දකුණු කොරියාවට එල්ලවී ඇති යුද තර්ජනය නිසා දකුණු කොරියාවේ රැකියා වීසා ලැබූ ශ්‍රී ලාංකිකයන්ගේ සියයට 90ගේ පමණ ගමන් අත්හිටුවා ඇතැයි විදේශ රැකියා කාර්යංශය කියයි.

වසරක් පාසා 5000ක් පමණ කොරියාවේ රැකියා සඳහා පිටත්ව යති.

කොරියාවේ පවතින යුද උණුසුම පහව ගිය පසු තත්ත්වය යහපත් අතට හැරෙනු ඇතැයි කියති.

යම් හෙයකින් දෙරට අතර යුද්ධයක් ඇති වුවහොත් එහි සිටින ලාංකිකයන් ගෙන්වා ගැනීමට සංක්‍රමණිකයන් පිළිබඳ අන්තර් ජාතික සංවිධානය සහ වෙනත් රටවල් උදව් කිරීමට ප්‍රතිඥා දී ඇතැයි රජය කියයි.

එරට යුද්ධයක් ඇති වුවහොත් ගත යුතු ක්‍රියාමාර්ග කුමක්දැයි සෝල් නුවර ශ්‍රී ලංකා තානාපති නිස්සංක විජේරත්න මහතා හා කාර්ය මණ්ඩලය එරට ලාංකිකයන් සමග සාකච්ඡා කරන බව විදේශ ලේකම් කරුණාතිලක අමුණුගම මහතා කියයි.

තානාපති ඇතුළු සියලු විදේශිකයන් දකුණු කොරියාවෙන් පිටත් විය යුතු බවට උතුරු කොරියාව තර්ජනය කර ඇත.