ට්රම්ප් සිනමා නළුවකු ලෙස අවතීර්ණ වන මුල්ම චිත්රපටයට ශ්රී ලාංකික නෑකමක් පැවතීම සුවිශේෂී වන්නේය.
සම්මානනීය ශ්රී ලාංකික සිනමාවේදී චන්ද්රන් රත්නම් සම නිෂ්පාදනය කළ ‘GHOSTS CAN^T DO IT’ චිත්රපටයේ ඩොනල්ඩ් ට්රම්ප් රංගන ශිල්පියකු ලෙස සිය කුළුදුල් රංගනය ඉදිරිපත් කළේය. ඒ 1990 වසරේදීය.
ඒ පිළිබඳ මතකය අවදි කරමින් චන්ද්රන් රත්නම් හදසරට දැක්වූයේ මෙවන් අදහසකි.
“1980 දී මට හැකියාව ලැබුණා හොලිවුඩයේ MGM ස්ටූඩියෝ නිර්මාණය කළ TARZAN THE APE MAN චිත්රපටය ලංකාවේ දර්ශන තලවල රූපගත කරන්නට ඔවුන්ව එකඟ කරගන්නට. ඔවුන් කලින් සැලසුම් කර තිබුණේ චිත්රපටය අප්රිකාවේ රූපගත කරන්නටයි. ටාසන් චිත්රපටයේ ප්රධාන නළු නිළි යුවළ රිචඩ් හැරිස් සහ බෝ ඩෙරෙක්ය. බෝ ඩෙරෙක්ගේ සැමියා විසින් කැමරාගත කරනු ලැබූ ටාසන් චිත්රපටය රූපගත කළේ මහනුවර උඩවත්ත කැලේ ප්රදේශයේදීය.
මෙයින් ඇරඹුණු මගේ හෝ ඩෙරෙක් යුවළ අතර තිබුණු බැඳීම හා හිතවත්කම දිනෙන් වැඩිවුණා. 1980 දශකයේ අග භාගයේදී ඩෙරෙක් තවත් අලුත් චිත්රපටයක් තනන්නට සුදානම් වූ විට ඒ සඳහාද සම නිෂ්පාදකයෙක් හැටියට සම්බන්ධ වන්නට මට ආරාධනා කළා. මම ඒ ඇරයුම පිළිගත්තා. එහි ප්රතිඵලයක් හැටියට තමයි ‘GHOSTS CAN^T DO IT’ චිත්රපටය බිහිවුණේ. ඩොනල්ඩ් ට්රම්ප් මට මුලින් මුණගැසුණේ මේ චිත්රපට ව්යාපෘතියේදී. චිත්රපටයේ බොහෝ දර්ශන රූගත කළේ ගාල්ල හා බෙන්තොට ප්රදේශයේදී. මාලදිවයිනේ හා අමෙරිකාවේද තවත් කොටස් රූගත කෙරැණා. ට්රම්ප් චිත්රපටයට සම්බන්ධ වෙන්නෙ බෝ ඩෙරෙක්ගේ මිත්රයකුගේ යෝජනාවක් මත. ට්රම්ප් ඒ වනවිටත් මහා පරිමාණ, කාර්යබහුල ව්යාපාරිකයෙක්. ට්රම්ප්ගේ චරිතය කතාවට බද්ධ කරගැනීම සඳහා තිර පිටපතේ යම් යම් වෙනස් කිරීම් සිදුකළා මට මතකයි. ට්රම්ප්ගේ කාර්යබහුලත්වය නිසා ඔහුගේ චරිතයට අදාළ දර්ශන සියල්ල රූපගත කළේ ඔහුගේම TRUMP TOWER ගොඩනැගිල්ලේදීමයි. දවසක් මුළුල්ලේම රූපගත කිරීම් සිදුවුණා.
ට්රම්ප්ගෙන් චිත්රපටයට විශාල දායකත්වයක් ලැබුණා. ඒත් ඊට දින දෙකකට පසුව අපට අසන්නට ලැබුණේ ඉතාම අවාසනාවන්ත ආරංචියක්. ට්රම්ප්ගේ දර්ශන රුගත් දළ සේයාපට සියල්ලම යම්කිසි හේතුවක් නිසා හානි වී තිබෙන නිසා ඒවා යථා තත්ත්වයට පත්කළ නොහැකි බව රසායනාගාරයෙන් අපට දැනුම් දුන්නා. අපි ඒ බව ට්රම්ප්ට පැවසූ විට ඔහු කිසිදු ගැටලුවක් නැතිව අපේ තත්ත්වය තේරැම් ගත්තා. දින දෙක තුනකින් ඔහු අපට ඔහුගේ කාර්යබහුල කාර්ය සටහනෙන් අපට තවත් දවසක් ලබාදුන්නා. ඒ අනුව චිත්රපටය සඳහා ඔහු දෙවරක් දායකත්වය ලබාදුන්නා. ඔහු හා වැඩකිරීමේදී ඒ සුහදශීලී අත්දැකීම මට අද වගේ මතකයි.”
ඒත් බලාපොරොත්තු වූවාට වඩා චිත්රපටයට එරෙහිව ලැබුණු විවේචන බොහොමයක් තිබුණා. ආර්ථික අතින් චිත්රපටය සාර්ථක වූවාට, ඒ සඳහා ලැබුණු අසුබවාදී ප්රතිචාර බොහෝයි.
1991 මාර්තු මස පැවැති 11 වන ගෝල්ඩන් රාස්ප්බෙරි සම්මාන උළෙලේදී GHOSTS CAN’T DO IT චිත්රපටයේ රංගනය සඳහා සම්මාන දෙකකට ට්රම්ප්ගේ නම යෝජනා වී තිබුණා. ඒ නරකම (චාටර්ම) සහාය නළුවා සහ නරකම (චාටර්ම) නවක නළුවා සඳහාය. ට්රම්ප්ට ඒ දෙකෙන් හිමිවූයේ WORST SUPPORTINBG ACTOR නරකම සහාය නළුවා සම්මානයයි. එයින් නොසැලුණු ට්රම්ප් ඉන්පසු චිත්රපට 12කට හා ටෙලි නිර්මාණ 14කට සිය දායකත්වය ලබාදුන්නා.
ඩොනල්ඩ් ට්රම්ප් වැනි දැවැන්ත චරිත හා කරට කර වැඩ කිරීමේ භාග්ය ලැබූ චන්ද්රන් රත්නම් ඔහුගේ සිනමා දිවිය තුළ ලෝක සිනමාවේ දැවැන්තයින් සමඟ කලා නිර්මාණවලට දායකත්වය ලබාදී තිබෙනවා.
ස්ටීවන් ස්පීල්බර්ග්, ජෝර්ජ් ලූකස්, ජෝන් මිලියස්, ජෝන් බූමන්, රේගිස් වෝනියර්, කැතරීන් ඩෙනවෝ, නික් නෝල්ට්, හැරිසන් ෆෝර්ඩ්, රුෂෙල් වෝඩ්, නිකොල් විලියම්සන්, ජෙරල්ඩින් චැප්ලින් වැනි ලෝ පතල චරිත සමඟ චන්ද්රන් රත්නම් නිර්මාණකරණයේ යෙදී තිබේ. ඒ වාගේම ඒ නිර්මාණ සඳහා ජාත්යන්තර සම්මාන පවා ලබා තිබීම විශේෂයකි.
ඇල්ස්ටන් හා ජැකලීන් ප්රධාන චරිත නිරූපණය කරන චන්ද්රන්ගේ ‘එකෝඩිං ටු මැතිව්’ ආන්දෝලනාත්මක චිත්රපටය ළඟදීම ප්රදර්ශනය වීමට නියමිතය. ඔහුගේ මීළඟ සිනමා නිර්මාණය වන TOOMAI OF THE ELEPHANTS හි රූගත කිරීම් ළඟදීම ශ්රී ලංකාව, ඉන්දියාව හා තායිලන්තයේ දී ආරම්භ වනු ඇත.
සමන් වීරමන් සමඟ චන්ද්රන් රත්නම් අධ්යක්ෂණයෙන් දායක වූ ‘ශ්රී සිද්ධාර්ථ ගෞතම’ චිත්රපටය ශ්රී ලංකාවේදී අති සාර්ථක ලෙස ප්රදර්ශනය වූ අතර එය මේ වනවිට සාර්ථක ලෙස ඉන්දියානු සිනමාහල් රුසක තිරගත වේ.
රමේෂ් උවයිස්
2024 ඉදිරි මහ මැතිවරණයට ඉදිරිපත්වන සියලු අපේක්ෂකයන්ගේ නම් හෙට (12) ලංකාදීප පුවත්පතේ පළ කෙරේ .
දින කිහිපයක සිට පවතින අධික වර්ෂාව හේතුවෙන් අත්තනගලු ඔයෙහි ජල මට්ටම මහ ගංවතුර මට්ටමකට පත්ව ඇති බව ගම්පහ දිස්ත්රික් ආපදා කළමනාකරණ නියෝජ්ය අධ්යක්ෂ
පුත්තලම දිස්ත්රික්කයෙන් මෙවර පිළිගත් දේශපාලන පක්ෂ 24 ක් හා ස්වාධීන කණ්ඩායම් 15 ක අපේක්ෂකයන් 429 දෙනෙක් තරග බිමට එක්ව සිටිති.
මෙවර මහ මැතිවරණය සදහා මාතලේ දිස්ත්රික්කයෙන් පිළිගත් දේශපාලන පක්ෂ 17ක් සහ ස්වාධීන කණ්ඩායම් 07ක් සමග නාම යෝජනා පත්ර 24ක් ලැබුණූ බවත් ඉන් එක් පිළිගත් දේශප
2024 මහ මැතිවරණය සදහා පිලිගත් දේශපාලන පක්ෂ 20 කින් සහ ස්වාධින කණ්ඩායම් 15 කින් නාම යෝජනා පත්ර ඉදිරිපත් කළ බව නුවරඑලිය දිස්ත්රික් තේරිම්භාර නිලධාරි නන්දන
වන්නි මැතිවරණ කොට්ඨාසය සඳහා පිළිගත් පක්ෂ සහ ස්වාධීන කණ්ඩායම් 47 තරඟ කිරීම සඳහා සුදුසුකම් ලබා අැතැයි වන්නි මැතිවරණ කොට්ඨාස තේරීම්භාර නිළධාරි පි.ඒ.සරත්
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ඩොනල්ඩ් ට්රම්ප් රඟපෑ චිත්රපටය ගාල්ලේදී හා බෙන්තොටදීත් shoot කළා