවින් නීති මගින් කටයුතු කිරීමේ අදහසක් තමන්ට නොමැති බවත් මලල ක‍්‍රීඩා සංගමයේ හිටපු සභාපති මේජර් ජනරාල් පාලිත ප‍්‍රනාන්දු මහතා පැවසීය. කොළඹදී මාධ්‍ය හුමවක් අමතමින් මේ බැව් කියා සිටි ඒ මහතා මලල ක‍්‍රීඩා සංගමයේ සිය පාලනය අවසක් කරමින් අතුරු කමිටුවක් පත් කිරීම ගැන තමන් මුලින්ම දැන ගත්තේ මාධ්‍ය ඔස්සේ බවත් ඒ සම්බන්ධයෙන් නිල දැනුම්දීමක් ක‍්‍රීඩා අමාත්‍යාංශය කර නොතිබූ බවත් එහිදී පැවැසීය. ශ්රී ලංකා මලල ක‍්‍රීඩා සංගමයේ (2011-12) පාලන කාලය අත්හිටුවමින් ඉකුත්දා ක‍්‍රීඩා ඇමැති මහින්දානන්ද අලූත්ගමගේ මහතා විසින් පස් පුද්ගල මලල කී‍්‍රඩා අතුරු කමිටුවක් ප‍්‍රකාශයට පත් කළේය. මේ අතර හයවැනි වසරටත් සභාපති ධුරයට තරග වැදීම සඳහා පාලිත ප‍්‍රනාන්දු මහතාට ක‍්‍රීඩා ඇමැති අනුමැතිය නොලැබුණු අතර මාර්තු 30 වැනිදා පැවැත්වීමට නියමිතව තිබියදී යළි අපේ‍්‍රල් 26 වැනිදාට යොදාගත් නිලවරණය (2012-13) නීති උපදෙස් මත අත්හිටුවීමට ක‍්‍රීඩා ඇමැතිවරයා පියවර ගත්තේය. මාධ්‍ය හමුවේදී ප‍්‍රශ්නවලට පිළිතුරු දෙමින් ප‍්‍රනාන්දු මහතා මෙසේ ද පැවසීය. ”අද මලල ක‍්‍රීඩාවේ කඩා වැටීමක් ගැන සමහරු කතා කරනවා. නමුත් අපේ පාලන කාලයේදී මලල ක‍්‍රීඩාවේ සංවර්ධනය වෙනුවෙන් ගත් ක‍්‍රියාමාර්ගවල ප‍්‍රතිඵල දැක ගන්න ලැබෙන්නෙ හෙට දවසෙයි. ”මේ වනකොට අපේ මලල ක‍්‍රීඩකයන් දෙදෙනෙක් ඔලිම්පික් පරිසාදන මට්ටමට ළඟාවෙලා තිබෙනවා. ක‍්‍රීඩා ඇමැතිවරයාගේ වැරදි අවබෝධය මට මෙවර අනුමැතිය නොදෙන්න හේතුවූ ප‍්‍රධානම කරුණ බවයි මා විශ්වාස කරන්නෙ. ඒකට ඇමැතිවරයා වටේ ඉන්න සමහර නිලධාරීන් වගකියන්න ඕනෑ. ”අපි මලල ක‍්‍රීඩා පරිපාලනයෙන් ඉවත්ව යන මේ මොහොතෙත් විශ්වාස කරන්නෙ ජුනි මාසයේ කොළඹදී පැවැත්වෙන ආසියානු මලල ක‍්‍රීඩා කනිෂ්ඨ තරගාවලිය සාර්ථක කර ගැනීමට හැමෝම දායක විය යුතුයි කියලයි. ”අපි මලල ක‍්‍රීඩාවට තවදුරටත් ආදරෙයි. මලල ක‍්‍රීඩා පරිපාලනය හැරයන්න අපේ බලාපොරොත්තුවකුත් නෑ. ඒ නිසා අපිට මේ සිද්ධියේදී අසාධාරණයක් වුණත් උසාවි යන්න අපි සූදානම් නෑ. ”අවශ්‍ය නම් අපිට මලල ක‍්‍රීඩා නිලවරණ සම්බන්ධයෙන් උසාවි වාරණයක් ගන්න තිබුණා. මේ දේවල් සිද්ධ වුණේ අපිට එරෙහිව චෝදනා පත‍්‍රයක්වත් ඉදිරිපත් නොවී තිබියදීයි. ”සමහරු මට චෝදනා කරනවා මම සෙසු නිලධාරීන්ට ඇහුම්කන් දුන්නෙ නෑ. තේරීම්වලට ඇඟිලි ගැහැව්වා. බලපෑම් කළා කියලා. නමුත් ඒවා හදපු කතා විතරයි. විනයක් අනුව කටයුතු කළ හමුදා නිලධාරියකු ලෙස කල් ගෙවපු මට ඒ දේවල් පුරුදු නෑ. මගේ උත්සාහයෙන් අද මලල ක‍්‍රීඩා සංගමය තාවකාලික ස්ථානයක හෝ පවත්වාගෙන යනවා. ”නමුත් එය සංගමයේ මූලස්ථානය හැටියට පාවිච්චි කරන්න තරම් සුදුසු ස්ථානයක් නොවන බවත් මා කියනවා. පත්වූ අතුරු කමිටුවත් එක්ක අපි සාකච්ඡා කරලා ඒ අයට අවශ්‍ය සහයෝගය ලබා දෙන්නත් අපි පසුගිය දින කීපයේදී කටයුතු කළා.” මෙම මාධ්‍ය හමුවට ශ්රී ලංකා මලල කී‍්‍රඩා සංගමයේ හිටපු නිලධාරීහු රැුසක්ද සහභාගී වී සිටියහ.
මෙවර අපොස උසස් පෙළ විභාගයේදී (2024) සිසු සිසුවියෝ 9,457 ක් විෂයන් තුනටම ‘ඒ’ සාමාර්ථ ලබාගෙන ඇති බව විභාග කොමසාරිස් ජනරාල් අමිත් ජයසුන්දර මහතා ද (27) පැවසීය.
ලබන නොවැම්බර්-දෙසැම්බර් කාලය වන විට ලංකාවේ ආර්ථිකය කඩා වැටෙන බව එක්සත් ජාතික පක්ෂ සභාපති වජිර අබේවර්ධන මහතා පැවසීය.
මහර බන්ධනාගාර නියාමකවරයකුගේ නිවසේදී පැවති සාදයකින් අනතුරුව රෝගී වූ පුද්ගලයෙක් මියගොස් ඇතැයි මුල්ලේරියාව පොලිසිය කියයි.
ළමයින්ට, ගුරුවරුන්ට සහ දෙමවිපියන්ටත් වදයක් නැති අධ්‍යාපන ක්‍රමයක් 2026 සිට පළමු ශ්‍රේණියට සහ හයවන ශ්‍ර්ණියට ආරම්භ කරන බවත් මෙය ජනප්‍රිය වීමේ හෝ ඡන්දේ ම
මහනුවර නගරය පිරිසිදු කිරීමට අඛණ්ඩව දායක වූ මහනුවර මහ නගර සභාවේ කම්කරුවන් සඳහා දළදා වන්දනාවට විශේෂ අවස්ථාවක් අද පස්වරු 4 ට සලසා දී ඇතැයි රජයේ ප්‍රවෘත්ත
තලවකැලේ, නානුඔය, ග්ලාස්ගෝ වත්තේ දේව පූජාවක් සිදු කිරීම සඳහා විවෘත භූමියක සකස් කරන ලද විශාල උසකින් යුත් කොටයකට සවි කරන ලද ලී ඉණිමගකින් බිමට ඇද වැටීම හේතු
2025 අප්‍රේල් මස 18
905
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස
හේලීස් ෆෙන්ටන්ස් ලිමිටඩ් හි කළමනාකාර අධ්‍යක්ෂක හසිත් ප්‍රේමතිලක මහතා සහ හේලීස් සෝලාහි අධ්‍යක්ෂක/ප්‍රධාන විධායක නිලධාරී රොෂේන් පෙරේරා මහතා සමඟ කතාබ
2025 අප්‍රේල් මස 10
555
2
අප්‍රේල් 01, 2025 කොළඹ දීග ශ්රී ලංකා ඉන්ෂුවරන්ස් ලයිෆ් 2024 වසර විශිෂ්ට ලෙස නිමා කළ අතර, රුපියල් බිලියන 30.7 ක බදු ගෙවීමට පෙර ලාභයක් වාර්තා කරන ලදී.
ඇමැතිවරයාගේ වැරැදි අවබෝධය මලල කී‍්‍රඩා අතුරු කමිටුවක් ගේන්න හේතුවුණා