ශ්‍රී ලංකාව සහ ඉන්දියාව අතර මහනුවර පල්ලෙකැලේ ජත්‍යන්තර ක‍්‍රිකට් ක‍්‍රීඩාංගණයේදී ඊයේ (4) පැවැති පස්වැනි සහ අවසන් එක්දින ක‍්‍රිකට් තරගයේ නියමිත කාලයේදී  ඕවර 50 සම්පුර්ණ නොකිරීම හේතුවෙන් ශ්‍රී ලංකා පිලේ නායකයා ලෙස කටයුතු කළ ඇන්ජලෝ මැතිව්ස්ට තරග මුදලින් 20% ක දඬයක් පනවා තිබේ. කණ්ඩායමේ සෙසු ක‍්‍රීඩකයන්ට ද 10% ක දඬයක් තරග තීරක ක‍්‍රිස් බ්‍රෝඞ් මහතා විසින් පනවන ලදී. ශ්‍රී ලංකා පිලේ නිත්‍ය නායක මහේල ජයවර්ධන විවේක ගැනීම නිසා මෙම තරගයේදී මැතිව්ස් නායකයා ලෙස කටයුතු කළේය. මෙම තරගයෙන් ලකුණු 20 ක ජයක් ලබාගත් ඉන්දියාව තරග පහකින් සමන්විත එක්දින තරගාවලිය 4-1 ක් ලෙස ජය ලැබීය.