(අංජුල මහික වීරරත්න සහ සුජිත් හේවාජුලිගේ)
මාසයක් එකහමාරක් ඉවසා සිටියොත් දූෂණ,වංචා,අල්ලස්, මූල්‍ය අවභාවිතා පිළිබඳ විමර්ශන සම්බන්ධයෙන් බලාපොරොත්තු වන ප්‍රතිඵලය රටට ලබා දිය හැකි බව මහජන ආරක්ෂක සහ පාර්ලිමේන්තු කටයුතු අමාත්‍ය ආනන්ද විජයපාල මහතා පාර්ලිමේන්තුවේදී පැවසීය.
රජය දූෂණ,වංචා,අල්ලස්,මූල්‍ය අවභාවිතා පිළිබඳ විමර්ශන කිසිවක් නතර කර නැතැයි ද විජේපාල මහතා සඳහන් කළේය.
ඒ පරීක්ෂණ කිසිවක් දේශපාලනීකරණය වී නැතැයි කී ආනන්ද විජේපාල මහතා තම රජය පොලිසිය නිර්දේශපාලනීකරණය කර තිබෙන අතර රහස් පොලිසියට අවශ්‍ය කරන පුළුල් බලතල පවරා තිබෙන බව සඳහන් කළේය.
ඔවුන් ස්වාධීනව ඒ සියලු විමර්ශන කරමින් සිටින බව කී අමාත්‍යවරයා කවුරු කලත් දූෂණය ,වංචාව ,අල්ලස මූල්‍ය අවභාවිතාවට විරුද්ධව අනිවාර්යයෙන්ම කටයුතු කරන බවද රජයේ ගිවිසුම තිබෙන්නේ රටේ ජනතාව සමග යැයිද කීය.
