වේග පන්දු යවන්නන් වෙනුවෙන්ම සැකසූ තණතීරුවකදී දෙවැනි වතාවටත් ශී්ර ලංකා පිල වෙනුවෙන් කඩුලූ දවාගැනීමේ බර කරට ගැනීමට රංගන හේරත් ඉදිරිපත් වීම නිසා කොළඹ ආර්. පේ්රමදාස කී්රඩාංගණයේදී පැවැත්වෙන දෙවැනි ටෙස්ට් කි්රකට් තරගයේ තුන්වැනි දිනය වූ ඊයේ (18 වැනිදා) බංග්ලාදේශ පිල යම් තරමක පීඩනයකට ලක් කිරීමට ශී්ර ලංකා පිලට හැකි විය. කෙසේ වෙතත් කඩුලූ 8 ක් අතැතිව තිබියදී සිය පළමු ඉනිමේ අවාසිය මකා දැමූ බංග්ලාදේශ පිතිකරුවෝ ඊයේ සවස කී්රඩාව නතර කරන විට තම කණ්ඩායම, ශී්ර ලංකාවට වඩා ලකුණු 52 ක් ඉදිරියට ගෙන ගියහ.
ශී්ර ලංකා වේග පන්දු යවන්නන්ගේ දුර්වල තරග රටාව කදිමට නිරාවරණය වූ මෙම තරගයේදී මෙතෙක් බිඳ වැටුණු බංග්ලාදේශ කඩුලූ 14 න් වේග පන්දු යවන්නන් තිදෙනකුට දවාගත හැකිවූයේ කඩුලූ 5 ක් පමණි.
තම වේග පන්දු යවන්නන්ගේ තරම නිවැරදිව වටහාගත් නායක ඇන්ජලෝ මැතිව්ස්, පන්දු යැවීමේ අවස්ථාව රංගන හේරත්ටත් තාවකාලික දග පන්දු යවන්නා වන තිලකරත්න ඩිල්ෂාන්ටත් පවරා නිහඬව සිටියේය.
බංග්ලාදේශ දෙවැනි ඉනිමේදී වේග පන්දු යවන්නන් තිදෙනකු ඕවර 24 ක් යවන විට රංගන හේරත් ඕවර 23 ක් සහ ඩිල්ෂාන් ඕවර 19 ක් යවා තිබීමෙන් තත්ත්වය හොඳින් වටහාගත හැකිය.
වේග පන්දු යවන්නන්ට කඩුලූ දවාගැනීම කෙසේ වෙතත් අතටම ලැබුණු උඩපන්දු පවා රැකගත නොහැකි වූ අතර ජහුරුල් ඉස්ලාම් ලකුණු 12 ක් ලබා සිටියදී දුන් පහසු උඩපන්දුව, පන්දු යැවූ සුරංග ලක්මාල්ට රැකගත හැකිවූයේ නම් බංග්ලාදේශ දෙවැනි ඉනිමේ පළමු කඩුල්ල ලකුණු 26 දී දවාගත හැකිව තිබිණ.
මොමිනුල් හක් ලකුණු 30 ක් ලබා සිටියදී රංගන හේරත්ගේ පන්දුවකට දුන් උඩපන්දුවක් නුවන් කුලසේකර අතින් ගිළිහී ගිය අතර මුෂ්ෆිකුර් රහීම් ලකුණු 7 ක් ලබා සිටියදී හේරත්ගේම පන්දුවකට දුන් උඩපන්දුවද ස්ලිප් හි සිටි ඇන්ජලෝ මැතිව්ස් අතින් ගිළිහී ගියේය.
පිට පිටම ඕවර දෙකකදී මෙම උඩපන්දු ගිළිහී යාම නිසා ලකුණු 6 ක් තුළදී කඩුලූ දෙකක් දවාගැනීමේ අවස්ථාව ශී්ර ලංකා පිලට අහිමි විය. කුලසේකර සහ මැතිව්ස් දෙදෙනාට ලැබුණු උඩපන්දු රැකගනු ලැබුයේ නම් ඊයේ දිනය අවසන් වන විට බංග්ලාදේශ ඉනිමේ වාසිය ලකුණු 52 කට සීමා කරමින් කඩුලූ 6 ක් දවාගැනීමේ අවස්ථාව ශී්ර ලංකා පිලට තිබිණ.
බංග්ලාදේශය වෙනුවෙන් අගනා ඉනිමක් කී්රඩා කළ ටමීම් ඉක්බාල් පන්දු 107 කට මුහුණ දෙමින් ලකුණු 59 ක් රැස්කළේ සිය ආරම්භක පිතිකරු සගයා වන ජහුරුල් ඉස්ලාම් සමග පළමු කඩුල්ල වෙනුවෙන් ලකුණු 91 ක සම්බන්ධතාවක්ද ගොඩනගමිනි. මෙම සම්බන්ධතාව නිසා බංග්ලාදේශ පිල අපේක්ෂා නොකළ අයුරින් ඉදිරියට පැමිණි නමුත් ඊයේ තේ පානයෙන් පසු රංගන හේරත් විසින් ඕවර 9 කදී ලකුණු 13 ක් පමණක් දෙමින් කඩුලූ 3 ක් දවාගැනීම නිසා බංග්ලාදේශ පිල නැවතත් පීඩනයට නතු කිරීමට ශී්ර ලංක පිලට හැකි විය.
අද තරගයේ සිවුවැනි දිනයයි.
මන්නාරම මහාධිකරණ විනිසුරු එම් එම් එම් මිහාල් මහතාගේ ඡායාරූප ඇතුලත් කරමින් එතුමාට අපහාසයක් සිදුවන පරිදි කොළඹ සහ තදාසන්න ප්රදේශවල පෝස්ටර් ඇලවීමට නිර
ශ්රී ලංකා ගමනාගමන මණ්ඩලයේ නව සභාපති ලෙස හිටපු සභාපතිවරයකු වන රමාල් සිරිවර්ධන මහතා පත් කර තිබේ.
නැගෙනහිර සහ ඌව පළාත්වල ස්ථාන ස්වල්පයක සවස් කාලයේදී හෝ රාත්රී කාලයේදී වැසි හෝ ගිගුරුම් සහිත වැසි ඇතිවන බව කාලගුණවිද්යා දෙපාර්තමේන්තුව කියයි.
ඉරානය සම්බන්ධයෙන් කළ ප්රකාශයක් මුල්කොට ගනිමින්, එක්සත් ජාතීන්ගේ මහ ලේකම් ඇන්තෝනියෝ ගුටරේස්ට ඊශ්රායලයට ඇතුළුවීම තහනම් කිරීමට ඊශ්රායල අග්රාමාත්
හිටපු විපක්ෂ නායක සහ දෙමළ ජාතික සන්ධානයේ හිටපු නායක ආර් සම්පන්දන් මහතාට ලබා දී තිබූ කොළඹ 7 මහගමසේකර මාවතේ පිහිටි නිල නිවස ඔහු මිය ගොස් මාස තුනකට ආසන්න ක
ඇඹිලිපිටිය මහගම ප්රදේශයේ තිරිවාන නිධිය කැනීම සම්බන්ධයෙන් කිසිදු ඉදිරි පියවරක් නොගන්නා බව නීතිපතිවරයා අභියාචනාධිකරණයට ඊයේ (02) පොරොන්දු විය.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
රංගන නැවතත් බර කරට ගනී
දිනේෂ් Tuesday, 19 March 2013 11:48 AM
නියමයි.....(දී)
අචිර Wednesday, 20 March 2013 04:23 AM
සුභ පැතුම් ශ්රී ලංකා ක්රිකට් වලට! ජය වේවා! (නි)
යොහාන් Tuesday, 19 March 2013 12:45 PM
ලංකාව කොහෙන් ගියත් දිනනවා (දී)