(ප්‍රසන්න පත්මසිරි)
සිසුන් සිව් දෙනෙකු දියේ ගිලී මියයෑමේ සිද්ධිය සම්බන්ධයෙන් මූලික පරීක්ෂණයක් පවත්වා දින 14 ක් ඇතුළත වාර්තාවක් ලබාදෙන ලෙස ඌව පළාත් ආණ්ඩුකාර අධිනීතිඥ රාජා කොල්ලුරේ මහතා පළාත් අධ්‍යාපන අමාත්‍යාංශයේ ලේකම්වරියට නියෝග කර තිබේ.
මෙම සිද්ධිය පිළිබඳ සොයා බැලීම සඳහා පස්සර කලාප අධ්‍යාපන අධ්‍යක්ෂක ජේ.එම් සේනාධීර මහතාගේ සභාපතීත්වයෙන් යුතු ත්‍රිපුද්ගල කම්ටුවක් පත් කිරීමට ඌව පළාත් අධ්‍යාපන අමාත්‍යාංශයේ ලේකම් සන්ධ්‍යා අඹන්වල මහත්මිය කටයුතු කර තිබේ.
ත්‍රිපුද්ගල කම්ටුවේ සෙසු සාමාජිකයන් ලෙස පළාත් අධ්‍යාපන අමාත්‍යාංශයේ නිලධාරියෙකු සහ අධ්‍යාපන දෙපාර්තමේන්තුවේ නිලධාරියෙකු පත්කර ඇත.
බදුල්ල හාලිඇල විද්‍යා විද්‍යාලයේ 10 වන ශ්‍රේණියේ ඉගෙනුම ලබන සිසු සිසුවියන් 86 දෙනෙකු ත්‍රිකුණාමලය ප්‍රදේශයේ දින දෙකක සංචාරයක නිරතව සිටියදී මෙම අනතුර සිදුව තිබේ.
