කොම්පඤ්ඤ වීදියේ නවම් මාවතේදී වැල්ලවත්තේ ව්‍යාපාරික කනපතිපිල්ලේ තේවනාදන්ගෙන් රුපියල් කෝටියක රට සල්ලි පැහැර ගත් අට දෙනා අතර සිටි පොලීසියේ තුන් දෙනා හා තවත් තිදෙනෙක් සාක්කිකරුවන් විසින් අද අඳුනා ගනු ලැබූහ.

කොළඹ කොටුව මහේස්ත්‍රාත් උසාවියේදී පෙරට්ටුව පැවැත්විණි.

උප පොලිස් පරීක්ෂක මහේෂ් හේමන්ත, උප පොලිස් පරීක්ෂක බේනක සෙනවිරත්න, කොස්තාපල් රොෂාන්, ගයාන් අමිත්, දුලීප් අරවින්ද හා මදුරප්පෙරුමගේ චමින්ද එම හය දෙනායි.

කොල්ල කෑ මුදලින් රුපියල් තිස් පන් ලක්ෂයක් සොයා ගත් බව පොලීසිය අධිකරණයට දැන්වීය.

සම්පත් බැංකුවෙන් මුදල් ගෙන තම වෑන් රිය නවම් මාවතට එද්දී රථ වාහන පොලිස් නිල ඇඳුමින් සැරසී සිටි අයකු වෑන් රිය නතර කළ බවත්, ඒ සමගම අසළ නතර කර තිබූ ඩිෆෙන්ඩර් රියකින් බැස තමාත් රියදුරාත් එම වාහනයට දමාගෙන ගොස් පිට කෝට්ටේ පාළු තැනකදී දමා ගිය බවත් කීවේය.

ඔවුන් අත අවි තුබූ බවත්, තමන්ට පහර දුන් බවත් ව්‍යාපාරිකයා කීවේය.

සැකකරුවන් අට දෙනා රිමාන්ඩ් කළ මහේස්ත්‍රාත් තිළිණ ගමගේ මහතා විභාගය ලබන පස් වැනිදාට කල් තැබිණි.