(අංජුල මහික වීරරත්න සහ සුජිත් හේවාජුලිගේ)
විපක්ෂයේ මන්ත්‍රීවරුන් පාර්ලිමේන්තුවේ දිවා විවේකය එපා කියා දවල් කෑමට වෙලාවට නැගිට ගොස් ඇතැයි කම්කරු නියෝජ්‍ය අමාත්‍ය මහින්ද ජයසිංහ මහතා පාර්ලිමේන්තුවේදී පැවසීය.
දිවා විවේකයෙන් තොරව අද පාර්ලිමේන්තු විවාදය පවත්වාගෙන යාමට විපක්ෂ නායක සජිත් ප්‍රේමදාස මහතා ඉල්ලා සිටි අතර අග්‍රාමාත්‍ය හරිනි අමරසූරිය මෙනවියගේ එකඟතාවය අනුව විවාදය දිගටම සිදු කෙරිණි.
ඒ අතර නැගී සිටි මහින්ද ජයසිංහ මහතා පෙන්වා දුන්නේ විපක්ෂයේ මන්ත්‍රීවරුන් සියලු දෙනා කෑමට ගොස් තිබෙන බවයි.
සභානායක අමාත්‍ය බිමල් රත්නායක මහතා පැවසූයේ මන්ත්‍රීවරුන්ට වරින් වර ඕනෑම වෙලාවක ගොස් දිවා ආහාරය ලබා ගැනීමට හැකියාව තිබුණත් සභාවේ නිලධාරීන්ට එම හැකියාව නැති බවයි.
