IMG-LOGO

2024 ඔක්තෝබර් මස 11 වන සිකුරාදා


ලක්ෂපාන ඇල්ල සේ ගලා හැලෙන්න

2016-11-10-ent-228

මෙවර අපගේ සංචාරය සඳහා තෝරාගත්තේ ස්වභාදහමින් අපට රටට උරුම වූ තවත් එක් සුන්දර දියඇල්ලක් නැරඹීමටය. එය බලන්නට මුදලක් අය නොකරන නිසා සහ එහි මිනිසුන් වැඩි වශයෙන් නොගැවසෙන හෙයින් අපට එය නැරඹීම පහසු විය.

2016-11-10-ent-217පාන්දර හතරට ගිනිගත්හේනෙන් උණු පොල් රොටි හා කිරිකෝපි උදර ගත වීම, කඳු පාරේ ගමනේ වෙහෙසට සේම උදෑසන පෙළන නිදිමතටද කදිම ප්‍රතිරෝධයක් එක් කළේය. අප උදෑසන පහට පමණ ගොඩවූයේ අපගේ නවාතැනටය. එනම්, හැටන් හි ඇති ලක්ෂපාන දියඇල්ලට අසලින්ම ඇති ගිමන්හල වෙතය. ළඟ ඇති ෆැක්ටරියෙන් ගෙනෙන ඩස්ට් නම්බර් වන් වලින් සැදූ ප්ලේන් ටී එකකින් ගිමන් නිවා අපි ගමන ඇරඹීමු.

තරුණයන් පිරිසකට විනෝදය පිණිස යන්නට කදිම ගමනාන්තයක් ලෙස ලක්ෂපාන දැක්විය හැක. එය එතරම් නිස්කලංකය. වේල්ලෙන් වතුර කඳන් නිදහස් වන මොහොතක හැර ලක්ෂපාන දිය ඇළි මුදුනේ ස්නානයද විනෝදජනකය. ලක්ෂපානට බසින තැනට ඉදිරිපසින් "සප්තකන්‍යා" කඳුවැටිය දිස්වෙයි. එය බොහෝ විට මීදුමෙන් වැසී ඇත. කොත්තල්ලෙන ගම සුන්දර මිනිසුන්ගෙන් පිරි ගමකි. ඔවුන්ගේ මුහුණුවල ආගන්තුක බවක සේයාවක් නැත. එය සිනහා පිරි මුහුණින් සැම විටම දිලිසෙයි. අන්ත දුෂ්කර ජීවිතයක වුව ඔවුහු සුවය සතුටම විඳිති. එහෙයින් තරුණ වචනයෙන් ආතල් යැයි කියන්නට හැකි ආස්වාදයක් ලක්ෂපාන දියඇල්ල නැරඹීමට යාමෙන් විඳිය හැකිවනු ඇත.

දියඇල්ලට බැසීම ආරම්භ වන තැනම මග කියන සලකුණක වූයේ මීටර් තුන්සියක දුරකින් ලක්ෂපාන ඇල්ල ඇති බවය. පඩි 724ක් ඇති බවට කියන එම ගමනේදී බොහෝ දෙනෙකු පඩි ප්‍රමාණය ගණන් කළද, අපට එය මගහැරුනේ මගදිගට වූ අනේකවිධ සොඳුරු දසුන් නිසාවෙනි. ශ්‍රී ලංකාවට ආවේණික පක්ෂීන්, මෙතෙක් දැක නැති කැමෆ්ලාජ් වූ කෘමි සතුන් අපගේ ඇස ගැටිණි.

බිදෙන් බිඳ දියඇල්ල පෙනෙන්නට ගනියි. එය සැබෑ චමත්කාරයකි. පඩියක් පඩියක් පසා එය සුන්දරව පෙනෙයි. ගස්කොළන් මැදින් බාධා වෙමින් පෙනීම දියඇල්ලේ අගය වැඩි කරවයි. ඒ සමග අපි පඩිපෙල් අවසන් කර ගල් මතට පය තැබීමු. එම ගල් හොඳින් මැදී තිබුණු නිසා ජල ප්‍රමාණය ඉහළ යාමත් සමග වේගවත් ජල කඳට ඔරොත්තු දී සුමට වූ බවට සලකුණු ඒවායේ පෙනෙයි. රිළවුන් අතරින් පතර ඔළුව දමනවා දැකගත හැකිවිය. දියඇල්ල නොනැවතී කඩා හැලෙයි. ඒ මැද පොකුණු ලෙස සෑදුණු වතුර එකතු වුණු තටාකවල අධිසීතල ජලය පිරී ඇත. සෑම නැනෝ තත්පරයකම සිරුරට ඇල්පෙනෙත්ති තුඩකින් විඳින්නා සේ වතුර බිඳු විදියි. එය රිදුමක් නොවන බව අත්විඳින්නට ඔබ එහි යායුතුය.

මෙය මිනිසුන් කෘතිමව සැකසූවක් නොවේ. මෙවන් පර්වත කොටස් ඒ ඒ පරිද්දෙන් එක් කිරීම ස්වභාවධර්මයා විසින් කාලයක් තිස්සේ කලාත්මකව කළ නිමැවුමකි. ඒවා මතට නගිමින් බසිමින් දවසක් ගතකළ හැක.

අපි ගමේ සිට දියඇල්ලේ තටාකය අසලට බැසි ගිය තැනෙන් එපිටට වන්නට පිහිටි කැලයට ගොඩවූවෙමු. එහි සෙවණ වෙනුවෙන් සිටින්නට ඉතා සූක්ෂම ලෙස මට්ටම්ව සැකසුණු ගල් තලා සහ ගල් වහල ඇත. අප ඒ අසලට ගොස් හැරී ආවේ නහයට දැනුණු දුඟන්දය නිසාය. ඒ කොටින්ගේ අසූචි සුවඳකි.

මෙම සටහනෙන් ඔබට කරන ආරාධනය එය විඳින්නටය. අපගේ පාඨකයා දැනුමින් මෙන්ම හැඟුමින්ද පරිපූර්ණවනු අපගේ බලාපොරොත්තුවයි. කිලෝමීටර් එකසීය විස්සක පමණ වූ ගමනේ, අපේ මාර්ගය වූයේ අවිස්සාවේල්ල, කරවනැල්ල, යටියන්තොට, කිතුල්ගල, ගිනිගත්හේන හරහා ලක්ෂපාන දියඇල්ලටය. මාර්ග සංවර්ධනයට පිංසිදුවන්නට ෆෝ වීල් වාහනයක අවශ්‍යතාවය අපට හොඳින්ම දැනුණි. අන්තර්ජාල පහසුකම් ලැබීම ඉතා අපහසුය. අතරමග රසවත් ආහාරයක් හෝ කටගැස්මකට ගත හැකි ආහාරයක් ගන්නට මෙහි අවන්හල් ඉදිකර ඇත. රාත්‍රී කඩද සොයා ගත හැක. ජලයෙහි ඉතා නැවුම් රසක් ඇති නිසා බෝතල් ජලය ගෙන නොයන්න. ලක්ෂපාන ඇල්ලට බසින තැනම ඇති නවාතැන්පොළෙන් ඔබට රසවත් ආහාර, ඔබේ රාත්‍රී සාදයකට අවශ්‍ය අනුපාන සකසා දෙනු ඇත.

මෙලෙස දියඇල්ලේ යට සිට එය නරඹා එන ඔබට ඔබේ ගමන එතෙකින් අවසන් කළ නොහැක. ඔබට දිය ඇල්ලේ මුදුනට යෑමට හැකියාව ඇත. පෙර තරම් නොවූවද පඩිපෙල් දෙසීයක පමණ බැස්මකදී එය ඔබට දකින්නට ලැබෙනු ඇත. එම පඩිපෙල බසින මුල්ම මොහොතේ ඇසට හසුවන පුවරුවක් වෙයි. එය පවසන්නේ ස්නානයේදී වේල්ලෙන් ජලය නිදහස් කිරීමේදී එන ජල ගැල්ම සම්බන්ධයෙන් ඔබේ අවධානය යොමු කරන ලෙසටය. එය ඔබට බැලූ බැල්මට පහළ සුන්දරත්වය තරම් දසුනක් මවන් නැතිවා විය හැක.

නමුත් තරමක් අසීරූ දිය සෙවෙල බැඳුනු ගල් අතරින් බැස අවසානයේ ඔබ පිවිසෙන්නේ මනස්කාන්ත දසුනක් මතටය. සයනයන් මෙන් තැනින් තැන පිහිටි ගල් තලාවන්ය. ඊට පහළින් දිය එකතු වූ මාලුන් පිරි පොකුණුය. මැද්දෙන් වේගවත් දිය පහරක් ගලා යයි. එය පෙනුමට අතිසුන්දර වුවද හිතට භයංකර හැඟීමක් එක් කරන්නකි. ඉන් පහළ අපි මෙම සටහනෙහි ආරම්භයේ සිට ලියූ දියඇල්ල කඩා හැලෙන තටාකය ඇත. සුදු පෙණ නංවමින්, ජල බින්දු දසත විදිමින්, දැඩි සුළඟක්ද සමගින් ජලය ගලා යයි. එය කොතෙක් බලා සිටියත් දෑස් ඉවතට නොගන්නට සිතෙන දසුනකි. දියඇල්ල මුදුනේ තැනින් තැන පර්වත ලේයරයන් අතරෙහි විශාල පරතරයන් වෙයි. ඒවා අතරද කුඩා දියඇළි සෑදී ඇත. සුදු පෙනින් පිරී ඇත්තේ දැඩි වේගයකින් පතිත වන ජල කඳ නිසාවෙනි. අවට එකඳු මිනිස් පුළුටක් නැත. ගස්වලින් වේළී ගිය කොළ වැඩිම මනාපයෙන් සුළං අවසරයෙන් පහළට විසිවන්නේ සිරුරේද දැවටෙමිනි. එය ස්නානයටම සැකසුණු තැනකි. දැඩි සීතලකින් සිරුර වෙලා ගනියි. කරවටක් දියේ ගිලී ජලයෙන්ම සුමට කළ කළු ගලකට පිට තියාගෙන සිටීද්දී නැගෙන හැඟීම, බාත් ටබ්වලින් මතු නොවේ. ජලයෙන් ගොඩවන්නට නොසිතෙයි. ජලයෙන් ගොඩවන්නට සිතේනම් ඒ එකම එක හේතුවක් නිසා පමණකි. දැඩි සීතලට ඉහළ යන කුසගින්න නොවන්නට ජලයෙන් ගොඩවන්නට වෙනත් හේතුවක් නැත.

 

සටහන - රචින්ත ජයවර්ධන / ඡායාරූප - දර්ශන් ජූලියන්

 

2016-11-10-ent-234
2016-11-10-ent-233
2016-11-10-ent-232
2016-11-10-ent-231
2016-11-10-ent-230
2016-11-10-ent-229
2016-11-10-ent-227
2016-11-10-ent-226
2016-11-10-ent-225
2016-11-10-ent-224
2016-11-10-ent-223
2016-11-10-ent-222
2016-11-10-ent-221
2016-11-10-ent-220
2016-11-10-ent-219
2016-11-10-ent-218
2016-11-10-ent-216
2016-11-10-ent-215
2016-11-10-ent-214
2016-11-10-ent-213
2016-11-10-ent-212
2016-11-10-ent-211
2016-11-10-ent-210
2016-11-10-ent-209
2016-11-10-ent-208
2016-11-10-ent-207



අදහස් (0)

ලක්ෂපාන ඇල්ල සේ ගලා හැලෙන්න

ඔබේ අදහස් එවන්න

එසැණ පුවත්

වැස්සෙන් මාර්ග රැසක් යටවෙයි:ජන ජීවිතයටත් බාධා
2024 ඔක්තෝබර් මස 11 23 0

තැනින් තැන ඇඳහැලෙන මහ වැසි සමඟ ගම් රැසකජනතාව පීඩාවට පත්ව සිටී.


ධීවර ජනතාවට විශේෂ නිවේදනයක්
2024 ඔක්තෝබර් මස 11 47 0

පුත්තලම සිට කොළඹ ,ගාල්ල මාතර හරහා හම්බන්තොට දක්වා ක්‍රියාත්මක සියලුම ධීවර යාත්‍රා නැවත දැනුම් දෙන තුරු යාත්‍රා නොකරන ලෙස ධීවර හා ජලජ සම්පත් දෙපාර්තමේ


රත්නපුර ලැයිස්තුවෙන් දමිතාගේ නම හැලෙයි
2024 ඔක්තෝබර් මස 11 2258 5

තමන් මෙවර රතනපුර දිස්ත්‍රික්කයෙන් මහ මැතිවරණයට තරඟ කරන බව දමිතා අබේරත්න මහත්මිය පැවසුවත් ඇගේ නම රත්නපුර දිස්ත්‍රික්කයට බාරදුන් සමගි ජන බලවේගයේ මහ මැ


කෙහෙළිය වන්දි ඉල්ලා ගොනු කළ පෙත්සම ඉල්ලා අස් කරගනී
2024 ඔක්තෝබර් මස 11 1818 0

ප්‍රමිතියෙන් තොර හියුමන්ඉමියුනොග්ලොබින් එන්නත් මිලදී ගැනීමේ සිද්ධියට අදාළව අපරාධ පරීක්ෂණ දෙපාර්තමේන්තුව විසින් කිසිදු සාධාරණ හේතුවක් නොමැතිව තම


දිස්ත්‍රික්ක 10කට නාය අනතුරු අඟවයි
2024 ඔක්තෝබර් මස 11 382 0

දිවයිනේ බොහෝ ප්‍රදේශවල පවතින අධික වැසි සහිත කාල ගුණ තත්වය හේතුවෙන් දිස්ත්‍රික්ක 10 ක ප්‍රාදේශිය ලේකම් කොට්ඨාස 33 කට අද ( 11 ) පෙරවරුවේ සිට නාය යෑමේ අනතුරුඇඟ


පාලමකින් එගොඩ වෙන්න ගිය අයෙක් අතුරුදන්
2024 ඔක්තෝබර් මස 11 634 0

පවතින දැඩි වර්ෂාපතනය හේතුවෙන් කඩුවෙල යාකාල වැලිහිද ඇල හරහා ඉදිකරමින් පවතින පාලමක් හරහා ගමන් කිරීමට ගිය 39 හැවිරිදි පුද්ගලයකු දියේ ගිලී අතුරුදන් වී ඇතැ


වැඩි දෙනා කියවූ පුවත්

ප්‍රභූන් පිරිසක් රටින් පිටව යති
2024 සැප්තැම්බර් මස 22 39893 23



අලුත් ජනපති හමුවන්න අමුත්තෙක්
2024 සැප්තැම්බර් මස 22 25898 13


මේවාටත් කැමතිවනු ඇති

දැරිය හැකි මිලක e-Bike මිලදී ගන්න බැරි වෙයිද? 2024 ඔක්තෝබර් මස 10 125 0
දැරිය හැකි මිලක e-Bike මිලදී ගන්න බැරි වෙයිද?

ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර

​​ ජනපතිවරණ උණුසුම අතරේ Munchee Kome වෙතින් ප්‍රතිඵල අනුමාන කර තෑගි දිනා ගැනීමේ අවස්ථාවක් 2024 සැප්තැම්බර් මස 21 398 0
​​ ජනපතිවරණ උණුසුම අතරේ Munchee Kome වෙතින් ප්‍රතිඵල අනුමාන කර තෑගි දිනා ගැනීමේ අවස්ථාවක්

ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්‍රී ලංකාවේ ජනපති වන්නේ කවුරුන්

ශ්‍රී ලංකාව පුනර්ජනනීය බලශක්තියෙන් තිරසර අනාගතයක් කරා රැගෙන යන්නට සූර්ය හා සුළං බලය යොදා ගැනීමේ යෝජනාවක් 2024 සැප්තැම්බර් මස 19 1275 4
ශ්‍රී ලංකාව පුනර්ජනනීය බලශක්තියෙන් තිරසර අනාගතයක් කරා රැගෙන යන්නට සූර්ය හා සුළං බලය යොදා ගැනීමේ යෝජනාවක්

ශ්‍රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල

Our Group Site