නිදහස් මාධ්‍යවේදී ශාන්ත විජේසූරිය මහතා පැහැර ගැනිමට තැත් කිරීම, සන්ඬේ ලීඩර් කර්තෘ ෆෙඞ්රිකා ජෑන්ස් මහත්මියට දුරකථනයෙන් තර්ජනය කිරීම ඇතුළු මාධ්‍යවේදීන්ට සිදුවන විවිධ මර්දන කි‍්‍රයා හෙළා දකිමින් එයට විරෝධය පළ කිරීමේ උද්ඝෝෂණයක් අද සවස පුරහල ලිප්ටන් වටරවුම අසලදී පැවැත්විණ. මාධ්‍යවේදීහු, දේශපාලන පක්‍ෂ නියෝජිතයෝ සහ වෘත්තීය සමිති සාමාජිකයෝ රැසක් මෙයට එක්ව සිටියහ. උද්ඝෝෂකයෝ විරෝධතා පෙළපාලියක් ද පැවැත්වූහ. පසුව ජේ.ආර්. ජයවර්ධන කේන්ද්‍රයේදී ”මර්දනයට එරෙහිව පෙළ ගැසෙමු” යන තේමාව යටතේ සම්මන්ත‍්‍රණයක්ද පැවැත්විණ.