අම්පාරේ දැයට කිරුළ කොන්ත්‍රාත් දිමේදී රුපියල් තුන්කෝටි අනු ලක්ෂයක් වංචා කර ඇතැයි සන්නිවේදන හා තොරතුරු  අමාත්‍යාංශ ලේකමි එචි එම් ගුණසේකර මහතා කළ පැමිණිල්ලක් අනුව  දැයට කිරැළෙහි  ප්‍රධාන විධායක නිලධාරිනිය  වු   කාන්ති ගුණවර්ධනට  රටින් බැහැරවීම තහනම් කරමින් කොළඹ කොටුව මහෙස්ත්‍රාත් ගිහාන් පිළපිටිය මහතා අද නියෝග කළේය.

ලේකම්  රහස් පොලීසියට කළ පැමිණිල්ලේ සඳහන් වනුයේ අමාත්‍යාංශයේ  අතිරේක ලේකම් කාන්ති ගුණවර්ධන තාවකාලික වැසිකළි දෙසිය තිහක්, කියවීම් ශාලාවක් හා කැන්ටිමක් ඉදිකිරීමේ කොන්ත්‍රාත්තුව ටෙන්ඩර් පටිපාටියෙන් බැහැරව ප්‍රදානය කිරීමෙන් දණ්ඩ නීතී සංග්‍රහයේ 389 හා 400 වගන්ති යටතේ දඩුවම් ලැබිය හැකි වරදක් කර ඇති බවයි.