‘චාවකච්චේරියේදී හසුවූ පැති බෝම්බ පහ බිම් බෝම්බයකටත් වඩා භායනකයි. ඒ වගේම ජැකට් දෙකක් සී හතර (ප්ලාස්ටික් පුපුරන ද්‍රව්‍ය) බෑග් තුනක් හා දුරකතන සිම් පහක් හමුවෙලා තිබෙනවා. දැන් රජය උත්සාහ කරනවා ඇත්ත වසන් කරලා මේක අඩුකරලා පෙන්වන්න‘ යැයි මහාචාර්ය ජී.ඇල්.පීරිස් මහතා අද (30) ඒකාබද්ධ විපක්ෂයේ මාධ්‍ය හමුවකදී පැවසීය.
‘හැබැයි මේක තමයි ඇත්ත. ඒ නිසා අපි ඉල්ලා සිටිනවා ඇත්ත වසන් කිරීමට කිසිදු උත්සාහයක යෙදෙන්නේ නැතුව මේක අනාවරණය කරලා මේකේ මුල මොකක්ද කොච්චර පැතිරිලා තියෙනවාද ඊට පස්සේ මොකක්ද මේ අය කරන්න බලාපොරොත්තු වෙන්නේ මේවා වැල්ලවත්තට එවනවානම්, කොළඹට එවනවානම් මොකක්ද කරන්න හදන විනාශය. මේ සම්බන්ධයෙන් රජය ඉක්මනින් ක්‍රියා කළ යුතුයි. ජනතාව දැනුම්වත් විය යුතුයි. අපි බලකර සිටිනවා මේ පිළිබඳ නිසි ක්‍රියාමාර්ගයක් ගන්න කියලා. රජය දැනටමත් ප්‍රකාශ කරලා තියෙනවා ත්‍රස්තවාදය වැළැක්වීමේ පනත හකුලා ගන්නවා කියලා. අන් සියලු දේට වඩා අපි බලන්න ඕන රටේ ජාතික ආරක්ෂාව. ඒ නිසා චාවකච්චේරි සිද්ධිය සුළුකොට හිතන්න එපා‘ යැයිද ඔහු කීවේය.
