2024 නොවැම්බර් මස 27 වන බදාදා
2024 නොවැම්බර් මස 27 වන බදාදා
(කුරුණෑගල අධිකරණ - රවින්ද්‍ර ප්‍රභාත් නෙත්තසිංහ)
"රාජ්‍ය සේවකයින් සද්භාවයෙන් කරන ක්‍රියාවන් ඔවුන්ට පාරා වලල්ලක් වන්නට කිසිසේත් අප ඉඩ දෙන්නේ නැහැ. බුද්ධ ජයන්තියට සිල් රෙදි බෙදන්න කියලා මහා සංඝරත්නයෙන් ඉදිරිපත් කල යෝජනාව අනුව එදා විධායක ජනාධිපතිවරයා ලෙස මා දුන් නියෝගය ක්‍රියාත්මක කළ ලලිත් වීරතුංග මහත්තයටයි, අනූෂ පැල්පිට මහත්තයටයි එදා ජම්පර් ඇන්දුවා." යැයි අග්‍රාමාත්‍ය මහින්ද රාජපක්ෂ මහතා අද (23) දහවල් කුරුණෑගලදී පැවසීය.
වීරඹුගෙදර රන්වලගෙදර ශ්‍රී බෝධිරුක්ඛාරාම විහාරස්ථානයේ නව දහම් පාසල් ගොඩනැගිල්ල විවෘත කිරීමේ අවස්ථාට එක් වෙමින් අගමැතිවරයා එසේ කීය.
වැඩිදුරටත් කතාකල අගමැතිවරයා,
‘‘තවමත් ඒ නඩුව යනවා. මෙවැනි තත්වයකින් රජයේ සේවකයා මුදවා ගතයුතුව තිබෙනවා. ඒ සම්බන්ධයෙන් වෙනම විශේෂ පනතක් ගෙන ආ යුතුයි. නමුත් දැන් තියෙන්නේ සුලුතරයක් සහිත ආණ්ඩුවක්. විරුද්ධ පක්ෂය වැඩියි. ආණ්ඩු පක්ෂයක් විදිහට අපට අඩුයි. නමුත් අපි දෙගොල්ල එක්තරා විදිහක සහයෝගයකින් මාස 3ක් මැතිවරණයකට යනතෙක් කටයුතු කරන්නට බලාපොරොත්තු වෙනවා. ඒකට කතානායකතුමා මැදිහත් වෙලා කටයුතු කරනවා. ජනතා වරම තියෙන්නේ අපිටයි. ඒ වරම අනුව ඔවුන් කටයුතු කිරීම අපි එක පැත්තකින් අගය කරන්න ඕනෑ. අපිට ඒ වෙලාවේ මන්ත්‍රී ධුර එකසිය හතලිස් ගණනක් තියෙනකොට මේ අද අභාවප්‍රාප්ත වෙලා ඉන්න දි.මු. ජයරත්න අගමැතිතුමා ඉවත්වෙලා ගියා. 42ක් තිබුණු පක්ශයේ නායකයාට අගමැතිකම දුන්නා.
මේක තමයි මම අගමැතිවෙලා කරන පළවෙනි රාජකාරිය. දැන් මම බුද්ධ ශාසන ඇමති නිසා අයිතියකුත් තියෙනවා ආරාධනා කළාම එන්න. අද අපට පන්සල් තියෙනවා. නමුත් හාමුදුරුවරු නැහැ. හුඟක් පන්සල් වැහිලා. ඒක අපට ප්රධාන ප්‍රශ්නයක් බවට පත්වෙලා තියෙනවා. ඒ පන්සල් නගා සිටුවීම නායක ස්වාමීන් වහන්සේලාට ඇති කාර්‍යභාරයක් වෙනවා. රජයෙන් ඒ සඳහා අවශ්‍ය පහසුකම් ලබාදීමට අපි කටයුතු කරනවා. වසර කීපයකට පසු පළවෙනි වතාවට තමුන්නාන්සේලා සියලු දෙනා එකතුවෙලා ආණ්ඩුවක් පිහිටුවා ගත්තා.
අපට තියෙනවා ලොකු වගකීමක්... ඒ වගේම මේක තාවකාලික ආණ්ඩුවක්. ඒ ආණ්ඩුවේ ඇමති මණ්ඩලය 15 දෙනයි. කැබිනට් එක පහලොවට බස්සනකොට පළාත් සභාවේ ඇමති මණ්ඩලය හතරේ ඉඳලා දෙකට බස්සනවා වගේ වැඩක් මේක. 15 දෙනෙක් තෝරනකොට ප්‍රශ්න තියෙනවා. සුදුස්සෝ ඉන්නවා. සුදුස්සෝ අපමණයි. ඒ සුදුස්සන්ට 15 නිසා ඇතිවුන හිත් අමනාපකම් මම දන්නවා. ඒ වුණත් ඔවුන් රට වෙනුවෙන් ජාතිය වෙනුවෙන් මේ මාස කීපය කැපකරන්න අපට පුලුවන් කියන ආත්ම ශක්තිය ඔවුන්ට තිබුණා. ඔවුන් මට කිව්වේ අපිත් මහන්සියෙන් වැඩ කළා. ඒ නිසා හිත් වේදනාවක් තියෙනවා. නමුත් අපි රටක් වෙනුවෙන් කරන කැපවීම කරන්න සූදානම් කියලයි. ඒක අපි අගය කරනවා.‘‘ යැයි පැවසීය.
ඇමෙරිකාවේ ප්රධාන අධිකරණ සංඝනායක කටුගස්තොට උපරත්න හිමියන්ගේ ආරාධනයෙන් අගමැතිවරයා මෙම අවස්ථාවට එක්වූ අතර දහම් පාසල් ගොඩනැගිල්ල ව්‍යාපාරික රංජිත් වීරසිංහ මහතාගේ මූල්‍ය පරිත්‍යාගයෙන් ඉදිකර තිබිණ.
කාර්තිව් පොලිස් වසමට අයත් නින්දවුර් මද්‍රසා පාසලේ සිසුන් 07 දෙනකු ගමන්ගත් ට්‍රැක්ටරයක් අද සවස කාර්තිව් - සම්මන්තුරේ මාර්ගයේ දී ජල පහරට හසුවි ගසාගෙන යා
කටුනායක ගුවන් තොටුපොළ වෙත ගොඩ බැස්සවීමට පැමිණි ගුවන් යානා 06 ක් කටුනායක ගුවන් තොටුපොළ අවට ප්‍රදේශයට මේ වනවිට පවතින අධික වැසි සහිත කාළගුණික තත්වය නිසා ,
නිරිත දිග බෙංගාල බොක්ක මුහුදු ප්‍රදේශය ආශ්‍රිතව පැවති පීඩන අවපාතය ඉදිරි පැය 12 තුළදී වයඹ දෙසට ගමන් කර ගැඹුරු පීඩන අවපාතයක් දක්වා වර්ධනය වෙමින් දිවයිනේ
සියලු ධීවර යාත්‍රා නැවත දැනුම් දෙන තුරු මුහුදු යාම තාවකාලිකව අත්හිටුවන බව ධීවර හා ජලජ සම්පත් දෙපාර්තමේන්තුවේ අධ්‍යක්ෂ ජනරාල් සුසන්ත කහවත්ත මහතා පැවස
ඇද හැලෙන ධාරානිපාත වර්ෂාවත් සමඟ ආපදා තත්වයක් ඇති වුවහොත් ජනතාවයින් මුදවා ගැනීම සඳහා හෙලිකොප්ටර් යානා 6 ක් සූදානමින් පවතින බව ගුවන් හමුදා මාධ්‍ය ප්‍රක
පොළොන්නරුව වැලිකන්ද මාදුරු ඔය ප්‍රදේශයේ කුඹුරු වගාව වන සතුන්ගෙන් බේරා ගැනීමට ගොස් ගංවතුරට දින දෙකක කාලයක් කොටු වී සිටි ගොවීන් හත් දෙනකුගේ ජීවිත බේරා
2024 නොවැම්බර් මස 05
552
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
751
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
සද්භාවයෙන් කරන ක්‍රියාවන් පාරා වලල්ලක් වන්නට ඉඩදෙන්නේ නැහැ
almeida Saturday, 23 November 2019 04:31 PM
මමත් මීට පස්සේ සද්භාවයෙන් ගසාකනවා. මරු තියරිය.
Mahee Saturday, 23 November 2019 04:51 PM
නීති පොතේ සද්භාවය විස්තර කරන්නේ 'නිසි සැලකිල්ල හෝ අවධානය නොමැතිව කරනු ලැබූ කිසිවක් සද්භාවයෙන් කරන ලද සේ නොසැලකේ' කියලයි. සිල් රෙදි බෙදපු අය නිසි සැලකිල්ල යොමුකලා නම් අවධානය යොමුකලා නම් දන්නේ නැද්ද ඒක නීති විරෝධී බව. ආයතන සංග්‍රහයේ තියෙනවා ඇමතිවරයා නියෝග කළත් ඒ නියෝගය නීතිවිරෝධී බව පෙරලා ඇමතිවරයාට පහදා දුන් බවට ඔප්පු කළ නොහැකි නම් ඒ රජයේ සේවකයා වරදක් කරන බව. නීතිය අර්ථ නිරුපනය කළ යුත්තේ අධිකරණය මිස දේශපාලකයන් නොවේ.
සිතුම් Saturday, 23 November 2019 05:11 PM
15 හොදටම ඇති. මලයට වැඩේ ලස්සනට කරගෙන යන්ඩ ඉඩදෙන්න.
siri Saturday, 23 November 2019 07:31 PM
ඔබතුමන්ලාගේ උත්සයට මගේ ප්‍රණාමය!
රජින්ද Saturday, 23 November 2019 08:18 PM
ගෝඨා හදන්නේ ප්‍රබුද්ධ පිරිසක් එක්ක ගමනක් යන්න.. කොහොම නමුත් අපි පිළිගන්නවා අයෙක් ප්‍රබුද්ධ වෙච්ච පළියටම ඔහුට දේශපාලනය කරන්න පුළුවන්ද කියන ගැටළුව, මම හිතන්නේ මේ රටේ දේශපාලකයින්ට වඩා බුද්ධිමත් කාර්යශූර නිළධාරීන් තමයි ඒ ඒ අමාත්‍යංශ වල විශාල කාර්‍යයක් කරන්න පත් කල යුත්තේ. මහින්ද සහ ගෝඨා කල යුත්තේ ඒ බුද්ධිමත් උගත් නිළධාරීන්ට තම කාර්යයන් ඉටු කිරීමට බාධා නොකරන ලෙස ඇමතිලාට දැන්වීම පමණයි. එහෙම වෙනවනම් කොයි ඇමතියෙක් දාගත්තත් අපට ප්‍රශ්නයක් නැහැ. ඒ නිසා මහින්ද මහත්මයාගේ පුර්ණ සහයෝගය 69 ලක්ෂයක ජනතාවෙන් අයෙක් විදිහට බලාපොරොත්තු වෙනවා, මම දන්නවා ඒ 69 ලක්ෂය විතරක් නෙවෙයි සමස්ථ රටවැසියාගේම බලාපොරොත්තුවත් ඒකමයි කියලා.
ranaSunday, 24 November 2019 07:20 AM
ඔබ හරි. නමුත් අගමැති මහින්ද ඉන්න තුරු ඕවට ඉඩ නැහැනේ ? ගෝඨට පුළුවන් උනොත් පිළිනි හොද්ද එළියට දාන්න .... අපි නැවතත් මඩේ මැදටම වටුනාදෝ සිතෙනවා.
Raveendra Sunday, 24 November 2019 12:44 AM
අප කව්රුත් සද්භාවයෙන්,තම හිතට එකගව අවංකව තව කෙනෙකුට හෝ මිනිසුන් වෙනුවෙන් සේවයක් කළේ නම් ඔහු හෝ ඇය එහි හොද ප්‍රතිඵල ලබා ගැනීම සක්කරයටවත් වැලැක්විය නොහැක. ස්වභාවධර්මය විසින් ඔහුව හෝ ඇයව ආරක්ෂා කරනු ඇත. ස්වභාවධර්මයගේ එම ආරක්ෂා කිරීමට කිසිදු පක්ෂ, පාට බේදයක් නොමැත. එමෙන්ම තම රටට ,මිනිසුන්ගේ සාමකාමී පැවැත්මට ස්වභාවධර්මයට වින කරපු සහ කරන කෙනෙක්ට හෝ යහතින් ජීවත්වීමට නොහැකි වූ බව අතීතය හොදින් කියාදී ඇත. එවන් වැඩිදෙනෙකු මහා මර්ගවලම වැලිගම් බලා ගිය ගමන අප රටේ ඕනෑවටත් වඩා උදාහරණ ඇත.එබැවින් අපට මොන බලය තිබුනත් ස්වභාවධර්මයගේ දඩුවම් වලින් බේරීමට නොහැකි බව මාර්ගවල මියගිය ලොක්කන් පිලිබදව සොයා බැලීමේදී අප සියල්ලෝටම හොදින් අවබෝධ වෙනු ඇත.
රසික Sunday, 24 November 2019 01:06 AM
සිල් රෙදි බෙදීම නෙවේනෙ වරද උනේ. ඡන්දෙ තියෙන අතරෙ අපෙක්ශකයෙක් ප්‍රචාරය කරපු එකනේ වරද.
GuneSunday, 24 November 2019 07:15 AM
නැහැ සිල් රෙදි බෙදීමයි වරද. ලලිත් සහ අනුෂ හිර දඬුවම් ලැබුවේ රජයේ පොදු දේපළක් අයුතු ලෙස පරිහරණය කළාටයි. මහජන මුදල් පෞද්ගලික ලාභ ප්‍රයෝජනයක් සඳහා යොදා ගැනීමයි ජනාධිපති කළ වරද. TRC එකේ නිශ්චිත කාර්යයන් සඳහා පාර්ලිමේන්තුවේ වාද විවාද කරල අය වැයෙන් වෙන්කළ මුදල් වෙනත් කටයුත්තකට හිතුමතේ වියදම් කරන්න ජනාධිපතිට පුළුවන් නම් මොකටද පාර්ලිමේන්තුව? හැට කෝටියක් වටිනා සිල්රෙදි උපාසක අම්මලාට බෙදන්න කියල ඉල්ලපු හාමුරුරුවන් කවුද කියලා එළිකලා නම් තමයි හොඳ. අපේ ලොකු බලාපොරොත්තුවක් තිබුනා නව ජනාධිපති වැඩකරනකොට වටේ ඉන්න අය පරණ වැරදි ක්‍රියාවලින් පාඩම් ඉගෙනගෙන හරි පාරට වැටෙයි කියල. ඔය වැටෙන්නේ.
Warnakulasuriya Sunday, 24 November 2019 02:11 AM
සද්භාවයෙන් කරන ඒවා මැතිවරණයකදි තමුන්ට වාසි සහගත නොවිය යුතුයි. කිසිවෙකුට තමන්ගේ පුද්ගලික ධනයෙන් පිං දහම් කර ගැනීමට නීතියෙන් අවසර ඇත. ණයට කන රටක රාජ්‍ය නිලධාරින් කළ යුත්තේ සද්භාවයෙන් පොදු දේපොළ අරක්ෂා කිරීම බව පාලකයන් ඔවුන්ව දැනුවත් කළයුතුව ඇත.
anthony ranjan Sunday, 24 November 2019 04:51 AM
නියම කතාව.
vidya Sunday, 24 November 2019 03:12 AM
අගමැතිතුමනි, පිටරට වලට සංඝයා වහසේලා ගොඩක් ගිහින් ඉන්නවා. ඒ ගොල්ලන්ට ආරාධනා කරන්න ලංකාවට ඇවිත් අවුරුද්දකට මාස තුනක් වත් භික්ෂුන් වහන්සේලා නැති පන්සල් වලට ඇවිත් සේවය කරන්න කියලා.
Gemunu Sunday, 24 November 2019 03:19 AM
සද්භාවයෙන් කරන සෑම කටයුත්තක්ම නීත්‍යානුකූල විය යුතුයි. සිල් රෙදි බෙදීම හොඳ දෙයක් උනත් ඒ සඳහා TRC එකේ මුදල් කිසිම අනුමැතියකන් තොරව භාවිතා කරපු එක වැරදියි. රජයේ මුදල් ඔබතුමාලගේ හිතුමතේට වියදම් කිරීම වැරදි බව දැන්වත් තේරුම් ගන්න.
Rohana Sunday, 24 November 2019 04:09 AM
ඇමතිකම් නොලැබෙන හෝ බලතල නැති ඇමතිකම් ලැබෙන අය අනිවාර්යෙන්ම හිත අමනාප කරගෙන ඉන්නවෙනවා. මෙයාල මන්ත්‍රීවරු උනාට සාමාන්‍ය මනුෂ්‍ය ස්වභාවය ඒක තමා. කවුරුත් කැමතියිනේ තනතුරුවලට.
Lankaputha Sunday, 24 November 2019 04:17 AM
ඔන්න පටන් ගත්තා.
Ruwan Sunday, 24 November 2019 04:27 AM
සත්භාවයේ අංග ලක්ෂණ වනුයේ TRC මුදල් බුද්ධශාසන අමාත්‍යංශයට ලබා ගැනීමයි.
උදය Sunday, 24 November 2019 04:35 AM
මහත්තයෝ, අපිත් බොහොම අමාරුවෙන් තමයි ජීවිතය ගෙනයන්නේ. මේ රට හදන්න ඇමතිකම් 15 ක් වැඩියෙනුත් ඇති. අනේ කරුණාකරලා මන්ත්‍රීලා විදියට රටට සේවය කරන්න පුළුවන් කියලා පෙන්නලා දෙන්න. ජනාධිපතිකම හදා ගත්ත වගේ පාර්ලිමේන්තුවත් හදා ගන්න. ජනතාව උදවු කරාවී. එකපාරක් පාඩමක් ඉගන ගත්ත නේද? ජනතාව රවටන්න එපා මේ පාරනම්.
පිටිගල මිලානෝ Sunday, 24 November 2019 05:21 AM
පුදපු ගමන් කාපි යකා කිව්වලු. මෙයා තාමත් පරණ සුත්තරෙමයි ගහන්නේ. තාම හැදිලා නැහැ. ජනාධිපතිතුමනි, ඊළඟ මැතිවරණෙට මේ ඔක්කොම එළවලා වියතුන්ට නාම යෝජනා දෙන්න. නැත්නම් වියත් මඟ විපත් මඟක් වී එළිය බඩඑළියක් වෙනවා නොඅනුමානයි.
Akanaj Sunday, 24 November 2019 06:08 AM
සද්භාවයෙන් කරන දේවල් ඡන්දයක් ලග තියාගෙන කරන එකයි ප්‍රශ්නේ. එදා ඔබතුමාලත්, මෙදා සජිතුත් කරේ එකම දේයි. සද්භාවයෙන් ජනතාවට දෙන්න ඕනෙනම් හැම වෙසක් පෝයට පොසොන් පෝයට , නත්තලට නීත්‍යනුකුලව දෙන්න. ඡන්දයක් ලග එනකොට සද්භාවය එන එක තමයි ප්‍රශ්නේ.
Maalaka Sunday, 24 November 2019 06:09 AM
ලැජ්ජාවක් කියලා දෙයක් ගෑවිලාවත් නැද්ද?
kapSunday, 24 November 2019 06:50 AM
ලැජ්ජාවක් තියෙනවනම් මේ රටේ දේශපාලනය කරනවද ? ඒක කැපිලා ගොඩක් කල්. ලැජ්ජාව තිබ්බනම් ජනපති ඉඳලා මන්ත්‍රී පට්ටමට පනිනවද ? ලඟදි පෙන්ෂන් ගිය කෙනාටත් ලැජ්ජාව නැහැ. එයත් දැන් ආයිමත් ඇතුළට රිංගන්න යන්නේ මන්ත්‍රී පට්ටමෙන්.
සෙනෙවිරත්න Sunday, 24 November 2019 07:05 AM
වැඩේ කියන්නෙ වීරතුංග මහත්මයගේ වෙලාවට බුද්ධ ජයන්තිය ඡන්දෙ දවස්වලටම යෙදුනනේ.
de silva Sunday, 24 November 2019 07:11 AM
විධායක බලතල තිබෙන්නේ සිල් රෙදි බෙදන්න නොවේ. රට ණය බරින් මිරිකිලා, ගත්ත ණය සහ පොළිය ගෙවා ගන්න අලුතෙන් ණය ගන්න වෙලා තිබෙන අවසථාවක මහජන මුදලින් සිල් රෙදි බෙදීම කොහොමද හොඳ දෙයක් වෙන්නේ ?
සෙනෙවිරත්න Sunday, 24 November 2019 07:12 AM
මෙවැනි කතා පන්සල් වල කියමින් යාම මෙතුමාගේ පරණ සිරිතයි. ඕනෑම අකටයුත්තක් වෙනුවෙන් සංඝ සමාජයේ අනුමැතිය මෙතුමාට එමගින් ලැබේ. මෙතුමන්ලා කුමක් කියා ඡන්දය ගත්තද යන්නේ පරණ පීල්ලේම බව සිහි බුද්ධියක් ඇති සියල්ලටම වැටහෙනු ඇත. ගෝඨාභය මහතා කුමන ප්‍රතිසංස්කරණ කිරීමට අදහස් කළද මෙතුමා යන මග නැවැත්වීමට නොහැකිවනු ඇත. මන්ද මහින්ද නොමැති ගෝඨාභය කෙනෙක්ද බිහිනොවෙන නිසාය. 69 ලක්ෂයට වනුයේ නැවතත් බැණ බැණ සිටීමටය. සමහරවිට එම නිදහසත් ඇහිරෙනු ඇත.
Chandana Sunday, 24 November 2019 07:49 AM
ගිය පාරත් ඔය වගේ කතා කියන්න ගිහින් තමා 2015 ජනතාවට සැලකුවේ. මේ පාරත් අපිව ගොනාට ඇන්දුවොත් 2021 දී අපි බලාගන්නම්.
indra Sunday, 24 November 2019 07:59 AM
සිංහල ආණ්ඩුවට මේ වචනය ඉතාම කාලෝචිතයි. අගමැතිතුමනි, පෙර මෙන් දුන්න දේ කාලා ජනතාව ගෙදරට වෙලා ඉන්නේ නැහැ . රටේ බහුතරයක් අවදියෙන්. දැකත් නොදැක්ක වගේ නොඉද දුෂණයට වංචාවට ඉඩ නොතබන්න.
සෙනෙවිරත්න Sunday, 24 November 2019 12:49 PM
ඉන්නවා මහත්මයා එහෙම තමයි ඉන්න වෙන්නේ.. එම හඬ ඒකරාශි කරන්නේ කවුද? වීරවංශ වැන්නවුන් අමරිකන් අධිරාජ්‍යවාදී කුමන්ත්‍රණත්, සංඝ සමාජයත් මෙතුමන්ට පක්ෂ මාධ්‍ය චැනල් තිබෙනතුරු කිසිවක් සිදු නොවනු ඇත. ජනතාව විකල්පය නොරිස්සන තුරු කිසිවක් නොවේ.
Rata Perata Sunday, 24 November 2019 08:19 AM
කොච්චර පහත් දැනුමක්ද තියෙන්නේ කියලා මේ කතා වලින් පේනවා. ගෝඨාභයත් නැති කරලා තමයි මෙයා නවතින්නේ.
Sonali Sunday, 24 November 2019 09:35 AM
ගෝඨාභයගේ ඡන්ද කඩන මැෂිමක් මෙයා. අපි ඡන්දෙ දුන්නේ ගෝඨාභයට මිසක් මෙයාට නෙවෙයි. මතකනේ ජනේලේ?
කපුරු හාමි Sunday, 24 November 2019 08:11 PM
මෙයා සත්බාවයෙන් කරපු දේවල් අපි නොදන්නවා නෙවෙයි.
adiri Monday, 25 November 2019 12:52 AM
ඇමති නැලවීම නෙමේ. ඡන්දෙ දීපු ජනතාවගේ ප්‍රශ්න ගැන කතා කරන්න ..! කලිනුත් ඔබට වැරදුන බව අමතක කරන්න එපා ..!
කපුරුහාමි Monday, 25 November 2019 05:08 AM
සද්බාවය ගෙන හරියටම විග්‍රහ කරයි නීතිය ගෙන හොඳටම ඉගෙනගත්තු කෙනෙක්... කටට වචන ආපු පලියට ඕවා කිව්වා කියලා වැඩක් නැහැ.
sharm warn Monday, 25 November 2019 05:39 AM
ඔහොම කියකියා එකඑක නඩු ෆයිල් එක වහමු.. එතකොට සද්භාවයෙන් කරපු හොරකම් නිසා අවුලක් නැහැ කියලා අර ඡන්දෙ දුන්නු ගොන්හරක් ටිකත් තප්පුලන්න ගනීවි.. අනේ අර මලයෙකුට වෙච්ච දෙයක්.. මේ අයියන්ඩි එක්ක යනකොට මෙහෙම වෙයි කියලා අපි නම් දැනගෙන හිටියා.. අපිට පක්ෂ වැඩක් නැහැ.. රට ගොඩ ගන්න එකයි අවශ්‍ය.. දැන්ම මෙහෙම කියනවා නම් තව ඉස්සරහට අපිට ලැම්බෝගිනි රේස් එහෙමත් බලන්න ලැබෙයි මගේ හිතේ..
Asoka Monday, 25 November 2019 03:03 PM
මේ නොකියා කියන්නේ පාර්ලිමේන්තු මැතිවරණයෙන් පසුව ඇමතිකම් වැඩිකරනවා කියන එක නොවේද? හිත් අමනාපකම් නැතිකරන්නත් එක්ක ඉතින් දෙන්න වෙනවානේ. මෙච්චර ලොකු කැනඩාවේ ඉන්නෙත් ඇමතිවරුන් 25යි. ගෝඨාභය මැතිතුමාට වැඩේ කරගෙන යන්න දීලා පැත්තකට වුනා නම් හොඳයි නේද?