හේනේගම මධ්‍ය විද්‍යාලයත් හංවැල්ල රාජසිංහ මධ්‍ය විද්‍යාලයත් අතර පළමු සියනෑ-හේවාගම් සටන සීමිත පන්දු වාර කි‍්‍රකට් තරගය අද (16) කිරිඳිවැල උපාලි ගුණරත්න කී‍්‍රඩාංගණයේ දී පැවැත්වේ. හේනේගම මධ්‍ය විද්‍යාලයේ විදුහල්පති විජය සත්‍යජිත් කුලරත්න මහතාගේ උත්සාහය මත මෙම කි‍්‍රකට් තරගය සංවිධානය කර තිබේ. හේනේගම මධ්‍ය විද්‍යාල කණ්ඩායමේ නායකයා වන්නේ ළහිරු තාරකයි. ඔහු බස්නාහිර පළාත් කි‍්‍රකට් කණ්ඩායම නියෝජනය කළ වමතින් පා දඟ පන්දු යවන දක්ෂ කී‍්‍රඩකයෙකි. තුන් ඉරියව්වේම දක්ෂ කී‍්‍රඩකයකු වන යසිත නිසල් පේ‍්‍රමරත්න උපනායකයා ලෙස කටයුතු කරයි. ඔහු කණ්ඩායමේ ආරම්භක පන්දු යවන්නා ද වෙයි. 1956 වසරේ දී එවකට හේනේගම මධ්‍ය විද්‍යාලයේ විදුහල්පති වූ ස්ටැන්ලි ජෑන්ස් මහතාගේ මගපෙන්වීම මත කි‍්‍රකට් කී‍්‍රඩාව එම විදුහලේ ආරම්භ කිරීමෙන් පසු 1960 වසරේ සිට ගම්පහ බණ්ඩාරනායක විදුහල සමග වසර 17ක් මහ කි‍්‍රකට් තරග පවත්වා තිබේ. එහෙත් 1981 දී එම මහ කි‍්‍රකට් තරගය අත්හිටුවීමෙන් අනතුරුව වසර 30 කට පසුව සියනෑ - හේවාගම් කි‍්‍රකට් තරගය යළි මේ වසරේ පටන් පැවැත්වේ. හංවැල්ල රාජසිංහ මධ්‍ය විද්‍යාලය 1984 සිට පාදුක්ක සිරි පියරතන මහ විදුහල සමග මහ කි‍්‍රකට් තරගයක් වසර කීපයක් පවත්වා තිබේ.