(නිමල් ජයරත්න)
දේශපාලනඥයන් ඡන්ද අපේක්ෂාවෙන් ඔවුන්ගේ ආධාරකරුවන්ට වගා කිරීමට ලබාදී අලි ගමන් කරන මාර්ගයේ, තිබෙන කුඹුරු මෙන්ම වගාවන් වහාම ඉවත් කර මාදුරුඔය ජාතික වනෝද්‍යයන් සිට වස්ගමුව ජාතික වනෝද්‍යානය දක්වා දිවෙන අලි කොරිඩෝව ඉතා කඩිනමින් ඉදිකර, මාදුරුඔය, වස්ගමුව, සෝමාවතිය, ජලගැලීම් නිම්න ජාතික වනෝද්‍යානයේ අතර අලින්ට ගමන් කීමට අවස්ථාව සලසා දෙන ලෙස ජාතික ජන බලවේගයේ පොළොන්නරු දිස්ත්‍රික් පාර්ලිමේන්තු මන්ත්‍රි, නිවාස සංවර්ධන නියෝජ්‍ය අමාත්‍ය ටී.බී සරත් මහතා බලධාරීන්ට උපදෙස් දුන්නේය.
මෙම කන්නයේ වගාකර ඇති කුඹුරුවල වී අස්වනු නෙලීමෙන් අනතුරුව දිඹුලාගල හුංගමාල ඔය හරහා තිබූ අලි ගමන් කරන මාර්ගය ශක්තිමත් කරමින් වන අලින්ට නිදහසේ ගමන් කිරීමට එය අවස්ථාව සලසා දෙන ලෙසත් පසුගිය රජයන් විසින් දේශපාලන උවමනාව මත ලබා දී ඇති ඉඩම් මාස තුනක් ඇතුළත අවලංගු කර වන අලින්ගේ ආරක්‍ෂාවට එම වැට ශක්තිමත්ව ඉදිකිරීමට අවශ්‍ය කටයුතු කරන ලෙසත්, ඒ සඳහා අවශ්‍ය සියලු සහාය තම රජය විසින් ලබාදීමට කටයුතු කරන ලෙසද බවද සරත් මහතා මෙහිදී කීවේය.
යුද හමුදාව, පොලිසිය ශ්‍රී ලංකා මහවැලි අධිකාරිය, වනජීවී දෙපාර්තමේන්තුව, මෙන්ම ගොවි සංවිධාන නියෝජිතයින් රැසක් මෙම රැස්වීමට සහභාගි වී සිටියහ.
