ඩෙංගු මදුරු කීට සහිත ස්ථාන පවත්වාගෙන යාම හා එය මර්දනයට නිසි ක්‍රියා නොගත් බවට වරද පිළිගත් රත්මලාන දුම්රිය අංගනය, රත්මලාන ගමනා ගමන මණ්ඩලය, ජලසම්පාදන මණ්ඩලය, සිටි මෙඩිකල් යන ආයතනවලට රුපියල් 37500ක දඩ ගෙවීමට ගල්කිස්ස අතිරේක මහේස්ත්‍රාත් රුචිර වැලිවත්ත මහතා නියම කෙළේය. ඒ අනුව දුම්රිය අංගනයට රුපියල් 20,000ක්ද, ලංගම ඩිපෝවට, රුපියල් 10,000ක් ද, ජල සම්පාදන මණ්ඩලයට රුපියල් 5000ක් ද, සිටි මෙඩිකල් ආයතනයට රුපියල් 2500ක් ද වශයෙන් දඩ නියම විය. ශ්‍රී රම්‍ය ඉන්ඩස්ට්‍රිස් හි කාණු පද්ධතිය ශුද්ධ පවිත්‍ර කිරීම නිමවී නොමැති බව කියා සිටි හෙයින් එහි අයිතිකරුට රුපියල් 50,000ක ඇපයක් නියම විය.