අද අලුයම ලග්ගල පොලිසියේ ආමරියෙන් ටී පනස් හය අවියක් සහ රිවෝලර් පහක් රැගෙන පළා ගිය බව කියන පුද්ගලයා සොයා පරීක්ෂණ ආරම්භ කර තිබේ.
වහා පරීක්ෂණයක් අරඹා සැකකරුවන් අත්අඩංගුවට ගන්න ලෙස වැඩබලන පොලිස්පති එස් එම් වික්‍රමසිංහ මහතා අද අලුයම මධ්‍යම පළාත භාර ජ්‍යෙෂ්ඨ නියෝජ්‍ය පොලිස්පතිට නියෝග කළේය.
ඒ අනුව පොලිස් ප්‍රධානූහු රැසක් මේ වන විට ලග්ගල පොලිසියට ගොස් සිටිති.
රාත්‍රී සේවයේ සිටි බව කියන පොලිසියේ හතර දෙනෙක් වෛද්‍ය පරීක්ෂණයකට යොමු කිරීම සඳහා රෝහලට රැගෙන යනු ලැබූහ.
රාත්‍රී උප සේවයේ සිහි පොලිස් නිලධාරියාට නින්ද යන්නට ඇති බවත්, ඒ අතර ඔහු ළඟ තිබූ යතුරෙන්ම ආමරිය විවෘත කරන්නට ඇති බවටත් පොලිසිය සැක කරයි.
සිද්ධිය වන අවස්ථාවේ පොලිසියේ හතර දෙනකු රාත්‍රී සේවයේ යෙදී සිට ඇත.
