පසුගිය මැතිවරණ සමයේ ශ්‍රී ලංකා ගමනාගමන මණ්ඩලයෙන් කුලී පදනම මත ලබාගත්  බස් රථවලට   ගාස්තු නොගෙවමින් රුපියල් කෝටි 14.25ක්  වංචා කළැයි  මහින්ද රාජපක්ෂ හිටපු ජනපතිට ලංකා ගමනා ගමන මණ්ඩලයෙන් කොළඹ වාණිජ මහාධිකරණයේ  ගොනු කැරුණු නඩුව අද (22)  කැඳැවිණි.

මීට පෙර  මහින්ද රාජපක්ෂ හිටපු ජනපතිට අමතරව සන්ධානයේ හිටපු ලේකම් සුසිල් ප්‍රේමජයන්ත සහ ශ්‍රීලනිපයේ හිටපු ලේකම් අනුර ප්‍රියදර්ශන යාපා ද වගඋත්තරකරුවෝ කරනු ලැබ සිටියහ.

සංශෝධිත පැමිණිල්ලක් මගින් සුසිල් ප්‍රේමජයන්ත හා අනුර ප්‍රියදර්ශන යාපාගේ නම් නඩුවෙන් ඉවත් කර තිබිණි.

සංශෝධිත පැමිණිල්ල සම්බන්ධ විරෝධතා ගොනු කිරිමට අවශ්‍ය යැයි මහින්ද රාජපක්ෂ මහතා වෙනුවෙන් පෙනී සිටි නීතීඥවරු ඉල්ලා සිටියහ. ඒ අනුව විරෝධතා ගොනු කිරීමට නඩුව ජනවාරි 26 වැනි දා  යළි කැඳවීමට  කොළඹ වාණිජ මහාධිකරණ විනිසුරු ශිරාන් ගුණරත්න මහතා නියෝග කළේය.