2025 අප්‍රේල් මස 26 වන සෙනසුරාදා
2025 අප්‍රේල් මස 26 වන සෙනසුරාදා
(මනෝප‍්‍රිය ගුණසේකර)
මැතිවරණ පනතේ ප්රතිපාදන අනුගමනය කරමින් ඉදිරි පාර්ලිමේන්තු මැතිවරණය පැවැත්වීමේ වගකීම මැතිවරණ කොමිසන් සභාව සතු කාර්ය භාරයක් බව නීතිපතිවරයා මැතිවරණ කොමිසමේ සභාපතිවරයාට අද (04) දැනුම් දුන්නේය.
ඉදිරි පාර්ලිමේන්තු මැතිවරණය මැතිවරණ නීතියට අනුකූලව පැවැත්වීමට පියවර ගැනීම යෝග්‍ය බව ද නීතිපති ජනාධිපති නීතිඥ දප්පුල ද ලිවේරා මහතා මැතිවරණ කොමිසමේ සභාපති මහින්ද දේශප‍්‍රිය මහතාට උපදෙස් ද ලබාදී ඇත.
මහ මැතිවරණය සඳහා දින නියම කර තිබිය දී රට තුළ හදිසියේ උද්ගත වූ කොරෝනා වසංගත තත්ත්වය හේතුවෙන් රජය නිවාඩු දිනයන් ප‍්‍රසිද්ධියට පත් කර තිබෙන අතර තුර නාමයෝජනා භාර ගැනීමේ යම් නීතිමය දෝෂයක් ඇත්දැයි තමන්ට උපදෙස් ලබා දෙන්නැයි මැතිවරණ කොමිසම කළ ඉල්ලීම එක් දිනක් තුළ සළකා බැලීමෙන් අනතුරුව නීතිපතිවරයා විසින් අදාල උපදෙස් ලබා දී තිබිණි.
මහ මැතිවරණය පැවැත්වීමට දින නියම කර නාමයෝජනා පත‍්‍ර භාර ගැනීමට කටයුතු කරමින් තිබිය දී පසුගිය මාර්තු 17, 18, සහ 19 දිනයන් රජයේ නිවාඩු දිනයන් ලෙස ප‍්‍රකාශයට පත් කෙරිණි.
එසේ තිබිය දී මහ මැතිවරණයට අදාල නාම යෝජනා රජය විසින් භාර ගන්නා ලද අතර ඒ පිළිබඳව විවිධ පාර්ශව විවිධ තර්ක ඉදිරිපත් කරනු ලැබීය.
එම කරුණු සැලකිල්ලට ගත් මැතිවරණ කොමිසමේ සභාපතිවරයා මෙහි ඇති නීතිමය පසුබිම පසුගිය 3 වැනිදා නීතිපතිවරයාගෙන් උපදෙස් ඉල්ලා සිටි අතර ඒ පිළිබඳව උපදෙස් ලබා දෙමින් නීතිපතිවරයා මසේ දැනුම් දී තිබිණි.
රුපියල් කෝටි 80කට ආසන්න වටිනා මත්ද්‍රව්‍ය තොගයක් සමඟ පුද්ගලයෙක් කොටිකාවත්ත නාගහ මුල්ල ප්‍රදේශයේ නිවසකදී අත්අඩංගුවට ගත් බව මාලඹේ පොලිසිය කියයි
රජයේ රෝහල්වල හාවිතා කරනු ලබන බෙහෙත් තොගයක් හැටන් පුටිහිල් තේ වත්තට බැහැර කර ඇති බව වතු පාලන අධිකාරි හැටන් පොලීසිය වෙත දැනුම් දී ඇත.
අවුරුද්දට පුතා ගෙනා චීන පටස් එකක් දත්වලින් හැපීමට ගිය මවක බරපතල තුවාල ලබා කොළඹ ජාතික රෝහලට ඇතුලත් කර ඇති බව පානදුර පොලිසිය
යුද්ධය නිසා උතුරේ ජනතාවට අහිමි වූ නැවත ලබා දිය හැකි සෑම දෙයක්ම ජනතාවට ලබා දීමට පියවර ගන්නා බව ජනාධිපති අනුර කුමාර දිසානායක මහතා පැවසීය.
2024 අපොස උසස් පෙළ විභාගයේ ප්‍රතිඵල විභාග දෙපාර්තමේන්තුව මීට සුළු වේලාවකට පෙර නිකුත් කළේය.
ස්වර්ගස්ථ වූ ශුද්ධෝත්තම ෆ්‍රැන්සිස් පාප් වහන්සේගේ දේහය රෝමයේ ශාන්ත මරියා මැජියෝරේ බැසිලිකාවේදී අද (26) මිහිදන් කෙරුණි.
2025 අප්‍රේල් මස 18
869
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස
හේලීස් ෆෙන්ටන්ස් ලිමිටඩ් හි කළමනාකාර අධ්‍යක්ෂක හසිත් ප්‍රේමතිලක මහතා සහ හේලීස් සෝලාහි අධ්‍යක්ෂක/ප්‍රධාන විධායක නිලධාරී රොෂේන් පෙරේරා මහතා සමඟ කතාබ
2025 අප්‍රේල් මස 10
546
2
අප්‍රේල් 01, 2025 කොළඹ දීග ශ්රී ලංකා ඉන්ෂුවරන්ස් ලයිෆ් 2024 වසර විශිෂ්ට ලෙස නිමා කළ අතර, රුපියල් බිලියන 30.7 ක බදු ගෙවීමට පෙර ලාභයක් වාර්තා කරන ලදී.
මැතිවරණය පැවැත්වීමේ වගකීම මැතිවරණ කොමිසන් සභාවේ කාර්යයක්
bamunuarachchi Monday, 04 May 2020 12:54 PM
ඉදිරි පාර්ලිමේන්තු මැතිවරණය පැවැත්වීමේ වගකීම මැතිවරණ කොමිසන් සභාව සතු කාර්ය භාරයක් බව නීතිපතිවරයා මැතිවරණ කොමිසමේ සභාපතිවරයාට අද (04) දැනුම් දී තිබේ. එමගින් සනාතවනුයේ මැතිවරණ කොමිසමේ සභාපතිවරයා මැතිවරණය පිළිබද තීන්දු ගැනීමේ නිසි බලධාරියා බව වේ. කොරෝනා වසංගත තත්වය හේතුවෙන් රජය නිවාඩු දිනයන් ප‍්‍රසිද්ධියට පත් කර තිබෙන අතර තුර නාමයෝජනා භාර ගැනීමේ යම් නීතිමය දෝෂයක් තිබේනම් නාමයෝජනා නැවත කැදවිම කලයුතු වේ. මේ අවස්ථාවේ කලයුතුවන්නේ දේශපාලනය, මැතිවරණය පසෙකින් තබා covid-19 පිලිබදව කෙරෙන පරීක්ෂණ වැඩි කිරීම වේ. එසේ නොමැති උවහොත් covid-19 වැලදී රෝග ලක්ෂණ නොපෙන්වන කණ්ඩායම් ඔක්තෝබර් දෙසැම්බර් අතර කාලයතුල මතුවීමට බොහෝ විට ඉඩ තිබේ.
athuraya Monday, 04 May 2020 02:06 PM
නොමිනේෂන් බාරගත්තේ ආණ්ඩුවද? නැතිනම් කමිෂන් එකද?
saliya Monday, 04 May 2020 04:09 PM
මේ උත්තරය ප්‍රශ්නයට වඩා ප්‍රශ්නයක්. අපිට නම් මේවා අපබ්‍රංශ...
Hafeel Monday, 04 May 2020 05:15 PM
හරියට රෝසි සේනානායක, ගීතා කුමාරසිංග, පවිත්‍රාගේ උත්තර වගේ.
ලැවොයිසියර් Monday, 04 May 2020 04:34 PM
මට නං මුකුත් තේරෙන්නෙ නැහැ. අන්තෝ ජඪා, බහී ජඪා. ජඪාය ජඪිතෝ පජා.
නිහාල් Monday, 04 May 2020 07:41 PM
මැතිවරණය පැවැත්වීමේ වගකීම මැතිවරණ කොමිසන් සභාවේ කාර්යයක් කියා නීතිපතිවරයා ලබා දී ඇති පිළිතුර පැහැදිලි නොමැතිනම් ඔයාලට පුළුවන් උපරිමාධිකරණයට ගොහින් පැහැදිලි කිරීමක් කර ගන්න.
wije Monday, 04 May 2020 04:41 PM
අනේ මන්දා මට නම් තේරෙන විදියට මැතිවරණ කොමසාරිස්වරයා අහලා තියෙන්නේ රජය නිවාඩු ලෙස ප්‍රකාශ කරපු දිනයක නාම යෝජනා ගැනීම නීත්‍යනුකුලද කියලා. නමුත් අර "කොහෙද යන්නේ ඇහුවාම මල්ලේ පොල් කියන උත්තරය තමයි දීලා තියෙන්නේ". ඇත්තටම නීත්‍යනුකුලද? දන්නා කෙනෙක් ඉන්නවා නම් කියන්නකෝ.
දයාන් Monday, 04 May 2020 05:11 PM
නිත්‍යානුකූලව නාම යෝජනා බාර ගත් පසුව ඉතිරි ක්‍රියාදාමයද කරගෙන යන්න. එවැනි අදහසක් තමයි මින් පැවසෙන්නේ .
දසුන් Tuesday, 05 May 2020 01:47 AM
කොමසාරිස්වරයා මුලින්ම ජනාධිපතිතුමා කඩේ යවන්න උත්සාහ කලා. ඒක බැරි වුණාම නීතිපතිවරයා අල්ලගන්න බැලුවා. ඒකත් හරි ගියේ නැහැ. ඊළඟට තවත් මුට්ටියක් දාලා බලයි. මේකට වෙන්න ඇති ස්වාධීන කියන්නේ තවමත්...
Samitha Senaka Aluthgamage. Tuesday, 05 May 2020 01:36 PM
මැතිවරණ පනතේ ප්රතිපාදන අනුව මැතිවරණය පැවැත්වීම කළයුතු බව අදාළ කොමිසම හොඳින්ම දන්නා දෙයක්. මැතිවරණය මැතිවරණ නීතියට අනුකුලව පැවැත්විය යුතු බවද එම කොමිසම දන්නා කරුණක්. කොමිසමේ පැනයට පැහැදිලි පිළිතුරක් ලැබී නැතිබව තමයි සිතෙන්නේ.
Aris Wednesday, 06 May 2020 08:31 AM
කැලැන්ඩරේ නැති හදිසියේ නම් කරපු නිවාඩු දින නිසා මැතිවරණ නීතියට පටහැනි නැතිව ඇති. යම් හෙයකින් නාම යෝජනා අවලංගු කලොත් අලුතින් නාම යෝජනා භාර ගැනීමත් මැතිවරණ නීතියට පටහැනියි. එවිට මැතිවරණය තියන්න විධියක් නැහැ. ඉදිරි අවුරුදු 5 සදහා කලින් ආණ්ඩුව බලාත්මක කරන්නයි වෙන්නේ. ඒ නිසා වෙන්න ඇති පාර්ලිමේන්තුව යලි කැදවන ලෙස ඔවුන් ඉල්ලුම් කරන්නේ.