ගෝඨාට එරෙහි මැදමුලන නඩුවට අතුරු නියෝගයක්

( තිළිණි ද සිල්වා සහ රංජන් කටුගම්පොළ )

මැදමුලන, ඩී ඒ රාජපක්ෂ අනුස්මරණ කෞතුකාගාරය ඉදිකිරීමේ දී මිලියන 33.9 ක රජයේ මුදල් සාවද්‍ය ලෙස පරිහරණය කළැයි චෝදනා කරමින් හිටපු ආරක්ෂක ලේකම් ගෝඨාභය රාජපක්ෂ මහතා ඇතුළු විත්තිකරුවන් පිරිසකට එරෙහිව නීතිපතිවරයා විසින් ගොනුකර තිබෙන නඩුවේ සාක්කි විභාගය අත්හිටුවමින් ශ්‍රේෂ්ඨාධිකරණය අද (25) අතුරු නියෝගයක් නිකුත් කළේය.

ගෝඨාභය රාජපක්ෂ මහතා විසින් ගොනු කරන ලද විශේෂ අභියාචනා පෙත්සම සළකා බැලූ බුවනෙක අලුවිහාරේ,ගාමිණි අමරසේකර සහ එස්.තුරෙයිරාජා යන මහත්වරුන්ගෙන් සමන්විත ත්‍රිපුද්ගල ශ්‍රේෂ්ඨාධිකරණය විනිසුරු මඩුල්ලක් විසින් එම නියෝගය නිකුත් කළේය.

හම්බන්තොට, මැදමුලන, ඩී ඒ රාජපක්ෂ අනුස්මරණ කෞතුකාගාරය ඉදිකිරීමේ දී මිලියන 33.9 ක රජයේ මුදල් සාවද්‍ය ලෙස පරිහරණය කළ යැයි චෝදනා කරමින් හිටපු ආරක්ෂක ලේකම් ගෝඨාභය රාජපක්ෂ මහතා ඇතුළු විත්තිකරුවන් 7 දෙනකුට එරෙහිව නීතිපතිවරයා විසින් කොළඹ ත්‍රිපුද්ගල විශේෂ මහාධිකරණය හමුවේ නඩුවක් ගොනු කෙරිණි.

එම නඩුව විභාග කිරීමට ත්‍රිපුද්ගල විශේෂ මහාධිකරණයට බලයක් නොමැති බවට හිටපු ආරක්ෂක ලේකම් ගෝඨාභය රාජපක්ෂ මහතා විසින් ඉදිරිපත් කළ මූලික විරෝධතාවක් එම අධිකරණ මගින් ප්‍රතික්ෂේප කර තිබිණි.

එම ප්‍රතික්ෂේප කිරීමේ තීරණය නීතිවිරෝධී යැයි ප්‍රකාශ කරන මෙන් ඉල්ලා ගෝඨාභය රාජපක්ෂ මහතා විසින් අභියාචනාධිකරණය වෙත ප්‍රතිශෝධන පෙත්සමක් ඉදිරිපත් කළත් එම පෙත්සම විභාග කිරීමට තමන්ට බලයක් නොමැති බව සඳහන් කළ අභියාචනාධිකරණය පසුව එය විභාගයට නොගෙනම ප්‍රතික්ෂේප කිරීමට තීරණය කළේය.

එම අභියාචනාධිකරණ නියෝගය අභියෝගයට ලක් කරමින් ගෝඨාභය රාජපක්ෂ මහතා විසින් ගොනු කරන ලද විශේෂ අභියාචනා පෙත්සම ශ්‍රේෂ්ඨාධිකරණය හමුවේ කැඳවනු ලැබීය.

එහිදී ගෝඨාභය රාජපක්ෂ මහතා වෙනුවෙන් පෙනී සිටි ජනාධිපති නීතිඥ රොමේෂ් ද සිල්වා මහතා ඉදිරිපත් කළ කරුණු සළකා බැලූ ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ල අදාළ පෙත්සම විභාග කිරීම සඳහා අවසර ලබාදුන්නේය.

මෙම අභියාචන පෙත්සම් විභාගය ඔක්තෝබර් 1 වැනිදා යළි කැඳවීමට නියම කළ විනිසුරු මඩුල්ල විශේෂ මහාධිකරණය හමුවේ පැවැත්වෙන නඩුවේ සාක්ෂි විභාගය අත්හිටුවමින් මෙම අතුරු නියෝග නිකුත් කළේය.

පෙත්සම්කාර ගෝඨාභය රාජපක්ෂ මහතා වෙනුවෙන් නීතීඥ සනත් විජේවර්ධන මහතාගේ උපදෙස් මත ජනාධිපති නීතීඥ රොමේෂ් ද සිල්වා , නීතීඥ සුගත් කල්දේරා යන මහත්වරුන් ද නීතිපති වෙනුවෙන් නියෝජ්‍ය සොලිසිටර් ජනරාල් මිලින්ද ගුණතිලක මහතා පෙනී සිටියේය.

අදහස් (40)

ගෝඨාට එරෙහි මැදමුලන නඩුවට අතුරු නියෝගයක්

Narayana Thursday, 25 July 2019 06:45 AM

අරුණලු පිපෙයි... කාලකණ්ණින් බයේ හැංගෙයි.

: 389 585

ධනුෂ්කThursday, 25 July 2019 02:24 PM

ආ එහෙමද අරුණළු පිපෙන්නේ. මහජන මුදල් හොරකන් කරලා සොහොන් හදලා මාට්ටු වුනාම නීතියට බයේ නීතියට වෙට්ටු දානකොට ද අරණළු පිපෙන්නේ.....

: 72 148

වල්ගම්පොල Thursday, 25 July 2019 06:59 AM

නඩුත් හාමුදුරුවන්ගේ බඩුත් හාමුදුරුවන්ගේ...

: 22 287

samanThursday, 25 July 2019 12:58 PM

පහුගිය කාලේ අධිකරණයෙන් ආණ්ඩුවට පක්ෂ තීන්දු දෙනකොට අධිකරණය ෂෝයි ... දැන් නඩුත් හාමුදුරුවන්ගේ බඩුත් හමුදුරුවන්ගේලු හික් හික්

: 16 238

Amila Thursday, 25 July 2019 07:04 AM

තනතුරු දරන කාලේ හැමතැනම යාලුවෝ හදගත්තා උදව් එහෙම කළා. අමාරු කාලේ ගොඩ..!

: 514 534

සිමියොන්Friday, 26 July 2019 06:58 AM

එක්සත් ජාතීන්ගේ සංවිධානයේ නියෝජිතයෙක් අගවිනිසුරු හා ශ්‍රේෂ්ඨාධිකරනයේ විනිසුරුවන් හමුවීමට අවස්ථාවක් ඉල්ලුවා කියලා ආරංචියි. ඒක ඇත්තද? හමුවෙන්න ඉඩ දුන්නාද? නොදන්නා නිසා ඇහුවේ...

: 0 18

Chanak los angeles Thursday, 25 July 2019 07:08 AM

එකඑක සෙල්ලන් දමලා නීතිය නවන්න ගියාට වැඩක් නැහැ. හෙලවෙන්න බැරිවෙන්න මොහුව හිරවෙලයි ඉන්නේ.. මෙයා දඟලන්න දඟලන්න තවත් තදට හිරවෙනවා.

: 1529 1573

Senarath Bandara Thursday, 25 July 2019 07:12 AM

රටට ජය වේවා..!!!

: 400 326

athuraThursday, 25 July 2019 07:24 AM

දැන් මේකෙන් රටට ජය වෙන්නේ කොහොමද?

: 218 236

යාපාFriday, 26 July 2019 04:34 AM

රටට ජයවෙන්නේ බොරු චෝදනා කරලා අවුරුදු 5ක් යනකල් ඒවා ඔප්පු කරගන්න බැරුව ඉන්න මිනිස්සුන්ට කනේ පාරක් වදින නිසා... ඇත්ත ජයගන්නවාමයි. බොරු චෝදනා ඔක්කොම දැන් මිනිස්සු තේරුම්ගෙන ඉවරයි..

: 105 48

ranaFriday, 26 July 2019 06:38 AM

දීලා බලමු නේද? කෙල වුනාම අපි දන්නේ නැහැ, මතක නැහැයි කියමු..! මේ පට්ට මොඩයින්ට ජයවේවා... !!

: 0 53

Mahee Thursday, 25 July 2019 07:21 AM

ඒකෙනුත් ප්‍රතික්ෂේප වුනොත් ඇමෙරිකාවේ ශ්‍රේෂ්ඨාධිකරණයට අභියාචනය ඉදිරිපත් කරන්න පුළුවන් නොවැ... එතකොට සාක්කි කාරයෝ එහා මෙහා වෙලා නඩුකාර උන්නාසේලා එහෙමෙහෙ වෙලා තියෙයි නොවැ... ගමේ ජුවාලගේ හොර පොල් නඩු වගෙයි මේවා..

: 814 713

Buddika Thursday, 25 July 2019 07:23 AM

රාජපක්ෂලාට ජයම වේවා..!!! මොකක්ද මේ නීතිය? හොරකම් කරන්න හොඳයි. නඩු දාලා අහන්න බැරිවෙන්න වසර ගාණක ඉඳලා තහනම් නියෝග ගන්නවා. ප්ලෑන් එක ජනාධිපතිකම... ඊටපස්සේ නීතියට දෙවියන්ගේම පිහිටයි. මේ වගේ කාලකණ්ණි රටක් මේ ලෝකෙම තියෙයිද?

: 1147 1027

de silva Thursday, 25 July 2019 07:24 AM

ඔය නඩුව අහලා ඉවර කරන්න ඔච්චර අමාරුද? ඔක්කොම විකාර අපිව ගොනාට අන්දවන්න.

: 241 204

මොහමඩ් රිස්වාන් සව්දි අරාබිය Thursday, 25 July 2019 07:44 AM

නඩුව නැවත ඔක්තෝබර් 1 වැනිදා යළි කැඳවලා එදාටත් උප්පරවැට්ටියක් දාලා ඉන් පසු ජනාධිපතිවරණය. ඉන්පසු?

: 621 369

BANDIRALA MONARATHANNA Thursday, 25 July 2019 08:08 AM

ලංකාවේ පුරවසිභාවයවත් නැති ගොබිලන්ට, තනතුරු දීල, පඩි ගේවල අපට මොකද වුණ, දැන් ඇමෙරිකාවේ සිංගප්පුරුවේ හිටිය අය ,ඉන්න අය දිහා බලාගෙන් ඉඳපල්ලා

: 58 43

saliya Thursday, 25 July 2019 08:11 AM

ජනතා කැමැත්ත ප්‍රජාතන්ත්‍රවදයයි. හන්දියක් හන්දියක් ගානේ සොහොන් හැදුවත් කැමැත්ත අඩු වෙන්නේ නැත. අපේක්ෂකයා දිනනවා සිකුරුයි. එබැවින් මතු ආරක්ෂාව හා රැකවරණය ගැන සිතා තීන්දු තීරණ ගැනීමට සිදුවේ

: 283 337

Kamal Thilakasiri Thursday, 25 July 2019 08:29 AM

හැංගිලා ඉදලා දැන් ආවේ ඕක වෙන බව දන ගෙන

: 348 280

kolam boss Thursday, 25 July 2019 08:36 AM

ඩී. ඒ රාජපක්ෂ අනුස්මරණ කෞතුකාගාරයක් රටට අවශ්‍යද? ඔව් නම් ලයික් සහ නැහැ නම් ඩිස්ලයික් මගින් ඔබගේ කැමැත්ත ප්‍රකාශ කළ හැක...

: 748 842

Bamunuarachchi Thursday, 25 July 2019 08:36 AM

ඝෝඨාභය මහතාණෙනි, මේවට තමයි සිංහලෙන් කියන්නේ කරන "හොඳ පස්සෙන් එලවනවා කියලා"... ප්‍රභාකරන් තවදුරටත් ඔහුගේ වැඩකිඩ පෙන්වන තුරු ඔබතුමාට බලන් ඉන්න තිබුණා. අලිමංකඩට පාර නොදන්නා අයට ප්‍රභාකරන් ස්වර්ගයට පාර පෙන්වන තුරු සහ තවත් සිංහලයින් දසදහස් ගණනකගේ සොහොන් ඉදිවෙනතුරු ඔබතුමා ඉවසාගෙන සිටියා නම් ඔබතුමා පියා වෙනුවෙන් සොහොනක් ඉදිකර නඩු මගට යන්න වුණාට දුකක් නැත. මේ ගුණමකු, පාදඩ සිංහලයින්ගේ සහ අලිමංකඩ, පාමංකඩ කොහෙද කියා නොදන්නා පාදඩයින්ගේ සොහොන් ඉදිවීම වැළැක්වූ ඔබ බලයේ සිටියා නම් මේ ජීවිත 260ත් රැකගන්න තිබුණා. නමුත් එසේ නොවුණු එක බොහොම හොඳයි...

: 907 909

rama Thursday, 25 July 2019 08:38 AM

නීතිපතිට U.N.P. එකේ මුදල් අවභාවිතාව පේන්නේ නැත්ද? ඇයි ඒවාට නඩු දාන්නේ නැත්තේ? නීතිපති පක්ෂග්‍රාහී වුණාම රටකට හරියනවද?

: 115 225

sirimal Thursday, 25 July 2019 08:38 AM

අන්තෝ ජටා බහි ජටා.. ඔහොම යනකොට නඩුව අහන්න ඕනෑද? එපාද? කියලා තීන්දු කරන බලයත් විත්තිකාරයාගේ අතටම ලැබෙන්නත් බැරි නැහැ.

: 516 405

dilanThursday, 25 July 2019 08:55 AM

ඔයාට මොලේ තිබ්බට බුද්ධිය අඩුයි නේද..?

: 366 419

sirimalThursday, 25 July 2019 09:15 AM

එහෙමනම් ඔයවගේ ප්‍රතිචාරයක් දක්වන්න ඔබේ වටිනා කාලය මිඩංගු කරන එකත් "මෝඩ" වැඩක් නේද ඩිලාන්?

: 356 325

V.warnakulasuriyaThursday, 25 July 2019 10:06 AM

සිරිමල්ගේ අදහස ඉතා නිවැරදියි. අතීතයේ බොහෝ චුදිතයන් ආණ්ඩු මාරුවත් සමඟ නිවැරදිකරුවන් වී උසස් තනතුරුද ලබා ඇත. එම තත්ත්වය ඇතිවීමට ජනතාවද වගකිවයුතුය.

: 0 0

Chanak Los Angeles Thursday, 25 July 2019 07:46 PM

මේ යන විදියට සිරිමල් කියා තිබෙන්නේ සත්‍යක්. හැබැයි ඒ හිමිකම නීතිගත කරාවි අඹ ගෙඩියක් පොල්ගෙඩියක් වගේ දෙයක් කඩාගන්න දුප්පතුන්ට හැර කියා

: 0 26

යාපාFriday, 26 July 2019 04:53 AM

බොරුව බොරුවමය. එය ඇත්ත කිරීමට නොහැක. ආණ්ඩුව විසින් පාලනය කරන අධිකරණයක් මගින්වත් බොරුව උප්පුකරගන්න බෑ. මොකද දක්ෂ නීතිවේදීන් නිසා... ඔය බොරුව කවදාවත් ඔප්පු කිරීමට මොහැක. මිනිස්සු තවත් රැවටෙන්නේද නැත. ගෝඨාභයගේ චරිත ඝාතනයට කොයිතරම් උප්පරවැට්ටි යෙදුවත්...

: 0 62

Pradeep Thursday, 25 July 2019 08:42 AM

ඕක මොකක්ද? අර මහබැංකු ගිලපු අය යස අගේට ඉන්නේ...

: 75 176

ජයන්ත මිලානෝ Thursday, 25 July 2019 08:46 AM

සමහර පුද්ගලයන් තමන්ගේ නායකයින්ට ගැතිබව නොරහසක්... නමුත් රට 71 අවුරුදු ශාපයෙන් මුදවා ගන්න නම් වහල් මානසිකත්වයෙන් අප සැම මිදිය යුතුයි.

: 229 150

Rata Perata Thursday, 25 July 2019 09:13 AM

අපේ සල්ලිවලින් අම්මලට සොහොන් හදලා, දැන් ඒවා ගැන පරීක්ෂණ කරනකොට බයේ හැංගෙන මේ වගේ අයෙක් කොහොමද රටේ නායකයා වෙන්නේ...?

: 1215 1065

wimal Thursday, 25 July 2019 09:25 AM

මොකක්ද මේක..? ලංකාවේ යුද්ධය ඉවර කරපු එක මදිද? අපේ රටේ ඉන්නවා නිකම් බොරුවට එක එක දේවල් පෙන්වලා මහා ජනතාවගෙන් ඈත්කරන්න කරන කූට අදහස්... ඉස්සර් හිටිය රජවරු ඔක්කොම කළානේ. මම හිතන්නේ නැහැ වරදක් කියලා. ඊට වැඩිය බැංකුව මංකොල්ල කාපු අයට කෝ නීති, ආර්ථිකය විනාශ කරපු එවුන් නිදහසේ, බෝම්බ දාපු අයට මොනවද වෙන්නේ කියල දැනෙන්නේ නැහැ. කවුරු මොනවා කිව්වත් මේ ගමන ගෝඨාභය දිනනවා. 2020න් පස්සේ ටික දවසකින් බලාගන්න පුළුවන් රටේ වෙනස... මුළු ලෝකයම පිළිගන්න නායකයෙක් ගෝඨා කියන්නේ. අපේ ගල් මෝඩයින්ට තියෙන්නේ කුහකකම... 30% ඉන්නවා අපේ රටේ පාවාදෙන සිංහල ගෝත්‍රික ජාතියක්... මේ අයට කටට ලෝදිය දැම්මත් වෙනස්කරන්න අමාරුයි.

: 1235 1538

athuraThursday, 25 July 2019 10:57 AM

එතකොට යුද්දෙ දිනන්න නායකත්වය දුන්නේ මහින්ද මහත්මය නෙමෙයිද? අදහසටම ගැලපෙනවා ඔයාගේ නමත්...

: 0 0

කසුන්Thursday, 25 July 2019 11:57 AM

විමල් ඔබ හරියටම හරි.

: 0 0

Chanak los angelesThursday, 25 July 2019 03:17 PM

එයා දිනන්නේ කොහොමද ඉදිරිපත් වෙන්න නොහැකිනම්. හිත හදාගන්න බලන්න

: 319 206

යාපාFriday, 26 July 2019 04:45 AM

ඇත්ත සහෝදරයා... මේ වගේ බොරු චෝදනා කරලා මිනිස්සු රවට්ටන්න බෑ.. තවත් අවුරුදු 5ක් ආණ්ඩු කරලත් ආණ්ඩුවට ඕනෑ... පාලනය වෙන අධිකරණයක් තිබිලත් එකම දෙයක්වත් ඔප්පු කරගන්න බැරිවුණා. මිනිස්සු තවත් රැවටෙන්නේ නෑ බොරුවලට..

: 0 72

Prabha Thursday, 25 July 2019 05:28 PM

වැරද්දක් කරලා නැත්නම් මොකද ඔච්චර බය. සිංහයෙක් වගේ ගිහින් තමා නිවැරදි බව උසාවියේදී ඔප්පු කරලා ඡන්දෙට එන්නකෝ

: 215 151

යාපාFriday, 26 July 2019 04:39 AM

දූෂිත, ආණ්ඩුවේ අතකොළුවක් වූ අධිකරණයකින් දෙන තීන්දු ගැන කවර කතාද? මේ වගේ ආණ්ඩුව විසින් පාලනය කරන අධිකරණයක් ඉතිහාසයේ කවදාවත්ම තිබිලා නෑ. ඒ වගේ අධිකරණයකට ගිහින් සාධාරණ නඩුවක් බලාපොරොත්තු වෙන්න පුලුවන්ද?

: 1 129

Saman Friday, 26 July 2019 02:17 AM

එයා කවදාවත් මේ වැරැද්ද කලේ නෑ කියන්නෙ නැහැනෙ.. කියන්නෙ නඩුව අහන්න එපා කියලනෙ.

: 118 81

යාපා Friday, 26 July 2019 04:36 AM

බොරු චෝදනා කරලා මිනිස්සු රවට්ටන්න හැදුවා.. බොරුකාරයින්ට කනේ පාරක්. ඇත්ත ජයගන්න එක නවත්තන්න කාටවත්ම බෑ. මේ වගේ බොරු චෝදනාවලින් මිනිස්සුන්ගේ චරිත ඝාතනය කරන්න බෑ කියලා දැන්වත් තේරුම් ගන්න එක තමයි ඉතින් යමපාලනයට තියෙන්නේ...

: 1 116

rohana Saturday, 27 July 2019 01:31 AM

ගෝඨා තමයි එක මිනිහෙක් මරන්න හිරගෙදර 25 මරපු මිනීමරුවා. ලංකාවේ බූරුවන් බමුණුආරච්චි වගේ බූරුවන්ට ගෝඨා ඇරෙන්න වෙන කෙනෙක් නැහැ...

: 0 107

ඔබේ අදහස් එවන්න

එසැණ පුවත්

ආපදාවට ලක් වූවන් බේරගන්න හෙලිකොප්ටර් හයක්

2024 නොවැම්බර් මස 26 11 0

ඇද හැලෙන ධාරානිපාත වර්ෂාවත් සමඟ ආපදා තත්වයක් ඇති වුවහොත් ජනතාවයින් මුදවා ගැනීම සඳහා හෙලිකොප්ටර් යානා 6 ක් සූදානමින් පවතින බව ගුවන් හමුදා මාධ්‍ය ප්‍රක

යුද්ධයෙන් මිය ගිය අය සමරන්න දෙමළ ජනයාටත් ඉඩ දෙන්න

2024 නොවැම්බර් මස 26 128 0

යුද්ධයෙන් මියගිය අය සැමරීමට දෙමළ ජනතාවට ඇති අයිතිය උල්ලංඝනය නොකරන ලෙස ජන අරගල සන්ධානය ආණ්ඩුවෙන් ඉල්ලා සිටි.

ජාජබ ලේකම්ගේ වාහනය පාර්ලිමේන්තු පොකුණට වැටේ

2024 නොවැම්බර් මස 26 294 0

ජාතික ජන බලවේගයේ ලේකම් වෛද්‍ය නිහාල් අබේසිංහ මහතාගේ මෝටර් රිය අද (26) පස්වරුවේ පාර්ලිමේන්තු සංකීර්ණය ඉදිරිපිටජල පොකුණට වැටී අනතුරට ලක්විය.

E-9 වීසා ලැබූ 91ක් අද කොරියා යති

2024 නොවැම්බර් මස 26 373 0

දකුණු කොරියානු රැකියා සඳහා බඳවා ගැනීමේ E-9 වීසා ක්‍රමවේදය යටතේ නිශ්පාදන ක්ෂේත්‍රයේ රැකියා හිමිවූ 91 දෙනෙන් UL 470 දරණ ගුවන් යානයෙන් දකුණු කොරියාව බලා අද පිට

පුත්තලමේ විභාග මධ්‍යස්ථාන ජලයෙන් යට වෙයි

2024 නොවැම්බර් මස 26 448 0

පුත්තලම අධ්‍යාපන කලාපයෙ උසස් පෙළ මධ්‍යස්ථාන දෙකක මහ වැසි හේතුවෙන් සිසුන්ට යම් බාධා එල්ල වු බව පුත්තලම කලාප අධ්‍යාපන අධ්‍යක්ෂ අර්ජූන අබේරත්න මහතා අද ප

කෝටි 150ක කුඩු වටරැකින් මාට්ටු

2024 නොවැම්බර් මස 26 521 0

පාදුක්ක වටරැක හල්බරාව ප්‍රදේශයේ මත්ද්‍රව්‍ය බෙදා හැරීමේ මධ්‍යස්ථානයක් වටලා රුපියල් කෝටි එකසිය පණහකට වැඩි වටිනාකමින් යුත් මත්ද්‍රව්‍ය තොගයක් අත් අඩ