දෙස් විදෙස් ඇගැයීමට පාත්ර වූ ප්රවීණ චිත්ර ශිල්පී ගුණසිරි කොළඹගේ කලාකරුවාගේ ”බුද්ධ රාජ” චිත්ර ප්රදර්ශනය කොළඹ ලයනල් වෙන්ඞ්ට් කලාගාරයේදී අද (27) පස්වරුවේ ආරම්භ කෙරෙන අතර එය අනිද්දා (29) දක්වා පැවැත්වේ. බුද්ධ චරිතයේ විවිධ අවස්ථා නිරූපණය වන පරිදි කොළඹගේ තෙලිතුඩින් නිර්මාණය වූ බෞද්ධ චිත්ර එකතුවක් මෙහිදී ප්රදර්ශනය කෙරේ. ”මම අවුරුද්දකට වැඩි කාලයක් තිස්සේ නිර්මාණය කළ චිත්ර පෙළක් මෙම ප්රදර්ශනයට ඇතුළත් කර තිබෙනවා. බුදු රජාණන් වහන්සේ පිළිබඳව හදවතේ ඇති භක්තිය ගෞරවය නිසාම මට මෙවැනි චිත්ර ප්රදර්ශනයක් පවත්වන්න හිතෙන්න ඇති. මෙහි ඇති සමහර සිතුවම් ඉන්දියාව, පකිස්තානය, බුරුමය වැනි රටවලදී මෙන්ම ශ්රී ලංකාවේදිත් මා දුටු බිතු සිතුවම් සහ මුර්තිවල ආභාසය ලබාගෙන තිබෙනවා” යැයි ”බුද්ධ රාජ” චිත්ර ප්රදර්ශනය පිළිබඳව අප හා අදහස් දක්වමින් ගුණසිරි කොළඹගේ චිත්ර ශිල්පියා පැවැසීය. තම දිගු කලාදිවිය පිළිබඳව අප හා වැඩිදුරටත් අදහස් දක්වමින් ඔහු මෙසේද කියා සිටියේය. ”මම චිත්ර ශිල්පය ඉගෙන ගත්තේ කුඩා අවධියේ සිටයි. දිනපතා අලූත් දේවල් අත්හදා බලමින් මම අදටත් මේ ශිල්පය ඉගෙන ගන්නවා. මම වයස අවුරුදු 73ක ශිෂ්යයෙක් ලෙසයි මම දකින්නේ. මගේ චිත්ර දිවිය ආරම්භ වුණේ ගමේ පන්සලෙන්. පන්සලේ බුදුගෙයි චිත්ර අඳින්න චිත්ර ශිල්පීන් පිරිසක් ආවා. ඒ කාලේ මගේ වයස අවුරුදු හතක් අටක් ඇති. මම පාසල් ඇරී ගෙදර ආව ගමන් යන්නේ පන්සලට. ඒ ශිල්පීන් මල් වැඩ ශිල්පියෙක් වූ මගේ පියාගේ මිතුරන්. ඔවුන් මට හිතවත් වුණා. ඒ අතරෙ පියා ඔවුන් ලවා අපේ ගෙදර බිත්තිවලත් චිත්ර ඇන්දෙව්වා. පොඩි කාලෙ අම්මා නැති වුණාට පස්සෙ මගෙ හැමදේටම උන්නු තාත්තගෙ එකම බලාපොරොත්තුව වුණේ මාව චිත්ර ශිල්පියෙක් කරන එක. මම බුදුරජාණන් වහන්සේගේ චිත්ර අඳින්න මුලින්ම ඉගෙන ගත්තෙ ගමේ පන්සලේ වස් වසන්න ආව හාමුදුරු නමකගෙන්. ඒ කාලෙ මම තාත්තට හැම අවුරුද්දෙම වෙසක් සැරසිලිවලට බුද්ධ රූප ඇඳල දුන්නා. පසුව මම රජයේ ලලිතකලා ආයතනයට ඇතුළත්ව ස්ටැන්ලි අබේසිංහ, එච්.බී. පෙරේරා යන ගුරුතුමන්ලා යටතේ චිත්ර ශිල්පය හැදෑරුවා. සුසිල් පේ්රමරත්න මහතාගෙන් කළු සුදු රේඛා චිත්ර නිර්මාණය පිළිබඳවත් ජී.එස්. ප්රනාන්දු මහතාගේ දිය සායම් චිත්ර නිර්මාණය පිළිබඳවත් ඉගෙන ගත්තා. විදේශ රටවලට ගොස් කෞතුකාගාර හා කලාගාරවල ඇති විශිෂ්ට සිතුවම් පිළිබඳ හැදෑරීම් කළා. මේ වනවිට මම නිර්මාණය කළ චිත්රවලට දෙස් විදෙස් ඇගයීම් රැුසක් ලබාගෙන තිබෙනවා. ”බුද්ධරාජ” මගේ මේ චිත්ර ප්රදර්ශනය තාත්තාටත්, තාත්තා වටා සිටි සියලූම කලාශිල්පීන්ට හා මගේ ගුරු දේවතාවුන්ටත් උපහාරයක් වේවා! කියා මා ප්රාර්ථනා කරනවා” යැයිද කොළඹගේ සඳහන් කළේය.
ශ්රී ලංකාවේ 9 වැනි විධායක ජනාධිපතිවරයා ලෙස තේරී පත්වූ අනුර කුමාර දිසානායක මහතාට සුබ පැතුම් එක් කරන බව එක්සත් රාජධානි පාර්ලිමේන්තු මන්ත්රිනි කැත්රි
ඌව ආණ්ඩුකාරය අනුර විදානගමගේ සහ සබරගමුව ආණ්ඩුකාර නවීන් දිසානයක මහත්වරු සිය ධූරවලින් ඉල්ලා අස්වීමේ ලිපි බාරදුන්හ.
මධ්යම පලාත් ආණ්ඩුකාර නීතීඥ ලලිත් යූ ගමගෙ මහතා ආණ්ඩුකාර ධූරයෙන් ඉල්ලා අස්වීමේ ලිපිය බාරදී ඇත් බව මධ්යම පළාත් ආණ්ඩුකාර කාර්යාලයේ ප්රකාශකයෙක් පැවසී
නුගේගොඩ, උඩහමුල්ල දුම්රියපොළ මාර්ගයේ දී දියණියගේ පෙම්වතාගේ ඥාතියකු විසින් තියුණු ආයුධයකින් කළ පහරදීමකින් පුද්ගලයකු මියගොස් ඇති බව මිරිහාන පොලිසිය
සනත් නන්දික කුමානායක මහතා ජනාධිපති ලේකම් ධූරයට පත්කර තිබේ. කුමානායක මහතා කැළණිය විශ්වි විද්යාලයේ උපාධිධාරියෙකි.
ජාතික ජන බලවේගයේ නායක අනුර කුමාර දිසානායක මහතා ජනපති වීමේ සතුට සමරා රතිඤ්ඤා දල්වමින් සිටි පුද්ගලයකු බරපතල තුවාල ලබා රෝහල් ගත කර ඇතැයි හොරණ මූලස්ථාන ප
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
බුද්ධ චරිතයේ තෙලිතුඩක රිද්මය
නිම්මි Wednesday, 16 May 2012 08:16 AM
ඔබගේ හැකියාවන් තවත් දියුණු කර ගැනීමට අවශ්ය සියළු ශක්තිය ලැබේවා!
නිම්මි Wednesday, 16 May 2012 08:16 AM
පළමුව ඔබට තෙරුවන් සරණයි. ධර්මයේ හසිරෙන්නා ධර්මයෙන්ම රකියි. ඔබට තවත් ධර්ම අවබෝධය ලැබේවා. ඔබගේ හැකියාව තවත් දියුණු කර ගැනීමට ඔබට ශක්තිය ලැබේවා.
මධු Wednesday, 23 May 2012 12:08 AM
ඔබතුමාට පින්..
සසන්ක Tuesday, 22 May 2012 11:54 AM
ගොඩක් ලස්සනයි..
දයා Sunday, 29 April 2012 05:53 PM
සිත්තරාණෙනි, ඔබ ඇදි සිතුවම් දෙස බලා මමද සමාධියකට වැටුනෙමි
දියසෙන් කුමාර Wednesday, 09 May 2012 11:35 AM
සාදු.. සාදු.. සාදු බුදුන් වහන්සේ දකින්න, ධර්මයේ හැසිරෙන්න.
උෂේන්ද්ර Sunday, 29 April 2012 08:56 PM
ඔබ ශ්රී ලාංකික මවගේ සැබෑම පුත්රයෙකි
හිමේෂා Monday, 14 May 2012 09:59 AM
ඉතාම අනර්ඝයි. ඔබට මෙනන් නිර්මාණ දිගටම කිරීමට ශත්කිය ධෛර්යය ලැබේවා.
උපමාලි Friday, 27 April 2012 04:11 PM
ඔබතුමාට නිදුක් නිරෝගී බව ලැබෙයි තව තවත් මේ වගේ චිත්ර ඇදීමට ශක්තිය ලැබේවා.!!!!!!!!!!!
අනු Wednesday, 16 May 2012 12:31 PM
ඉතාම අනර්ඝයි පළමුව ඔබට තෙරුවන් සරණයි ඔබතුමා අපේ රටට ගොඩක් වටිනවා. ඔබතුමාට නිදුක් නිරෝගී බව ලැබෙයි තව තවත් මේ වගේ චිත්ර ඇදීමට ශක්තිය ලැබේවා.!!!!!!!!!!!
නිරංජි Wednesday, 16 May 2012 12:48 PM
ගොඩක් ලස්සනයි...........
මානුර මලිත් හෙට්ටිආරච්චි Tuesday, 08 May 2012 05:34 PM
ආදරණීය ගුණසිරි කොළඹගේ, ඔබතුමා අපේ රටට ගොඩක් වටිනවා.
අම්බුළුගල සුමංගල හිමි Thursday, 10 May 2012 08:51 PM
ඔබට බුදු සරණයි!
ජයන්ත මල්ලි Saturday, 28 April 2012 07:23 PM
මගෙත් ආයු ගෙන ඔබෙත් ආයුගෙන මටත් වඩා කල් ඔබ ජිවත්වේවා.
නිරෝෂණ Sunday, 13 May 2012 09:20 PM
ඔබ තුමාට මගේ ප්රණාමය
සේනානායක Tuesday, 22 May 2012 10:12 AM
මිනිසා සුවදයි මල සේ නුවණින් එළියයි හිරු සේ