(ගයාන් සූරියආරච්චි)
මින් ඉදිරියට බස් රථවල පාපුවරුවේ ගමන් කරන කොන්දොස්තරවරුන්ට එරෙහිව නීතිය තදින් ක්‍රියාත්මක කරන බව රථවාහන පාලන හා මාර්ග ආරක්ෂාව දිසාව බාර නියෝජ්‍ය පොලිස්පති ඉන්දික හපුගොඩ මහතා පවසයි.
බස් රථ ධාවනය කිරීමේදී කොන්දොස්තරවරයාට පාපුවරුවේ ගමන් කිරීමේ හැකියාවක් නොමැති අතර මාර්ග නීති රීතිවලට අනුව ඊට අදාල ක්‍රියාමාර්ග ගැනීම සදහා රථවාහන පොලිස් නිලධාරීන්ට උපදෙස් ලබාදී ඇත.
බස් රථ ධාවනය කිරීමේදී පවතින තරගකාරීවයත් සමග කොන්දොස්තරවරුන් පාපුවරුවේ එල්ලීයාමේදී දැඩි අවධානමක් පවතින බවත් මින් ඉදිරියට එවැනි කොන්දොස්තරවරුන්ට නීති ක්‍රියාත්මක කරන බවත් හපුගොඩ මහතා කීය.
