හරියට කරන්න බැරිනම් දාල යන්න

(සුජිත් හේවාජුලිගේ )

ආණ්ඩුව කරන්නේ නම් එය හරියට කළ යුතු බවත් ජනතාවාදීව කටයුතු කළ නොහැකිනම් ආණ්ඩුව අතහැර යා යුතු බවත් ශ්‍රී ලංකා පොදුජන පෙරමුණේ කොළඹ දිස්ත්‍රික් පාර්ලිමේන්තු මන්ත්‍රී ජගත් කුමාර සුමිත්‍රාආරචිචි මහතා ජනාධිපති ගෝඨාභය රාජපක්ෂ මහතාට ලිපියක් යොමු කරමින් අද (3) දැනුම් දුන්නේය.

එසේම මන්ත්‍රීවරයා විසින් එම ලිපියෙන් ජනාධිපතිවරයාට යෝජනා පහක්ද ඉදිරිපත් කරනු ලැබ ඇත.

ඔහු ඉදිරිපත් කරන එම යෝජනා පහ වන්නේ ඖෂධ හිඟය වැළැක්වීම සඳහා සුවිශේෂ ප්‍රමුඛත්වයක් ලබාදී ඖෂධ කඩිනමින් ගෙන්වීමට අවශ්‍ය පියවර ගැනීම, ඉන්දීය ණය ආධාර යටතේ ඖෂධ ඇතුළු අත්‍යවශ්‍ය ආහාර ද්‍රව්‍ය පමණක් ගෙන්වීම, අත්‍යවශ්‍ය භාණ්ඩ මිල ඉහළ යෑම පාලනය කිරීමට කටයුතු කිරීම සහ අඩු ආදායම්ලාභී පවුල් සඳහා ආධාර මුදලක් කඩිනමින් ලබා දීම, කඩිනම් වගා සංග්‍රාමයක් ආරම්භ කිරීමයි.

ජනතාවගේ ආර්ථික ගැටලුවට විසඳුම් ලබාදීමට කඩිනමින් කටයුතු කළ යුතු බවත් රටේ පවතින තත්වය පිළිබඳව ජනතාව ඇතුළු සියළු බලවේගවලට නිවැරදි තොරතුරු සන්නිවේදනය කළ යුතු බවත් මන්ත්‍රීවරයා එම ලිපියෙන් දැනුම්දී ඇත.

මේ මොහොතේදීවත් නිසි කලට නිවැරදි තීන්දු ගනිමින් හා ජනතාවගේ ප්‍රශ්න වලට වහා විසඳුම් ලබාදීමට අවශ්‍ය පියවර ගන්නැයිද ඔහු ඉල්ලීමක් කළේ‍ය.

එසේම ආණ්ඩුවක් ලෙස කණ්ඩායමක් ලෙස සියලුම දෙනා එක්ව තබා ගැනීමට වැඩපිළිවෙළක් සකස් කළ යුතු බවද ඔහු ජනාධිපතිවරයාට යෝජනා කර ඇත.

අදහස් (10)

හරියට කරන්න බැරිනම් දාල යන්න

රටවැසියා Tuesday, 03 May 2022 07:01 PM

බැරිද ජගත් මහත්තයෝ අල්ලපු රටට අත දික්කරලා ණයක් ඉල්ලනවා වෙනුවට මැතිඇමැති දීමනා අවුරුද්දකට කප්පාදු කරලා ඒ මුදල ඖෂධ හිඟය වැළැක්වීමට යොදවන්න කියලා...? ඒ වගේම පාර්ලිමේන්තු සැසිවාරය මාසයකට එක්වරක් පමණක් තියන්න කියලා දිනකට යන වියදම වන රුපියල් කෝටිය ගානේ ඉතුරු කරලා ඒ මුදලත් ඖෂධ ගෙන්වන්න යොදවන්න කියලා ඔබ ඉදිරිපත් කරපු එම යෝජනාවලට එකතු කරන්න...!

: 0 3

MO77 Tuesday, 03 May 2022 07:46 PM

මෙයාට ඇමැතිකමක් හම්බවුණා නම් මොකුත් නෑ. ජනතාවාදය කියලා ඔක්කොම නිකන් දීලා රටක් කරන්න බෑ. සහන දිය යුත්තේ අවශ්‍යම පුද්ගලයින්ට පමණයි. ලෝකයේ මොන රටකවත් මේ වගේ නිකන් දෙන දෙයක් නෑ. මේවා නිකං කිව්වත් මහන්සි වෙලා වැඩ කරන ජනතාව තමයි මේවාට ගෙවන්නේ. දේශපාලනඥයන්ගේ සහ ඉහළ රාජ්‍ය නිලධාරීන්ගේ හොරකම සම්පූර්ණයෙන් වැළැක්විය යුතුයි.

: 0 1

Lalla Tuesday, 03 May 2022 08:58 PM

වගා සංග්‍රාමය අසූචි සහ මුත්‍ර දමලා වල්පැල තමයි වවන්න වෙන්නේ... බීජ වර්ග නෑ. පොහොර නෑ. කෘෂි රසායන ද්‍රව්‍ය නෑ.

: 0 4

Perera Wednesday, 04 May 2022 12:14 AM

ඔයත් ඔය ආණ්ඩුවේ කෙනෙක්... අපිට වේලක් ඇර වේලක් කන්න කිව්වේ. ඔයාටත් හරියට කරගන්න බැහැ. යන්න ගෙදර..

: 0 1

Nimal Wednesday, 04 May 2022 06:53 AM

මාර පොරක් කියන්නේ... ඔයගොල්ලෝ ඔක්කොම එපා කියලා කියන්නේ අපි..

: 0 8

suboda Wednesday, 04 May 2022 07:27 AM

ඩබල් ගේම් තමයි. එක එක වෙලාවට කතා වෙනස් කරනවා. මට හිතෙන්නේ ලොකු තනතුරකට හෝ ජනප්‍රිය වෙන්න දඟලනවා..

: 0 9

Bimba Wednesday, 04 May 2022 12:25 PM

මේ මොහොතේදීවත් නිසිකලට නිවැරැදි තීන්දු ගනිමින් හා ජනතාවගේ ප්‍රශ්න වලට වහා විසඳුම් ලබාදීමට අවශ්‍ය පියවර ගන්නැයිද ඔහු ඉල්ලීමක් කළේ‍ය. මෙන්න මේක හරියට නොකරපු එක තමයි මේ රජය මේ තත්වයට වැටෙන්න හේතුව. "අපි තමයි හොඳටම කෙරුවේ" කීවා. ඔය කෙරුවේ. උගතුන්ට ඇහුන්කන් දෙන්න තරම් නිහතමානී වුණේ නැහැ. මම තමයි වැඩකාරයා, මොලකාරයා කියලා හිතෙන හිතෙන දේවල් කෙරුවා. මෝඩයින් ටිකක් වැදගත් තනතුරු වලට දාගෙන රට කෑවා. අහෝ අපිට වෙච්චි දෙයක්... අපි කවදා ගොඩයමුද?

: 0 9

Hafeel Wednesday, 04 May 2022 12:44 PM

එහෙම යන්නේ නම් නැහැ. කොහොම හරි උත්සාහ කරලා යවන්න....

: 0 6

naleen Wednesday, 04 May 2022 01:40 PM

පුදුම රට, ජාතිය ගැන හැඟීමක්නේ දැන් මේ මිනිස්සුන්ට තියෙන්නේ... ඔක්කෝම අය හොරා කාලා කාලා දැන් 225ම දැන් බෝධිසත්වයින් ව‍ගේ කතාව...

: 1 4

de silva Wednesday, 04 May 2022 02:19 PM

ගෝඨාභය පමණක් නොව ඔක්කොම එළවන්න ඕනේ..

: 0 8

ඔබේ අදහස් එවන්න

එසැණ පුවත්

අර්චුනා ගැන පරීක්ෂණයක්

2024 නොවැම්බර් මස 25 74 0

යාපනය දිස්ත්‍රික් පාර්ලිමේන්තු මන්ත්‍රී අර්චුනා රාමනාදන් මහතාගේ ක්‍රියා කලාපය සම්බන්ධයෙන් පරීක්ෂණයක් පවත්වන බව කතානායක අශෝක රන්වල මහතා පැවැසීය.

සහල් ගැන හිටපු කෘෂි අධ්‍යක්ෂ කතා කරයි

2024 නොවැම්බර් මස 25 21 0

රටින් සහල් ගෙන්වීම අවශ්‍ය නෑ. 2023/2024 මහ කන්නය සහ යල කන්න දෙක තුල මෙරට වී මෙට්රික් ටොන් 4. 24 ක් නිෂ්පාදනය කළා . වාර්ෂික සහල් අවශ්‍යතාවය සහල් මෙට්රික් ටොන් මිලි

’’නීති හරිහැටි ක්‍රියාත්මක කරන නිලධාරීන් වෙනුවෙන් පෙනී ඉන්නවා’’

2024 නොවැම්බර් මස 25 438 0

ආපදා කළමනාකරණයේදී ආයතන ව්‍යුහ ශක්තිමත් කිරීම පමණක් ප්‍රමාණවත් නොවන අතර බිම් මට්ටමට විසඳුම් ගෙන යාමේ යාන්ත්‍රණ ඇති කළ කළ යුතු බව ජනාධිපති අනුර කුමාර

’’හිටපු ඇමතිගේ නීති විරෝධි වැඩ නිසා නීත්‍යානුකූල E-9 රැකියා අනතුරේ’’

2024 නොවැම්බර් මස 25 641 0

පසුගිය රජයේ අමාත්‍යවරයකු නීති විරෝධී අයුරින් අත්සන් කරන ලද E-8 වීසා ගිවිසුම නිසා වසර 20ට අධික කාලයක් පුරා විශාල ශ්‍රි ලාංකික තරුණ පිරිසකට හිමිවූ E-9 වීසා කා

සමනල වැව ජලාශයේ ජල මට්ටම ඉහළට

2024 නොවැම්බර් මස 25 174 0

සමනල වැව ඉහළ ජල පෝෂක ප්‍රදේශවලට පවතින වර්ෂාවත් සමඟ සමනල වැව ජලාශයේ ජල මටිටම මෙිි දිනවල ඉහළ ගොස් තිබේ.

අමාත්‍යාංශ දෙකකට නව ලේකම්වරු

2024 නොවැම්බර් මස 25 477 0

ජනාධිපති අනුර කුමාර දිසානායක මහතා විසින් නව අමාත්‍යාංශ ලේකම්වරුන් දෙදෙනෙක් පත් කරනු ලැබ තිබේ.