විසි වසරක් පුරා වල් අලි හිරිහැරයෙන් ද තිස් වසරක  දෙපා කොටියන්ගෙන් ද බැට කෑමෙන් වැලිකන්ද  පැරැකුම්  යාය හා දිඹුලාන වැසියෝ, දිඹුලාන සිරි පැරකුම්  තපෝවන විහාරාධිපති අහුන්ගල්ලේ ඤාණදස්හි ලංකාර හිමියගේ මඟපෙන්වීම යටතේ තම පෞද්ගලික  මුදලින් කිලෝමීටර්  35ක අලිවැටක්  ඉදිකිරීම ඇරැඹූහ. අලි වැටක් හදාදෙන ලෙස බලධරයන්ට කළ  ඉල්ලීම් බීරිඅලින්ට වීනා ගැයීමක් විය.  ගොවියකුගේ රුපියල් දාහ බැගින් එකතු කැර ගෙවිපවුල් 700ක ජීවිත, ගේදොර හා බව බෝග රැකගැනීමට සැරැසෙති. වාකරේ, තොප්පිගල හා සෝමාවතියේ වල් අලින්  මේ ගම්වලට වදිති.  හූ හඬට, රතිඤ්ඤා හා අලි වෙඩිවලින් මෙම අලි පන්නා දැමිය නොහැකි බව හයවතාවක්ම කුඹුරද, සිව් වතාවක්ම ගෙදරද වැනසීමට ලක් වූ දිඹුලානේ එම්.ජී. ජයමැණිකේ (57) කියයි.