හිටපු කෙටි ධාවන ශූරයකු වන රොහාන් ප්රදීප් කුමාර මහතා ශ්රී ලංකා මලල ක්රීඩා සංගමයේ සභාපති ධූරයට තරග වැදීමට සඳහා නාමයෝජනා බාරදී ඇතැයි වාර්තාවේ. ශ්රී ලංකාව වෙනුවෙන් අන්තර් ජාතික මලල ක්රීඩා තරගමාලා රැසකදි මීටර් 400, මීටර් 200 හා සහය දීවිමේ පිරිමි ඉසව්වලදී පදක්කම් දිනූ ප්රදීප් කුමාර මහතා ගම්පහ දිස්ත්රික් මලල ක්රීඩා සංගමය නියෝජනය කරමින් නාමයෝජනා බාරදී තිබේ. මේ අතර මෙතෙක් සංගමයේ උප සභාපති ධූරයක් දැරූ ප්රෙමා පින්නවල මහතා හා වත්මන් සභාපති මේජර් ජනරාල් පාලිත ප්රනාන්දු මහතාද සභාපතිධූරයට නාමයෝජනා බාරදුන් බව වාර්තාවේ. ක්රීඩා අමාත්යංශයේ උපදෙස් පරිදි මලල ක්රීඩා නිලවරණය පැවැත්වීම මේ වන විට අත්හිටුවා තිබේ. ඒ සඳහා කලින් මාර්තු 30 වැනිදා යොදා ගෙන තිබුණි. වත්මන් සභාපති පාලිත ප්රනාන්දු මහතාට හයවැනි වසරටත් සංගමයේ සභාපති ධූරයේ කටයුතු කිරීම සඳහා ක්රීඩා ඇමැතිවරයාගේ අනුමැතිය පමාවීම නිලවරණය කල් දැමීමට ආසන්නම හේතුව වූ බව වාර්තාවේ. ක්රීඩා ඇමැතිවරයා ‘ලංකාදීප’යට පැවසුවේ ඊට තමන් කෙළින්ම මැදිහත් නොවන බවත් ජාතික ක්රීඩා සංගම් නිලවරණ සඳහා බලධාරීන්ට අනුමැතිය දීම සඳහා පත්කළ විශේෂ කමිටුව ප්රනාන්දු මහතාට අනුමැතිය දීම ගැන අවසන් තීරණයක් ගන්නා බවත්ය. කෙසේ වූවත් යොදා ගත් පරිදි පසුගිය සිකුරාදා (16) දක්වා නිලවරණය සඳහා නාමයෝජනා බාර ගැනීම සිදු කර තිබෙන අතර උපසභාපති ධූර හය සඳහා නාමයෝජනා 10ක් ලැබී ඇතිබවද වාර්තා වේ. ප්රධාන ලේකම් ධූරය, භාණ්ඩාගාරික දත්ත සටහන්කරු යන තනතුරු සඳහා වෙනත් නාමයෝජනා ඉදිරිපත් නොවීමෙන් දැනට එම තනතුරු දරන ජී.එල්.එස්.පෙරේරා, චන්දන ඒකනායක හා සමන් කුමාර යන මහත්වරුන් ඉදිරි නිලවරණයේදීත් එම තනතුරු සඳහා නිතරගයෙන් පත්වනු ඇත.
2024 ජනාධිපතිවරණයේ ප්රතිඵල බලා ගැනීමට දෙස් විදෙස් ශ්රී ලංකිකයෝ නොඉවසිල්ලෙන් බලා සිටිති.
දෙණියාය මැතිවරණ කොට්ඨාසයේ ජය අනුරකුමාර දිසානායක මහතා හිමිකරගත්තේය. ඒ අනුව අනුරකුමාර දිසානායක මහතා ලබාගත් ඡන්ද සංඛ්යාව 36007කි.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
මලල ක්රීඩා සභාපති ධූරයට හිටපු ක්රීඩක රොහාන් ප්රදීප් කුමාර නාමයෝජනා දෙයි