ශ්‍රී ලාංකිකයකු ඉතාලියට ගෙන්වා ගැනීමට යුරෝ දෙදහසක් (රුපියල් 338000ක්) අය කැර ඉතාලියේ සිටින නෑයකුට බොරු ලියැවිල්ලක් දුන් ශ්‍රී ලාංකිකයකු වැරදකරු වූ බව ඉතාලියේ වැනීසියේ මෙස්ත්‍රෝ පොලීසිය කියයි. ලංකාවට යැවූ ලියැවිල්ල තම ඥාතියා කොළඹ ඉතාලි තානාපති කාර්යාලයට ඉදිරිපත් කළ පසු වීසා ප්‍රතික්ෂේප විය. ලියැවිල්ල ව්‍යාජ බව පැවැසිණි. බොරු ලියැවිලි හැදූ පුද්ගලයාත් ඊට අනුබල දුන් නෑයාත් අහම්බෙන් හමුවිය. රැවටිල්ලට ලක්වූ පුද්ගලයා පොලීසියට කතා කළේය. පසුව වංචාව සිදු කළ පුද්ගලයා අසත්‍ය ලියවිලි සකස් කිරීම සහ නීත්‍යානුකූල නොවන ආකාරයට ඉතාලියට විදේශිකයන් ගෙන්වීම යන කරුණුවලට වැරදිකරු විය. මෙස්ත්‍රේ පොලීසිය පවසන්නේ මේ ආකාරයට මේ ප්‍රදේශයට ලංකාවෙන් පැමිණි සියලුම දෙනා පරීක්ෂා කරන බවයි.