තණමල්විල අන්නාසි ගල සිට වැල්ලවාය අයිස්පීල්ල දක්වා කිලෝමීටර් 46ක විදුලි වැටක් ඉදි කර   වල් අලින්ගෙන් ගම් බිම් රැක ගැනීමට වනජීවී සම්පත් සංරක්ෂණ ඇමති ගාමිණී විජිත් විජයමුණි මහතා සැරසෙයි.

ඒ සඳහා යන වියදම රුපියල් දෙකේටි තිස් ලක්ෂයකි.

වනජීවී අධ්‍යක්ෂ ජනරාල් එස් ඩී රත්නායක මහතාද සහභාගී වූ ආරම්භක උත්සවය තණමල්විල කුඩාඔයෙන් ඇරැඹිණි.

විදුලි වැටට සමාන්තරව හණ වැටක් ඉදි කිරීමට ද යයි.

හණ කර්මාන්තය දියුණු කිරීමද එහි එක් අරමුණකි.

ඇමැතිවරයා සිය පෞද්ගලික වියදමින් හණ කර්මාන්තය ගැන අධ්‍යයනයක් ද කළේය.

වැට ඉදි කිරීම සිවිල් ආරක්ෂක බලකායට පැවරේ.

හණ වගාවට චීනයේ මූල්‍ය සම්පත් හා තාක්ෂණ දැනුමත් ලැබේ.