ගුවන් හමුදාව, 13 වැනි වරටත් සංවිධානය කරන ගුවන් හමුදා විවෘත රේසිං පාපැදි සවාරිය අනිද්දා (15) පෙරවරු 8.00 ට කොළඹ ගුවන් හමුදා මුලස්ථානය ඉදිරිපිටන් ආරම්භවේ. ගුවන් හමුදාවේ 61 වැනි සංවත්සරය නිමිත්තෙන් පාපැදි අතුරු කමිටුවේ මෙහෙයවීමෙන් පැවැත්වෙන මෙවර තරගය අදියර තුනකින් සමන්විතය. තරගයේ සමස්ත දුර ප්රමාණය කිලෝමීටර 438 කි. මේ මස 15 වැනිදා ආරම්භ වන පාපැදි සවාරියේ පළමුවැනි අදියරේදී තරගකරුවෝ වත්තල, ජා ඇල, කටුනායක, කොච්චිකඬේ, නයිනමඩම, වෙන්නප්පුව, මාරවිල, මාදම්පේ, හලාවත, ආරච්චිකට්ටුව, මදුරන්කුලිය හරහා පලාවිය විදුහල දක්වා කිලෝමීටර 147 ක දුරක් සිය පාපැදි හසුරුවති. පසුදින (16 වැනිදා) පුත්තලම බස් නැවතුම්පොළ ඉදිරිපිටින් ආරම්භ වී ආනමඩුව, නිකවැරටිය, පාදෙණිය, වාරියපොල, කුරුණෑගල, ඉබ්බාගමුව, ගලේවෙල හරහා දඹුල්ල අබාන්ස් ප්රදර්ශනාගාරය ඉදිරිපිටින් අවසන් වන 2 වැනි අදියරේ දුර ප්රමාණය කිලෝමීටර 148.8 කි. පාපැදි සවාරියේ අවසන් අදියර 17 වැනිදා දඹුල්ල නගරයෙන් ආරම්භ වී කුරුණෑගල, නාරම්මල, දඹදෙණිය, කොටදෙනියාව, මිනුවන්ගොඩ, ජා ඇල, කඳාන, වත්තල, පෑලියගොඩ, මරදාන හරහා පැමිණ තරගය ආරම්භ කළ ගුවන් හමුදා මුලස්ථානය ඉදිරිපිටින් අවසන් කිරීමට නියමිතය. අවසන් අදියර කිලෝමීටර 142 ක දුරකින් සමන්විතය. මෙවර සවාරියට පාපැදි අතුරු කමිටුවේ ලියාපදිංචි තරගකරුවෝ 100 කට අධික පිරිසක් ඉදිරිපත්ව සිටිති. එල්. ජී. අබාන්ස් සමාගම අනුග්රහය දක්වන මෙම සමස්ත පාපැදි සවාරියේ ශූරයාට රුපියල් ලක්ෂ තුනක මුදල් ත්යාගයක් පිරිනැමේ. දෙවැනි ස්ථානයට රුපියල් 200,000 ක මුදල් ත්යාගයක් ද, තෙවැනි ස්ථානයට රුපියල් 100,000 ක්ද ලෙස 15 වැනි ස්ථානය දක්වා ලක්ෂ 10 ක පමණ මුදලක් ද තරගකරුවන්ට ත්යාග ලෙස පිරිනැමේ. ජනශක්ති රක්ෂණ සමාගම තරගකරුවන්ට රක්ෂණ ආවරණයක් ද ලබා දෙයි. අදියර ජයග්රාහකයන්ට, සමස්ත ස්ප්රීන්ට් හා අදියර ස්ප්රීන්ට් මෙන්ම ජයග්රාහී කණ්ඩායම් සඳහා ද මුදල් ත්යාග පිරිනමන බවත් තරග සංවිධායකයෝ පවසති. පිරිමි රේසිං තරගයට සමගාමීව කාන්තා පාපැදි තරගයක්ද මේ මස 17 වැනිදා මීරිගම සිට කොළඹ ගුවන් හමුදා මූලස්ථානය දක්වා පැවැත්වීමට කටයුතු යොදා තිබේ. එහි දුර කිලෝමීටර 42.1 කි. තරගයේ පළමු ස්ථානය දිනාගන්නා ක්රීඩිකාවට රුපියල් 50,000 ක්ද, දෙවැනි ස්ථානය ලබන තරගකාරියට රුපියල් 30,000 ක් හා තෙවැනි ස්ථානයට රුපියල් 20,000 ක්ද ලෙස පස්වැනි ස්ථානය දක්වා කාන්තා තරගයේ මුදල් ත්යාග හා පිරිනැමේ.
එප්පාවල ශ්රී රාහුල ප්රාථමික විද්යාලයට යාබද, ගුරු නේවාසිකාගාර ගෙවත්තක අඹ ගසක තිබූ බඹර වදයකට උකුස්සකු ප්රහාර එල්ල වී එහි සිටි බඹරුන් ඇවිස්සී යාම හේ
කොළඹ සිට පුත්තලම බලා ධාවනය වන දිනපතා කාර්යාල දුම්රිය අද (25) බංගදෙණිය - මානුවන්ගම මුක්කන්දළුව ප්රදේශයේ කාර්මික දෝෂයකට ලක්වී තිබේ.
ලොරි රථයක් අත්පත් කර ගැනීම සඳහා පැමිණිල්ලක් ඉදිරිපත් කිරීමට පැමිණ විවිධ පැමිණිලි අංශයේ ස්ථානාධිපතිවරයාට රුපියල් 5000ක අල්ලස් දීමට ගිය බව කියන පෞද්ගලි
ජනාධිපතිවරණයේ ප්රචාරණ රැස්වීමකට ගොස් මත්පැන් පානය කර නිවසට පැමිණෙමින් සිටි කීපදෙනෙකු අතර ඇතිවුණු ආරවුලක් දුර දිග යාමෙන් එක් පුද්ගලයෙකුට මොට යුධයක
අවුරුද්දයි මාස පහක් වයසැති තම දියණියගේ නාසය තදකර ඝාතනය කළ බව කියන මවක අත්අඩංගුවට ගත් බව ගලහ පොලිසිය පවසයි.
බස්නාහිර, සබරගමුව සහ වයඹ පළාත්වලත් මහනුවර, නුවරඑළිය, ගාල්ල සහ මාතර දිස්ත්රික්කවලත් වැසි වාර කිහිපයක් ඇති වන බව කාලගුණ විද්යා දෙපාර්තමේන්තුව කියයි.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ගුවන් හමුදා පාපැදි සවාරිය අදියර තුනකින්