(ආරියරත්න රණබාහු)
දැනට පවතින ව්‍යවස්ථාව තුළ ඇති ප්‍රජාතන්ත්‍රවාදයට විරුද්ධ කරුණු ඉවත් කර ප්‍රජාතන්ත්‍රවාදය ආරක්ෂා කරන විනිවිදභාවයෙන් යුත් එකමුතුකමට මුල් තැන දෙන ආණ්ඩුක්‍රම ව්‍යවස්ථාවක් හැකි ඉක්මනින් සකස් කළ යුතුව ඇතැයි කොළඹ අග රද ගුරු මැල්කම් කාදිනල් රංජිත් හිමියෝ පැවසූහ.
ඒ සඳහා වසර පහක පමණ කාලයක් බලා සිටිය නොහැකි බව කී උන්වහන්සේ එය අත්‍යවශ්‍ය කරුණක් ලෙස සළකා ඉතා කඩිනමින් කළ යුතු කාර්යයක් යයිද කීහ
කථානායක වෛද්‍ය ජගත් වික්‍රමරත්න මහතා සහ කොළඹ අගරද හිමියන් අතර හමුවකින් පසු උන් වහන්සේ මාධ්‍යට අදහස් දක්වමින් ඒ බව පැවසූහ.
මෙම කරුණු ජනාධිපතිවරයාට දන්වන ලෙසද කදිනල් හිමියෝ කතානායකවරයාගෙන් ඉල්ලා සිටියහ.
