මොරටුව සුනන්දෝපනන්ද විහාරාධිපති මැටිගහතැන්නේ විමලවංශ හිමි ඝාතනයේ සැකරුවෝ පස් දෙනෙක් මොරටුව මහේස්ත්‍රාත් එම් එම් මිහාල් මහතා විසින් අද නිදහස් කරනු ලැබූහ.

සාක්කි නැති නිසා ඔවුන් නිදහස් කරන ලෙස කොළඹ අපරාධ කොට්ඨාස විමර්ශන ඒකකය අධිකරණයෙන් ඉල්ලා සිටියේය.

එම් දිනේෂ් ලක්මාල් ප්‍රණාන්දු, චින්තක රුවන් ද සිල්වා, තිරුමලන් ඉලංගෝ, දොරේසාමි කේෂවන් හා ඉෂාන් කාවින්ද ප්‍රේමබන්දු එසේ නිදහස ලැබුවෝය.

මොරටුව උප පුරපති සුජිත් පුෂ්පකුමාර, එච් ධනූක ෂෙරෝන්, සුදේශ් මධුෂ්ක ප්‍රණාන්දු, විකුම් සම්පත් ප්‍රණාන්දු හා රමේෂ් දිල්රුක් මැන්ඩිස් ලබන 28 වැනිදා තෙක් රිමාන්ඩ් කරනු ලැබූහ.

සාක්කිකරුවන් හතර දෙනකු අතර ලීමෝල් හිමියකු ද සිටින බවත්, ඔහුට උසාවි භූමියේදී ඇසිඩ් ගසන බව දෙවැනි සැකකරුගේ මව තර්ජනය කර ඇති බවත් පොලීසිය උසාවියට දැන්වීය.